الرجيم النفسي . اخسري الوزن للابد

http://img.ehowcdn.com/slideshow-mai...1/86490170.jpg

أنا ما باكل لاني جوعانة أنا باكل لما بكون معصية قلقانة متوترة زعلانة حزينة و ضجرانة



بحس بفرغ كل الطاقة السلبية بالاكل
فمرة د. أوز اللي كان يطلع مع اوبرا وينفري قال مافي ريجيم بيضعف متل الريجيم النفسي
اللي خطواته هي :
1- عالجي مشاكلك و مخاوفك النفسية عبر مواجهتها وعبر الاستعانة بطبيب نفسي أو معالج سلوكي المهم لازم تتخلصي من سبب كل التوترات النفسية و المشاكل اللي بتخليكي تهربي و تفشي خلقك بالاكل لازم تواجهي كل مشاكلك وتقرري تحليها

2- مارسي تمارين للاسترخاء مش رح قلك نطي العبي ايروبك بس ركزي على اليوغا لحتى تقدري تنسجمي مع جسمك و نفسك و تتخلصي من الطاقة السلبية و فرغي كل غضبك بالرياضة

أو حل تاني أكثري من الصلاة و الركعات لأنو الصلاة رياضة وبهل الطريقة مع كل ركوع و سجود انت عم تعملي تمارين فكمان الصلاة تهتبر طقوس أو تمارين روحية بتريحك من هموم الدنيا و بتعطيكي نشاط و حيوية و كمان أجر و ثواب وبتزيدي حسناتك


3- بعد ما تتصالحي مع ذاتك لازم يكون عندك هدف تخسري وزن عشانه مثلا أنا هدفي يرد مقاسي من 44 الى 38 واخسر 20 كيلو عشان كون حلوة و اقدر البس كل شي (كلوي كارديشيان مش أحسن منك خسرت 15 كيلو و شكلها تحفة بالبيكيني )

4- بعد تحديد الهدف بيكون لازم تحضري خطة اعملي فحص كامل و فحص دم و خدي النتائج وروحي عند طبيب تغذية خليه يعطيكي ريجيم يضعف بس يكون متوازن فيه كل شي لانو الريجيم مش تحرمي نفسك من الاكل الرجيم انك تاكلي كل شي بإعتدال

5- بالتعاون مع الطبيب حطي لنفسك خطة معقولة مثلا تخسري 20 كيلو ب 4 شهور (كل شهر 5 كيلو ) و ثقفي نفسك بموضوع الرجيم مثلا اقرئي مقالات عن الرجيم و الحمية وتعلمي كيف تعدين عصائر ومشروبات طبيعية تساعدك على حرق السعرات الزائدة و الدهون و تسريع عملية الأيض مثل عصير الأناناس و الكيوي و تعلمي تطبخي أكل صحي و تعملي وجبات لذيذة و مناسبة للدايت


6- اذا كنت متلي بتقعدي برا البيت بما لا يقل عن 13 ساعة باليوم رح تضطري تاكلي بالدوام أو برا كرمال هل الشي حاولي تفطري أو تروقي الصبح قبل ما تنزلي من البيت وخدي معك غداء من البيت و كلي بالدوام و اذا جعتي بالدوام خلي عندك تجهيزات من بسكويت النخالة و الشوفان أو فواكه و خضار طازجة أو أي سناك و مأكولات خفيفة تكون قليلة السعرات و الدهون و مغذية أو حاولي تطلبي من المطاعم اللي بتقدم خيارات صحي و مأكولات للريجيم أو تناولي سلطات أكثر من اللحوم و الدواجن و الدهون و أخيرا أكثري من شرب الماء 8 أكواب في اليوم ولا تتناولي أي شئ بعد الساعة 7 مساء


7- تناولي كميات أقل من الطعام مثلا لو متعودة تاكل 3 معالق أرز خليها ملعقتين و قليلي الملح و الفلفل و النكهات و السكر بأو حاولي تلاقي بدائل لمن يتبع ريجيم متل سكر للريجيم لطعامك اشربي شاي أخضر أو قهوة منزوعة الكافيين و ابعدي عن البفك و الشوكلاته و الكاكاو الا اللي بيكون مفيد و قليل السعرات و الدهون و حاولي تتناولي أغذية عضوية

8- بعرف بتكرهي الرياضة بس الرياضة شكل من أشكال الحركة لتنشيط الدورة الدموية و عملية الأيض فحاولي بدل الرياضة تحافظي على مواعيد الصلاة و اذا أمكن تصلي السنن و الفروض و تحاولي تعملي أي نشاط مثلا تتمشي 3 مرات بالأسبوع مدة 30 الى 90 دقيقة
و تشتغلي بتنظيف و ترتيب البيت كمان شغل البيت نوع من الرياضة

9- اذا فيكي تعصري عحالك ليمونة و تتعملي رياضة جربي رياضات ممتعة مثلا السباحة بنادي قريب أو البحر بالصيفية و ممكن تعملي رياضة جديدة متل الكيك بوكسينج أو الزومبا (رياضة تجمع بين فنون القتال و الرقص البرازيلي)

10- أهم خطوة يكون عندك دفتر يوميات تكتبي فيه شو اكلتي و كم كلفك و بهل الطريقة بتعرفي شو دخلتي عبطنك و بتحسبي حساب قبل ما تشتري أكل بلا طعمة من المطاعم حاولي توفري فلوسك لتيابك الجداد بعد خسران الوزن