الي من تبحث عن زوج في النت ومواقع الزواج!!

السلام عليكم ورحمة الله وبركاته

خواتي..



الاحظ في مواقع الزواج في المنتديات طلبات الزواج من الطرفين الا ان طرف النساء

البنات يبون يتزوجون بااسرع وقت ممكن وهذا حق من حقوقهم

لاكن لابد من التأني من مغبة السقوط من حافة الانجاز

يمكن تستعجلين وتحصلين واحد غير لائق او غير موثوق به واتخذتي قرارك وتزوجتيه

ثم يحصل شي وتنفصلين عنه..؟( صمتي وافطرتي على بصله)

هنا عالجتي مشكلة بمشكله اكبر منها

حاليا انتي تحملين اسم مطلقه وليس عيب او حرام

لاكن لو خير الرجل بين بكر او مطلقه تأكدي انه راح يميل مع البكر

وهذي حقيقه لايختلف عنها رجلين

اللي حاب اقوله التأني والبحث والسؤال عن الزوج اكثر من مره واكثر من شخص

فيه رجال في النت الله معطيه مال وكل شوي يتزوج ويطلق وهذا عبث (الله يشفيه)

مع اني افضل زواج المعارف أو القرايب أو الجيران

لانهم معروفين وشبابهم تحت الانظار من يوم كانو أطفال والصاحي صاحي والمجنون مجنون

سمعنا زواجات كثيره عن طريق المواقع ورأينا الكوارث التي نتجت عنها

صدقوني النجاحات في هذه الزواجات بنسبة 10%

ليس المهم تحقيق الهدف.. المهم هدفك لايطلع تسلل