عروساااتي ،، هديه مني قبل اغيب مده عندكم ،،
مرحباااا ي احلى عرايس
طبعا بدأالعد التنازلي
باقي علي عرسي اسبوع
والله يوفقناااا كلنا ويسهل امورنا ويبعد عنا. العين وشر نفوس العالمين
طبعاً كل عروس تهتم وتحاول انها تغير للاحسسسسسن بدون ضرر ولا بلاوي
بقولكم طريقة اهتمامي وان شاء الله افيدكم
اول شي للي ناوين يسوون رجيم شوفو تجربتي. هني
http://www.q8yat.com/t1132973.html#post32223572
ثاني شي
انا صارلي شهور احوس بهالخلطات و صفيت شهر علي برنامج واحد خلاني لمببببه
( خلطة الصبوحه اللي بعطار العربيد مال الداراريع اللي بالفروانيه )
احطها بالليل علي وجهي وجسمي
وادهن رجولي فوق الخلطه فكس والبس دلاغات
الصبح اغسل بصابونة البابايا وبالليفه المغربيه اتفرك
بعدين سنفرة كاب
وبعدها ملح الحليب
وخلصنا
اخذ كريم ( دالفور ) موجود بالعطار بس تأكدو انه الاصلي
ادهن رقبتي وايديني لـ كيعاني وادهن ركبي
هالكريم يبيض حيل وخليته بس لايديني وركبي خفت استخدمه لوجهي
بعدها العصر اغسل الكريم وادهن جسمي كامل ( جليسوليد + ليمون ) وارد البس دلاغات
طبعا شهر الدلاغات ما طاحت من رجلي لانها تفتحححح حيييل وتخليهارجل بيبي
واستمروووو وشوفو البياض والنعومه والصفاء
طبعاً قبل يومين رحت لـ سبأ الافنيو وسويت حمام تبييض يهبل عندهم سعره 35
وقبل العرس بيومين بسويه مره ثانيه واشقر جسمي كامل واحف وتم بعون الله
( شعري )
زيت جدايل خلطة الاربع انواع واحطه كل ليله
و تونك سورسير الصيني كل بعد يومين استخدمه مره
وبالاسبوع مره احط حنه اخلط معاه ( سدر ، ملعقة روب ، بيضه وحده ، ملعقتين عسل )
حيل حلو هالبرنامج وخفيف
( الليزر )
طبعاً سويته بـ عيادة الطب الكندي صايره ورا مستشفى الاميري
سويت بس البكيني
سعر الجلسه 35
رووووعه تجربتي معاهم
جهازهم مايعور شي بسيط بس
ومن ثاني جلسه تقريباً خف الشعر
وماقدر اقول غير نظااااااااااااااااافه و راااااااااااااحه
( خدودي )
تفختهم بالعرف
ماكان يهمني حيل متفوخ او شوي
كان ودي ان وجهي يكون شوي ممتلي بحيث انه يعي نضاره وكأن وجهي متعافي
طبعاً عقب التعب والتجهيز والرجيم والمحاتاه والركضه
وكانت تجربتي هم روعه ولقيت اللي يرضيني
( اسناني )
صفتهم حلوه و مافيهم شي
بس كنت ابي بياااااااض
وشفت الكل يمدح عيادة بيان البيرق
وكنت ابي قوالب وتنظيف
وتجربتي كانت فوق الممتازه
هذا اهم اللي سويته وشفت نتايج حيل حلوه والحمدلله علي كل حال
اتمنى انكم استفدتو مني
واشوفكم علي خير
