عنايتي حق ايدي 👐

مرحباً بنات😊

عنايتي حق ايدي كالتالي 😌

أولاً : أغسل ايدي بصابونة البابايا روعه واخليها شوي وبعدين اغسلها .

ثانياً : عندي سنفرة المشمش اعتقد اسمها كستيز تلقونها بالجمعيه وريحتها عجيبه ودج تآكلينها:d
اسنفر ايدي واخليها دقيقتين ثلاث كيفج وغسليها .

ثالثاً : ايب سنفره وهي عباره عن (قهوه + زيت زيتون + سكر + ملح + ليمون) ، حسب الكميه اللي
تحتاجينها واسنفر ايدي واسنفر اسنفر لين اتعب 😓 بس ها مو لي درجة التزلق 😜 عقب اغسلها.

رابعاً : ايب طاسه أحط فيها حليب سائل وشوية زبده وليمون قطرات حلوه قطرات (: المهم احطهم بالميكروييف
ثواني تسخن واطلعها وانقع ايدي فيها لين أمل نص ساعه كيفج ، عقب اغسل ايدي .

خامساً : ايب عسل اشوي وادهن فيه ايدي عدل واذا حابه تغلفينها بنايلون افضل وقعدي فيها كثر ماتقدرين .

سادسا : عقب غسليها بماي ونشفيها وحطي المرطب اللي تحبينه ونعيماً ياحلوه .

أخيراً : أتمنى اللي يعجبها الموضوع تدعيلي وتقولي رأيها .

ملاحظة: أسبوعياً هذا البرنامج وكل يوم غسيل بصابونة البابايا وسنفرة المشمش او اي سنفره عندج .

وبس أشكركم @ شوشو الحلوه @