مكياج الهنود ....لا كومار ولا غيره .....حيااااااكم بنات ديرتي

السلام عليكم و رحمة الله و بركاته



انا استغرب من البنات الي ايبون كومار البيت و يشترون منه و من محلات الهنود انا اشوف اسعارهم غاليه بالنسبه لهلماركات
لمن اشتريها من الاسواق الشعبيه تطلع ارخص بوايد
انا اشتري من طيور الجنه و من سيتي ستارز
لا تعيبون و تقولون مو حلو
مكياجهم ايننن و في ماركات و بسعر اقل و باليتات ماك الحجم الوسط على دينارين و نص و اقلام العين اينن اغلى قلم ب 750 فلس
للاسف بنات الكويت ما يحبون هلاماكن عبالهم بو طقه و الزلمات تارسين هالاماكن يتشرون منها لانهم عارفين انها زينه اذكياء
انا كل ما اروح الاقي شكثر زلمات
نصيحه بنات الي تبي مكياج تروح سيتي ستارز حولي والله خطير عيونكم تنحول من كثر الميك اب ما تعرفون شنو تاخذون و شنو تخلون و سيتي ستارز شويخ بعد
انا متعوده امر بين فتره و فتره و اتشرى منهم كل الي يعجبني
مرا شريت بودر و عطيته رفيجتي اهي ما يعجبها الا الماركه تخيلو بعد فتره قالت لي ابي واحد ثاني لانه عجيب


غير الاصباغ و البلاوي الثانيه بنات مابي وحده تتفلسف علي لاني حابه بس انصح الي يبون يعرفون عن هلاشياء