مابي ابالغ بـ تجربتي ( بس اكتشفت ان الضعف اسهل واجد مما توقعناه)
السلام عليكم و حة الله وبركاته
بذكر لكم تجربتي و اتمنى الكل يستفيد مني
انا مابي الا الدعاء ، و ابي افيدكم لانكم خواتي وما شفت منكم الا كل خير
اول شي انا عرسي الاسبوع الجاي ، وما حبيت اذكر تجربتي بعد العرس لاني بكون لاهيه
حبيت افيدكم يوم شفت النتايج ،،،
انا طولي 156
ووزني 68
عموم جسمي قصته حلوه خصر وفخوذ وماعليه كلام لي كريشه وصدري صغير مو كبير الحمدلله
قبل 4 شهور طق ابالي اضعف عشان العرس
وبدون تفكير شفت البنات يمدحون حبوب نسيت اسمهم بس يجون علبتين مع بعض صغار وكل علبه فيها25 حبه
قلت مايبيلها كلام بطلبها
وفعلا طلبتها
والله العظيم يا بنات ب 3 ايام نزلت 4 كيلووووو
الحبوب تخليج تنسين وتكرهين شي اسمه اكل
كان ينحط قدامي اصناف وحلويات و ورق عنب والله بدون مبالغه ما امد ايدي
كلش ما اكل
ثالث يوم طحت غشيانه ودوني اهلي الطبيب الضغط مرتفع حييل دقات القلب سريعه حيل حرارتي 39
وجهي اصفر وحوالين عيوني ازرق
الله نجاني باعجوبه وظليت اسبوع كل ما قمت طحت غشيانه
وعاهدت ربي ما احط بحلجي شي لا حبوب ولا علاج اذا ابالي ضعف اضعف بـ ارادتي ولا اقعد بنفس ما انا فيه
بعدها بشهر شريت حزام حراري من النصر ، وقمت البسه من اقعد من نومي لين ارد انام
تقريباََ يومي كله
والله العظيم من اول اسبوع راحت نص كرشتي
بعدها فكرت بشي قلت ابي مساج تخسيس
قمت ابحث بالنت ولقيت الكل يمدح صالون اريام بحولي قلت اجرب شوراي
روووووووووووعه اتعب وانا اقول رووووووووووعه
اول 10 جلسات خق جسمي وانرسسسسم مع اني بدون رجيم ما اسد حلجي كلش
وبين الجلسه والثانيه اطوف ثلاث ايام واربعه يعنيمو مستمره
الكورس الثاني اللي هو قبل العرس لا كان عندي هدف انعرسي قرب وبس يا داهيه لازم اراده
استمريت 10 جلسات ورا بعض
وبعد الجلسه اطلع علي طول الممشى وامشي ساعه عشان الدهون اللي كسرناها بالمساج تطلع من الجسم
وكنت اشرب علي الريق كوب كمون احط ملعقة كمون بماي مغلي وانطره يبرد واشربه ع الريق و اكتفي بوجبه وحده دسمه اللي هي الغدا ومابعد الغدا شي وبعد الغدا بساعه اشرب جاي اخضرليبتون او اعشاب والساعه 6 اوقف اسكر حلجي
واشرب ماااي وااااااااااجد
اهي الجلسات نص ساعه مساج ونص ساعه حراري ويلفوني بنايلون طبعا بعد الكريمات
والنايلون ما ابطله لينارجع البيت اقطه واتسبح
والله يابنات ان جسمي صار ووووووعه
حيييل اسهل من شقى الحبوب والبلاوي
المسأله مسألة اراده وطريقه صح واستمرار
نزلت بهالفتره اللي هي اقل من شهرين 7 كيلو بس بالفتره الاخيره مساج ورجيم ضعفت حيل وبين علي
بس مقاساتي كأني ضعفانه 15 كيلو
الكرش بح
صفطات الظهر والله العظيم ثاني جلسه بح
فخوذي بح بس بقى رسمة الفخذ الاساسي بدون زوائد ودهون
زنودي بح
خصر صار اصغر حيييييل ورسمته حيل تغيرت
والله يابنات استمروا بدون اجهاد وبدون لا تحسبين اللقمه علي نفسج
وارد اقولكم المساج يرسم الجسم رسم والحزام يشيل الكرش ويشدها
بس الميزان ما يتغير قياسج حيل
واذا مع رجيم وماراده قويه راح تقطين اعداد هايله من وزنج وبفتره قصيره
بس حتى لما تردين تمتنين صفطات الظهر ماترجع كلش
والفخوذ المدلدله بح
هذي تجربتي
واتمنى انكم تستفيدون
احححبكم
وان شاء الله ارجع وانتم رشيقات والاهم علي صحه ممتازه وعافيه
ا
مشكورين علي كل شي :eh_s(7):
