اذا كل شي ممنوع.. عيل شنسوي؟ نطق راسنا بالطوووف؟؟!
السلام عليكم ورحمة الله وبركاته
شلوونكم بنات؟
انا حامل بالشهر الثامن وان شاء الله الولادة مو بعيدة.. لكن وانا ادور عن النفاس لاحظت ان كل شي ممنوع!! في شغلات بنات معاها وبنات ضدها.. بس تقريبا اللي فهمته ان كل شغلة القاها اقرا ان كاتبين ممنوع،، عيل البنات شلون يطلعون بنيولوك بعد الاربعين؟
- الدويات بعضهم يقولون لازم تاخذون كل شي وفي تحذيرات ان ماناخذ كل الادوية،، بعرف شنو اللي ناخذه وشنو اللي نتركه؟
- الرشاد للحين مافهمت اهوا باول النفاس ولا اخره؟ وصج الزنجبيل ممنوع مع الحلبة؟
- الماي متى نشربه سمعت ان مو زين على يوع وممنوع مع الوجبة،، عيل متى ينشرب؟
- ليش السبوح مو زينة كثرته؟ عيل شلون بستخدم خلطات حق الجسم وصابونياات؟
- ليش مايصير نغسل شعورنا ومايصير نحط دهن.. واللي بتعتني بشعرها شتسوي!؟
- اذا مو زين يدشنا هوا ولازم نتدفى يعني ممنوع نحط لوشنات؟ وشلون نحط كريمات بدون لايدشنا هوا وبدون لانخيس من الحر؟
- اذا المنطقة الحساسة فيها خياط،، عيل شلون البنات يستخدمون كريمات تفتيح؟ انا صارتلي حساسية بالمنطقة الحساسة وصارت مبقعة جنه فيها مرض جلدي -الله يحفظنا واياكم- شسوي؟ الطم؟
- الربط والكورسيه.. من يطيح الخياط؟ وهل البطن يترهل!! وشلون يرد لوضعه الطبيعي اذا الربط مو زين والرياضة مو زينة!؟
:eh_s(2):
