يومياتي مع التخفيف وجهاز الاوربتراك { حياكم }

السلام عليكم

بنات حبيت نتحدى بعض على جهاز الاوربتراك عشان الحماس وجذي
وان شاء الله نوصل للهدف المطلوب ...

بقولكم تجربتي ماشاء الله

كان وزني 63 قبل لا ابلش فيه
ونزلت 3 كيلو بأسبوع ماشاء الله
اول مابلشت فيه ماقدرت اوصل خمس دقايق من التعب
مع اني مخليه العجله خفيفه اخر شي وكنت امشي الصبح اول ما اقعد وقبل لا انام
اول يومين حدي 7 دقايق اذا كنت شادة حيلي ولا كل دقيقتين واقفه اريح لوووول
لين وصلت الى 20 دقيقه لكن هم مقطعه امشي 10 دقايق اريح دقيقتين واكمل 10 ثانيه
الصراحه الكل ملاحظ تقسيمات جسمي فرقت
خاصه الخصر بان و الزنود خفت
لككككن ما اجذب واقول وصلت للي ابيه


تنبيهات مهمه :
يقولون الاوربتراك اذا خليتي العجله ثقيله يطلع عضلات من جذي انا ماراح اثقلها
و هم يقولون يأثر على الركب للي فيها خشونه ماينفعها
واللي تحس عور ركبها توقف وتستخدمه المرك اليايه بحركة اخف


ما كنت متبعه رجيم معين لكن كنت اخفف بالاكل
الريوق توست و روب ( زبادي )
الغدى من طباخ البيت بس كميه قليله ( ثلاث قفاش عيش و صدر دياي وسلطه )
المغرب اطقطق بأي شي موجود وغالبا يكون خرابيط ( فطاير ورق عنب ) تعرفون يمعت الاهل بعد ههههههههههههه
بس ما كنت اكثر كلش كلش
والعشى اذا كنت مطقطقه اكل روب اذا لا هم من طباخ البيت بكميه قليله
بس اقولكم شي اللقمه اللي تاكلونها لا تتحسفون عليها
اهي وحدة من الثنتين يا تاكلينها و مريحه راسج او لا تاكلينها ارحم
ليش لان لو تحسفتي عليها الجسم ياخذ ردت فعل عكسيه ويخزنها دهون
و اكيد عاد مو تاخذون راحتكم بالاكل عساس ماراح اتحسف ههههههه

و كنت اسوي مطارة فيها اعشاب و اشربها قبل لا اكل اي شي بنص ساعه
عادي اشرب قلاصين و هم اشرب بأي وقت مو لازم قبل الاكل بس
اعشابي ملعقه من كل ( شومر حب - كمون حب - نعناع مجفف - زنجبيل بودر - عود متوسط دارسين )
احطهم بالمطارة الكبيره و اصب عليها ماي حار اخليها ساعه واشرب منها

هذا كان نظامي واتمنى ينفعكم
وادعولي اوصل ال 50 بصحه وعافيه

لي باك