جمهور الأهلي مسوين " سـاهـر " بالنادي الأهلي

السلام عليكم ورحمة الله وبركاته
كل يوم تزيد المواضيع والنقاشات الحادة والانتقادات السلبية ضد لاعبي الأهلي وكأن الأهلي هو اللي خسر لقب الدوري وليس [ الهلال ] ,, وكأن خسارة الأهلي من الفتح نهاية العالم ,, وكأن الاهلي لن يعود للمنافسة على الدوري من جديد .

لازم تعرفوا إن كل شيء مقدر ومكتوب ولازم نرضى بقضاء الله وقدره في كل حال ولكل مباراة ظروفها الخاصة .

الكل تم انتقاده بدءا من الرئيس / فهد بن خالد ( الله يحفظه ) طارق كيال , ياروليم , أليكس , الجهاز الطبي , مدرب اللياقة , مدرب الحراس , فيكتور , عماد , الخميس , المحياني , تيسير , جيزاوي , محسن , باخشوين , معتز , المر , الموسى , موراليس , منصور, المعيوف , المسيليم .
ومن بقي ؟ بالومينو !! طيب ولا تزعلوا انا بنتقده لأن قصة شعره مو عاجبتني $$ امزح معاكم لا تصدقوا :tongue1:
ولكن بسألكم :: ايش استفدتوا ؟

جمهور الاهلي مسوي " سـاهـر " في النادي الأهلي !!
أي لاعب يغلط لازم ينتقدوه ويسجلو المخالفات عليه
أجل باخشوين " المحارب " لاعب حواري بالهنداوية ؟
ولا برونو سيزار " العالمي " وجوده زي عدمه ومايصنع ولا يسجل ؟ معقولة !!
أجل ياسر " الاسد " فاشل وانتهت صلاحيته بعد ماكان الحارس الاول في الموسم الماضي !!
والمعيوف " اتكالي " وكامل الموسى " كخة " بعد اسامة والمر " كارثة على الجهة اليمنى " بعد
ماكان اساسي كل المباريات في الموسم الماضي والجيزاوي يلعب " من دون نفس " وبصاص
خلاص " اتكبر " وعماد " ماعنده اكثر من اللي قدمه ؟ ايه صح بعد اهدافه بالنصر اثبت ان ماعنده
شي يقدمه ههههه ولا فيكتور اللي كل الفرق السعودية والخليجية يتمنوه ماعاد ينفع ؟
المحياني والخميس " هما يشاركو أصلا " عشان تنتقدوهم وكل ماشفتو واحد منهم تقولو لهم " ارحل "

متأثرين بالربيع العربي ؟ ولا تزعلوا بس بسألكم : مــــــــــــن أنــــــــتـــــــم ؟ ستندمون يوم لا ينفع الندم
بعد ماكتمل الفريق وصار من أقوى فرق آسيا كل يوم تنتقدوا لاعب جديد
انصحكم تتراجعوا عن فكرة " ساهر " اللي حاطينها بروسكم وتبتعدوا عن الانتقاد وتكونو يد واحدة في وجه المنتقدين " السلبيين " من اجل مصلحة الاهلي اللي تقولو انكم " مجانينه "

ولا تبالغوا وقت الفوز بالمدح والثناء ووقت الخسارة تكيلون الاتهامات والنقد الجارح
الصراحة !! تناقض غريب
ارســــــو على بـــــــر :: الله يخليكم ::