قصتي مع أبوي وولد عمي مع المراجل
قصه طويله أغلق النت وحط الوسادة قريبه منك
أخواني الغالين
والله ياااني مشتاااق لكــم .. شـوووق الصحاااري للمطــر .. شوووق الحروووف للسطـــر .. شوووق العسكــري للخطــر .. شـوووق الصااايم لعيــد الفطـــر .. شوووق القصاااب لعيـد النحــر .. شوووق الليمـووون للعصـــر .. شوووق المخيمين لنور القمر .. شـوووق المااسنجـر للحظــر .. شــوووق الآباااط للعطـــر .. ((ماكني زودتها شوي ..!!!))
هاذي قصة أحد الشباب أضحكتني كثيرا" ,,, فنقلتها مع بعض التعديلات ,,, وهي من عدة أجزاء .........
المهـــــم ...
خلوووونا نــدخل في الموضووووع عشااااان ماأطووول عليكـــم .. (( وش رااايكم فيني وانا أخلاااق ..!! )) ... وترررى المـوضوووع طووويـل في الي عنده شغل يقضيه ويرجع مرتن ثانية..!
هـــذا الله يسلــمكم ... كاااان عنــدي ولــد عـــم فــي نفـــس عمـــري ... بــس إنـــه قااااهرنــي ... لأنــه متفوووق فــي دروووســه وذكـــي ووسيــــم ورجاااال ... وأنا عكســـه .. لأن الكــل يقووول إنـي أهبل وشيــن وماااعندي ماااعند جــدتي ... واللــي قااااهرني إن ابوووي داااايم يقووول لي .. ليــش ما تصيــر رجااال مثــل ولــد عمـــك ...!!! وانا أقووول في نفســـي .. طااالع عليك ..
عااااد ولــد عمـــي ما يدررري إنـي حاااقد عليــه وإن ودي أتوطى في بطنه من القهر ... حتـى أذكــر إنــه أول ماااتخرج مــن الجااامعه وأنا كنـت في ثاااني متوووسط .. مـع إننا في نفــس العمــر بس مثـل ما قااالوا .. لله في خلقــه شؤون .. (( وش دخلهاااا ..!! )) .. المهـم إن ولـدعمــي جاااني وهـو فرحااان وقاال لي ... باارك لي يافهد أنا تخرررجت مـن الجااامعه بإمتياااز .... قلــت له ... مبرووووك يالزلابه... (( مــن الحقـد اللي فينـي ..!! ))... هــو استغرررب .. وقاااللي .. وش قلـت ..؟؟؟ قلـت له .. أمــزح معاااك الله يأخذ عمرك .. (( ماااش .. ماااقدرت اخفي الحقـد ..!! )).. قااال لي .. فهد ويـن ودك أدخـل بعــد ما خلصـت الجااامعه ..؟؟ قلـت له .. والله أنا ودي إنـك تـدخل الناااار ..!!! ... وقااام يضحـك ولد عمـي وقال لي .. الله يرررجك يافهد أنت ومــزحك ... (( يحسبنـي امـزح وجـه الزمـزميـه .. مايدري إن ودي أفقـع جبهتـه ببقــس ..!! ))....
وحتـى عنـد الرجاااجيل .. دااايم يحترمووون ولــد عمــي وأنا مطنشينـي .. كنـي ولـدالشغاااله .. ولا كنهـم محصلينـي عنـد باب مسجــد .. ماااحد يعبرررني ... ويقلطووون ولـد عمـي مـع الرجاااجيل .. وانا يقلطوووني مـع الدفعـه الثااانيه انا والبزرااان ... الليـن جتنــي حاااله اسمها فرانكفوووورت ... وهــذي الحاااله تصيـب الشخـص اللي يحــس إنــه مضطهــد .. (( ياشيـخ افلقنـي إذا كنت فاااهم معناها ..!! ))... ومـن آثاار هـذي الحاااله إن الشخــص يكووون ما يهتـم في أحــد .. ويصيــر يـدخل الحمااام ويخلـي الباااب مفتوووح ... يعني ماجاااب خبـر أحــد ... (( لأنك وااثق إن مااافيه أحـد بيطـل عليـك يالشيــن ..!! ))...
وفـي ليلــه مـن الملاليــل .. كنـت جااالس في غرررفتـي .. وافكــر فـي شي يخلينـي اصيـر أحسـن مـن ولـد عمــي ... وطبعـا في الدراااسه ماافيه أمـل اصيــر أحســن منـه .. لأنـه حسبي الله عليه ذكــي .. وأنا مافي راسي لدرجـة إن اللي فـي نفــس عمــري تقاااعـدوا وبعــضهم توووفى .... وفي الشكــل برررضه مااافيه أمــل أصيــر أحســن منـه ... لأنـه حلووووواحمــر ووسيـم اللي مانيب قايل وجـه الطماااطه .. (( والله يانا حاااقدعليــه ..!! )) ....وانا شيـن ووجهـي كلــه جروووح وعمليااات .. حتـى أذكــر مررره إنـي بغيــت أصووور .. ورحـت لمحـل تصويـر .. وجلـس المصــور المصــري ساااعتين يحاااول يصــورني وماااقدر ... ويووم تعـب قال لي المصــور .. شوووف يابنـي .. إنـت تصووويرك صعــب لأن وجهـك مالوووش أول ولا آخــر .. لكـن أنصـحك يابني إذا كنـت عاااوز تصــور إنـك تروووح لأقرررب مستشفــى وتاااخذإشاااعه لوجهــك ... لأن الإشاااعه حتوضـح وجهـك أكثـر مـن الصوووره العاااديه ... (( حسبي الله على المصررري يـذب علي ..!! ))..
المهـم .. إنـي قررت أتفوووق على ولــد عمــي في المرررجلـه ... يعنـي أتعلـم المرررجله .. واصيــر رجااال .. عشااان أبوووي يرررفـع راااسه إذا شااافني ... (( اكيـد ابووك اذا شااافك بيررفع راااسه ... وبيقوول يااارب خـذه وفكنـي منـه ..!! ))....
وفي اليوووم اللـي بعــده اتصلــت على واااحد مـن العيااال إسمـه هيثـم .. وقلـت له .. ابيـك ترررسلنـي لوااحد يعلمنـي علوووم المرررجلـه .. ويكوون فاااهم في كل شي .... قاال لي ... إبشــر بارسلـك لواااحد مشهووور إنـه رجاااال وعنـده علووم طيبـه .....قلـت له .. منهــو ...؟؟؟قال لي .. منصوووور ..... قلــت له ... لا ياااخوي إرسلنــي لواااحد سعووودي ..!!!!قال لي ... طيب هذا سعووودي ..!!! قلـت له .. كيـف سعوودي ومـن صووور .. ولا يمكـن أمـه عمااانيه ..!!! قاال لي .. ياالخبل .. الرجااال إسمــه منصوووور ... قلـت له .. ماااعليش أحسبـك تقـصد إن الرجال مـن مدينة صووور العمااانيه ... (( واااضح إني من جنبها في الجغرافيا ..!! ))
المهـم ... رحـت لمنصووور .. وفتـح لي الباااب .. وقااال لي .. ياهلااا والله .. أرررحب ياااولد ابوووي ... وقلطــت عنــده في البيـت .. وهـو أنوااع الترررحيب فينـي وطاااير فينـي لدرررجـة إنـي شكيـت في نفسـي وقلـت وش ناااوي عليه ذا ...!!! (( ماتعوود إن أحـد يحترررمه ..!! ))... وجاااب لي قهـوه وشاااهي بعـد ماااكنت إذاقلـطت عنـد أحـد يجيـب لي قوووطي بيبسـي مشرووب نصــه وبعدهااا يمسكنــي الباااب ...!!!
وبعــد ما تقهووويت ..جلــس منصووور يسووولـف علــي مـن سوااالف الأوليــن وقصصـهـم وقصااايـدهم .. وانا ماااني فاااهـم وش يقـووول لأنــه يتكلــم بلهجـه غررريبـه وكلمااات قــديمـه .. بــس أحـس إنـه رجااال وهــو يتكلــم .... وجلــس يسووولف علـي وأنا مثـل الدجاجه مدرري وش يقول هــو يمـدحني ولا يسبنـي ... بــس إني إذا شفتـه ضحــك ضحكـت معــه .. وإذا شفتـه زعــل زعلــت معــه ... إلا مررره زعــل هـو وأنا تلخبـطـت وضحكــت ... وقاام يناااظرني وهــو منهبــل .... المهـم إنــه غثنــي بسواالفه وقصااايـده ....ويووم خلــص قااال لـي ... وانـت وش عنـدك مـن قصيــد يااولــد ...؟؟؟ قلـت لــه ... عنـدي انشوووده حلوووه .... قاال لي .. أنشووووده ...؟؟؟؟ قلـت لـه .. إييييه .. إسمـع وش تقووول ..... كان فيه أرنب قاعد يلعب **** لا لا لا ........ وما أمداااني أكمـل إلا ورجلــه داااخلـه فـي بطنـي ... وقاال لي .. نعـن أبووك هاللحيـن جااالس أسووولف عليـك سواالف رجااجيل وآخرتها تقووول لـي كان فيه نعامه جعلها ترفس بطنك....!!!!
بعــد ما تهزئــت جلســت ساااكـت ... ومااادريـت إلا منصـور يقووول لـي .. ترررى ذبيحتـــك مااااتت .... قلـت له .. أفااااا .. هــذا اللي كنـت خااايف منــه ... مـن اللـي ذبحهااا ...!!!!؟؟؟؟ هــو انهبـل .. وقاال لي .. لاااا قصــدي ذبيحتــك ماااتت يعنــي ...!!! قلـت له .. يعنـي عدلتها انت هاللحيـن .. علمنـي بس مـن اللي ذبحها والله لأتوطى في كرشته ( أخص يالقوي)....!!!!الرجااال ماعاااد عرررف وش يقوووول ... وسكـت شوووي وجلـس ماااسك راااسه .. وانا واااقف عنـده وطلعـت جوااالي ... وقال لي .. وش بتسووووي انــت ..؟؟؟ قلـت له .. باتصــل على الشرررطه واعلمهــم ...!! قااال لي .. ياااخوي أنا قصــدي إني ذبحـت ذبيحـه لك عشااان نتعشاها مـع بعــض ....قلـت له .. الله ياااخذ هالوووجه .. خوووفتني .. كنـت أحســب إن الارهاااابييـن ذبحوووها ...!!!
وجلسنا نتعشـى .. وبعـد ماااخلصـت مـن العشــى قمـت .. ومنصوور يناظر فينـي يحتررريني أقووول له أنعـم الله عليك ولا أي شي ... وأنا مااجبت خبررره .. دبغـت في العشـى وقمـت أغســل ولا قلـت ولا كلمـه .. وبعـد ماجلسـت قلـت له .. بصراااحه عشـاء إبن سته وستين (......).... وهــو يناااظرني ومنهبــل ... كنـي بـه يقووول مـن وين جتنـي هالبلوووه ...!!!
وجلسنا بعـد العشــا أنا وياااه وهــو باااقي يرررحب فينـي ويمـدحني .. عاااد أنا انبسـطت عنـده لأنه أول واااحد أحـس إنـه يقــدرني ... ونشبـت له ... عااااد جـت الساااعه وحــده وأنا لااازق عنــده ... والرجااال فيـه النوووم ووراااه دوااام ... وقااام يلمح لي مررره يتثاااوب ومررره يغمـض عيووونه ومررره ينااااظر الساااعه ... وأنا ماااعندي إحساااس أبــد جااالس ألعــب لعبـة الثعبااان في جوااالي .... وقااال لي ... تصــدق إن الوقـت طااار .. وهاللحين السااعه وحـده ... قلت له .. يارجااال هــذي حاال الدنيا .. (( مالها دخل في الموضوووع ..!! ))... سكـت منصووور شوووي وقاال لي ... ياااخوي تصـدق إن الدوااام قلـق يقولون لااازم تجـي بدررري ... قلـت له .. يارجاال الدوااام لله ... وأنا أقووول في نفسـي .. وش هالغثيث .. يشوووفني جااالس ألعـب وهو يسووولف علي ..!!
.... وسكـت شوووي وقاال لي .. تـصــدق إن النوووم عباااده ...قلـت له .. الله المستعااان ...!!!! عاااد أنا أقووول في نفسـي .. شكلـه منقهر منـي عشاااني جبـت درررجه عاااليه في الثعباان ويـبي يخرررب علـي .. (( منيب عاقل مخترع الطاقه..!! ))....
..المهــم إنــه أذن الفجــر .. ورحنا نصلـي في المسجـد اللي جنـب بيتهـم .. وهـو فيـه النوووم لـدرجــة إنــه نااام وهــو ساااجد في الصلاااة .... ويوووم طلعنـا مـن المسجـد قال لي .. يالله عاااد وخلنااا نشوووفك ... قلـت له .. ماااعليك كل يووم باااجيك ... (( كني حسيـت إن وجهـه تغيـر وانصـدم يوووم قلتها ..!! ))... ومشينا أنا وياااه .. ووصلنا بيتـه ... عاااد هـو يحتررريني أركـب سيااارتي .. وأنا أحتررريه يفتـح بااب بيتـه ... قااال لي .. وش فيـك نسيـت شي في المجلـس ...؟؟؟ قلـت له .. لاااا بس تووونا بـدررري وودي أجلـس معاااك .. إلا إذا كااانك تضااايقت منـي ...!!! قاال لي .. لاااا وش دعوووه حبيبـي .. البيـت بيتـك ...!!! قلـت له .. لااا أنا بيتـي بعيـد هـذا بيتـك إنـت ..!! قااال لي ... قصـــدي إن البيـت واللـي فيــه تحـت أمـرك ....... قلـت له .. حتـى خدامتكم ...!!! أنا قلتها ولا ماقلتها ... مااادريت إلا أنواااع الضرررب ... وانا اصيـح وأقوووله إني كنـت أمــزح معاااه بس .... وهــو مستمـر في الطــق ... الليــن طلعـت العشــا اللـي تعشيتــه .... وبعــد ماااخلص مـن الطــق دخـل بيتـه وسكـر الباااب ... وتررركني غااارق في دمااائي ..... وركبـت سيااارتي ورجعـت للبيـــت .
بعــد مااارجعـت للبيـت .. اتصلـت على صــديقـي العـزيز هيثـم .. وعلى فكررره ترررى عمــر هيثــم اثنعشر سنـه عــدا ونقـدا ... إتصلـت على هيثـم وعلمتـه بالسااالفه وقاال لي .. ولا يهمــك .. وأنا أعرررف شباااب حقيـن بـر وعلوووم مرجلـه .. وهـم هاللحيـن بيطلعووون البــر ... وأنا باوصـف لك مكااانهم ورح لهـم وهـم بيعلمووونك المرررجله .... (( مع إن عمر هيثم اثن عشر سنه .. بس أحسه أرجل مني ..!! ))..
المهــم جمعـت أغراااضي وحطيتها في شنطـه .. وكااانت أغراااضي عباااره عــن كريمات للجسـم وعطورااات ومزيل رائحـة العرررق .. (( صفقنـي ياشيـخ ..!! )).. وبناطيـل جنـز وفنايـل بــدي وشورتااات .. (( إنـت رااايح للبـر ولا لسووووريــا ..!! ))... وركبـت سياااارتي ورحـت للشباااب ... وعلى الطريــق وقفـت عنــد بقاااله وشريـت لي حليب السعوديه لأنـي سمعـت إن البـر فيه حليب خلفات مدري مخلفات وخفت على نفسي وقلت لاازم آخـذ احتياطاتي ...
وصلــت عنــد الشباااب .. وكااان عــددهم أررربعــه وكلهــم أشنااااب ... ولقيتهــم محمليــن عزبتهــم فـي جيـب شااااص ومعاااهم برررضه جيـب لاندكروووزر ..... وقفــت سياااارتي الفيااااقرا عنــدهم .. (( يالرربع تراااه بــدا يكــذب ..!! )) ونــزلـت عندهــم ... هــم قاااموا يناااظروني ومستغررربين ... وسلمـت عليهــم وقلـت لهــم .. أنا اللـي مرسلنـي لكــم هيثــم ...قااالوا لي .. انـت اللـي تبـي تتعلـم المرجلـــه ...؟؟؟قلــت لهم .. إييييه أنا .... قالوا لي .. يالله لبـق سيااارتك واركــب انـت وشنطتـك في صنـدوووق السياااره مــع العـــزبــه ... (( يلعـن أم الاحتقااار ياااشيخ .. بس ماااعليه أهـم شي أصيــر رجااال ..!! ))...ركبـت أنا وعفشي معاااهم .. وتوووجهنا للبــر .... وبعـد مامشينـا مسااافـه طووويله .. طلعــوا عــن الخــط ومشــوا في طريــق ترااابي ... بينـي وبينكـم أنا شكيـت في نفســي .. وحسيـت انهـم ناااوين شــر .. (( ياااخوي مـن زينك انت وخشتـك .. يعنـي يمكـن نصـدقك لو قلـت إن شنطتك هي اللي شكـت في نفسها ولا نعلتـك هي اللي شكـت .. أما انـت معصــــي ..!! )) .. المهــم .. مشينا في البــر وبعــد فتــرررره وقفــوا سياراااتهم ونــزلوا .. وانا ماااسك في يــدي مقـص اظاافـر ومطلـع السكيـن حقتـه .. عشااان إذا أحــد سوى لي حررركه بااايخه أطعنــه ... (( يارجااال كلك تبــن ..!! )) .. المهــم .. انهـم نـزلوا ونــزلوا عــزبتهــم ... وقلـت لهـم .. لا يكوون قصــدكم بتجلسـون في هالظلاااام ....!!!! وهـم اللي ينااظروني باستغراااب .. وقال لي واااحد منهــم .. ماعليك ياشااطر بكرره بنسـدد فاااتورة الكهــرررب وبيرجعووون النووور ...!!! (( والله إني صــدقتـه ..!! )) .. أهــم شــي انهـم نـزلوا الخيمـه عشااان يركـزونها .. والتفـت علـي واااحد منهـم وقااال لي ... جـب الاطناااب ...!!! بينـي وبينكـم أنا توووهقت .. لأني ما أدري وشهــي الاطناااب ... وانا اللي أسووي نفسـي نااايم عشااان مااايدري إني حمااار ..
وبعــد ما ركــزوا الخيمــه وصلحــوا القهــوه والشاااهي جلسنااا كلنا في الخيمــه ... وقاال واااحد منهـم لي .. أنا برررجـس وهذووللي محماااس وناااشي وشااايع ... قلـت لـه .. نــص بطيــخه ....!!! قااالي لي .. وشهــي ذي ...؟؟؟ قلــت له .. جواااب اللغـــز اللـي قلتـــه ...!!!! قااال لي .. ياااخوي هــذي أسااامينا ...!!!!! قلـت لـه .. وانا اسمــي فـليسكــوووو ..... وهــم اللي يفكووون الضحكــه .. (( حسـوا إنـي خكــررري ..!! )) وسألنـي بررررجس ... بالله يااافليسكــو أنـت قــد رحــت للبــر قبـل كــذا ....؟؟؟ (( والله البلشـه .. وش اقوول له هاللحيـن ..!! )) . قلـت له .. إييييييييه عـــد واغلـــط ...!!! قااال لي .. ويـن تروووح بالضبــط ..؟؟؟ ... قلـت لــه .. والله أنا دااايم أروووح الــررربـع الفاااضي ...!!! وهـم اللي ينهبلووون .. وقالوا لي .. ويــن ويــن ...؟؟؟ ... قلـت لهـم ... ماااتعرفووون الررربع الفااااضي ...!!!! قااالوا لي .. وينــه ذااا ...؟؟؟؟ .. قلـت لهـم .. الـررربع اللـي مااافيـه شــي ... مااعمررركم سمعتــوا عنـــه ...!!!! ومااادريت الا محماااس يضحــك ويقووول ... قصــده الربــع الخاااالي ...!!! وهــم اللي يضحكووون .. وقلـت لهـم .. يارجااال نفــس المعنـى بـس أنا بغيـت أختبررركم ...!!! (( اييييه هيــن ..!! )..
عااااد طووول ماااحنا جااالسيـن كااان ناااشي يناااظرني بنظرااات تخوووف وأحــس إن فيهــا شهـــوه ..... بينـي وبينكـم أنا خفـــت .. يعنـي ما يصيـر بعــد كل هالعمــر يضيـع الشــرررف وفـي بــر بعــد ... يعنـي لو في شقـه ولا استراااحه تنبلــع بـس في بــر وظلااام ماااتسوى علي والله .... وقلـت في نفســي لااازم أخوووفهم .... وقمـت أسووولف لهـم عــن بطولاااتي ... وقلـت لهــم ... تصــدقووون يوووم إنــي صغيــر كانوا عيااال الحاااره يسموووني رونالــدو لأني كنـت أقوووى وااااحد فيهــم ... وتصــدق ياناااشي إنــه مررره تجمعــوا علــي خمســه كلهــم قــد شنبــك أو أكبــر شوووي .. (( من الخووف قاام يهــذري ..!! )) .. تصــدق إنـي طقيتهــم كلهــم .. ومــن بعــدها صاااروا عيااال الحاااره كلهــم أصدقااائي ..... قاال لي ناااشي ... يارجاااال الدنيــا مصااااالح ... قلـت لـه .. مصاااالح النعيمـــه ...!!!! ومااادريـت إلا فنجااال القهــوه مسنتــر في جبهتــي ...!!!! .. (( إلا على طاااري المصاااله .. جااتني نكتـه وانا أكتـب الموضووع .. يقوولكم فيــه إمااام يصلـي في محششيـن .. التفـت عليـهم وقاال لهــم .. استــووووا ... وصلــوا علــى الخـــط ... قااالوا المحششيــن .. عليــه الصلاااة والسلاااام ..!! ))
المهــم ... إن العيااال ناااموا .. وانا ماااقدرررت أناااام مــن الخوووف ومــن شخيــر بــرررجس ... أزعجنــي بشخيــررره والله كنــي نااايم جنـب ماااطور كهرررب ... وبعـــد جهـــد جهيــد نمــت ... بــس ما أمداااني أنااام إلا حسيـت إن ودي أروووح الحماااام ... وقمـت مـن النوووم متوووهق ... لأن البــر مااافيه حمامااات ... وأخاااف ألبــس الحفاايظ اللي جبتها معاااي ويشوفوووني .... وفكرررت إني أزغــل في خشــم برررجس عشااان يفكنا مــن شخيــررره .... وفي الأخيــر قرررت إني أطلــع بــرررى الخيمــه وافتــك ..... طلعـت مــن الخيمــه وقضيـت حاااجتـي .. (( إخــس يالمــؤدب ..!! )) .. وانا راااجع للخيمــه سمعــت صوووت .. وشفـت شي يلمـع عنــد باااب الخيمــه ... ويوووم قررربت منــه إلا هـــو ذيـــب ... أفاااااا وش السواااة هاللحيــن .. وجاااتني أم الررركب وقمـت أرقــص مــن الخوووف ... وقلـت للذيــب .. ياااذيب أنا باوصيـك لا تآكـل الذيـب ...!!! وقال الذيـب .. آآآآآآوووووو ... (( يعنـي .. كلك تراااب ..!! )) . ويووم شفـت الدعوووه كــذا وانا اللـي أحـط رجلــي وانحاااش ... والذيــب كاااافخ وراااي ... وانا منحااااش .. والذيـب ماااسح طبلووونه ورااااي ... المشكلــه إني ما أشوووف شـــي ... وبرررضه مااازلـت منحاااش .... ومـع الظلااام صااارت لخبطــه وصررت أنا اللـي الحــق الذيــب وانا مدرري عـن نفسـي .. والذيـب منهبــل ومنحاااش منــي .... ويوووم انتبهت إن الوضــع تلخبــط وأرررجع أنحاااش والذيــب رجــع يلحقنــي .... وفجــأه وانا منحاااش والذيب وراااي لقيـت قدااامي ذيـب وذيبـه فـي وضــع مخــل ... ويووم شااافوني استحــوا وتغطـوا بالشرشــف .. (( يلعــن أم النصبــه ..!! )) . المهـم أنا يووم شفتهـم صاااروا ثلاااثه يأســت وجلسـت بينهـم وقلـت لهــم .. كلووني بـس بشووويش ...!!!!! بــس صااار شـي غرررريب .... لااااحظـت إن الذيـب اللـي كااان يلحقنــي جااالس يتكلـم على الذيـب الثاااني ويصاايح عليــه .. والذيبـه مـنزلـه رااسها وجاالسه تلبـس ملااابسها .. (( يااخوي تسوولف على محششيـن أنت ..!! ).. المهـم إنهــم جلســوا ساااعه يتكلمووون مـع بعـض وانوااع الصياااح ... وانا جااالس أهــديهم واقوول لهـم تعــوذوا مــن الشيطااان يالرربع وانـت يابو الشبااب اللبـس سروااالك .... مـع إني ما أدري وش يقولون .. بـس فهمـت إن الذيبـه هــذي زووجة الذيـب اللي كااان يلحقنـي .. وإنها كااانت تخووونه مــع أعــز أصــدقاائه ... وفهمـت بعـد إن الذيـبه تقوول لزوجها .. إنـك تتركنـي طوول الوقـت وتجلـس تطااارد خلـق الله وتاااركني فـي نااار وعــذاااب .... المهـم ... إن الذيـب اللـي كااان يلحقنـي واللي هــو الزووج المغدووور .. طلــع مــن جيبــه مســدس وذبـح زووجتـه ... ونـط عليـه الذيـب الخاااين وشااات المســدس مــن يــده .. (( يااشيخ صفقنـي إذا ماكنت كااامخ سجااره ..!! )) وجلســـوا الذيبيـن يتضاااربون .. وانا جااالس أفرررق بينهـم ... وفجأه وصلــوا أخوياااي برجس ومحماس وناشي وشايع .. وشااافوني بيـن الذيبيـن وذيب ثاالث ميـت .. وحسيـت انهـم انهبلـوا .... وطاالت المعررركه بيـن الذيبيـن وانا بينهـم .. وثااار الغبااار واختفينا أنا والذيبيـن داااخل الغبااار ..... وفجــأه .. انقشــع الغباااار .. واخوياااي منهبليـن ويحتروون اللي بيصيــر ... وطلعـت أنا مـن بيـن الغبااار والذيبيـن ميتيـن وانا ماااسك كــل ذيــب بيــد .. (( لا يرووح فكركم بعيـد .. الذيبيـن ذبحــوا بعــض .. يعني أنا ماالي دخـل ..!! )) ... واخويااااي يوووم شااافوني نطــوا علــي وهـم يصااايحوون ويصفقــووون .. (( فااهمين غلـط ..!! )) .. ويقولوون لي .. والله إنك رجااال وماشفنا ولا سمعنا بمثــل شجاااعتك ...!!! ... بينـي وبينكـم أنا مشيتها عليهــم .. وما علمتهـم السااالفه الحقيقيــه ... وخليتووهم يحسبووون إني أنا اللـي ذبحــت الذياااب الثلاااثه ...!!! ... وطلــع محماااس كاميــرا وجلــس يصووورني وانا سااادح الذياااب الثلااثه في الأرررض وحاااط رجلــي فوووقهـم .. وصوووره ثااانيه وانا ماااسك ذيــب مــع حلــقـه وأقووول لــه .. قووول ركبنا الدباب مافرملناابه ميـة مررره بدوون ماااتغلـط ولا باللعــن وااالديــك ...(( هاللحيـن تأكدنا إن الموضووع للمحششيــن فقـط ..!! )) . المهــم بعــد ماااخلصنا مــن التصــويـر .. التفـت على ناااشي وقلـت لـه ... وش عنـدك اليووم تناااظرني بنظرااات ميـب زينــه ...؟؟؟ قاال لي وهــو يرتجـف مـن الخوووف ... ماااعنـدي شي والله .. بـس لأني أول مررره أجلـس مـع وااحد في مثــل شجاااعتك ورجووولتك ... (( انا مـن ناحيتي مصـدق .. بـس خـذ راااي اللـي يقروون الموضووع ..!! )) ..
وانقلــب الحااال ميــه وخمـسه وسبعيـن درررجه ..(( بااقي خمـس درجاات .. خصمـت لسوووء السلوووك ..!!... وصاااروا أخوياااي كنهــم عبيــد عنــدي ... أتحكــم فيهــم علـى كيفـي ... وأي شـي أبيــه يجيبووونه لي بدوون مناااقشــه ... وصاااروا يصــدقووون أي شـي أقوووله لهــم .. وبعــد ماااكنت طااالع معاااهم عشااان يعلموووني .. صــرررت أنا أللـي أعلمهــم ... (( الله يعوض أهلهم خيـر بداالهم ..!! )) وفـي إحــدى جلسااات السمــر .. سألنــي شااايع وقاال لي ... إنـت عنــدك حــلااال يااافليسكــوووو ...؟؟؟ قلـت لـه .. أكيــد عنـدي حلااال واااجـد .. لأنـي ما أحــب الحرااام .. وأي شـي حلاال أسووويه .. وأي شــي حرااام أبعــد عنــه .. لأن الحلااال بيّـن والحرااام بيّـن ...!!! ..... ولاااحظـت إنهــم إستغــررربوا مــن كلااامي .. بــس أتوووقـع إنــه أعجبهــم ...... وقااال لي شااايـع .. لاااا أنا قصــدي عنــدك إبــل وغنــم ..؟؟؟ قلـت لـه .. طيـب لاا تقااطعني لأني أصـلا فااهم سؤااالك وكنـت باجاوبـك ... (( صفقنــي ..!! )) . وبالنسبـه للحلااال اللـي تقــصده فجــدي الله يرحمــه ويطوول عمــررره كااان عنــده براااعيـن واااجد .. وكااان أشهــر واااحد عنــده براااعيـن الوااانها حلــوووه ...!!! وسألنـي برررجــس .. وش هــي البراااعيـن ...؟؟؟ قلـت لـه .. أحــد ما يعرررف البرااعيـن ... البرااعيـن هـي حيوان يشبـه الزرافـه لكـن ظهره مووورم ومنتفـخ مثــل وجهــك ... قااال لي .. قصــدك البعاااريـن ..!!! وأنا اللـي أفـك الضحكــه .. وقلـت له .. ياااقـدمك يااشيـخ .. طلــع مـن فمـك غبااار يوووم قلتهـا ... يااخوي أول كااانوا يسمووونها بعااارين .. بــس بعــد مااادخــل الانتـرنت للسعوووديـه صاااروا يسمووونها براااعيـن ... (( عاااش مصــرررف ..!! )) . وشكلهــم صــدقوووني هالحميــر ...!!!!
وســألـت الشباااب .. انتــم وش اللـي يطلعــكم للبــر .. مــع إن حكووومتنا الرشيــده وفــرررت جميــع سبــل الراااحه للشباااب .. ووفــرت لهــم أماااكن يضيعــووون وقـت فراااغهـم فيــها .. مثــل الأسواااق والمقاااهي والشوووفي كوووب .. (( قصــدك كوووفي شوووب الله يصلــحك وياااخذك ..!! )) .. يعنــي مااافهمـت وش يطلعكــم للبــر ...؟؟؟؟ قاال لي برررجـس اللـي الظاااهر إنـه المتحــدث الرسمــي حقهــم ... شوووف يااافليسكــو .. فـي البــر نحصــل راااحتنا ونختلـي مـع أنفسنـا بعيــدا عــن ضوضاااء المــدينـه وصخبهـا ... فــي البــر يااافليسكــو نرمــي ورااانا كــل الهمـوووم ونستـرررجع الطاااقه اللـي ضاااعت في زحااام المـدينـه .. فـي الـبــ......... علــى ويــن يااافليسكـوووو ...؟؟؟ وكنــت أنا باوقــف ... وقلـت له .. والله ودي أقضــي حاااجتـي ...!!! قــااال لي .. بــس أنا جااالس أسووولف معااااك ...!!! قلـت له .. يارجااال كلـك تبــن مـن زيـن سوااالفك هاللحيــن يامحمـد الشرهااان علــى غفلـــه ...!!! .... وكااان محماااس فاااق خشتــه ويتبســم .. وكنـي بـه يقوول في نفســه .. أنا أشهــد إنــه رجااال .... (( أحـس محمااس أكثـر وااحد صــدقني ومتأثـر فينـا
ويووم جااا وقـت الظهريــه طلــع ناااشي بالسياااره .. وبعــد فتـررره رجــع ومعاااه خروووف .... وأول ماااوصــل نــزل الخروووف قدااامي وقاال لي .. أنـت أبووه وسمــه ... قلـت لـه .. خيــر يابوو الشبااب .. وش اللـي أبوووه أنـت ووجهــك اللـي كنـه وجـه إرهاابي وااقـف عنـد تفتيــش ... شاايف لـي قروون ولا شاايفنـي لاابس جااعـد ... لاااني أبوووه ولا أعررفـه ... لكـن ممكـن أسميــه لك .. أنا اشوووف إن اســم جعفــر راااكب على الخروووف ...!!!! قااال لي ناااشي .. لااا طااال عمــرررك .. (( تحلـم إن أحد يقوول لك طاال عمـررك ..!! )) . أنا ما أقصــد كــذا .. أنا قصــدي إن الخرووف تحـت أمــرررك إنـت اللي بتذبحـه وتطبخـه لنا على كيفــك ..... قلـت له .. أعرررف قــصدك بـس حبيـت أهــزر معاااك ..... وكااان محماااس جااالس يتااابع حديثنا ومعاااه دفتــر وقلــم ويسجــل كـل كلمـه أقووولها مـــن زووود إعجااابه فينــي ... (( واااضح إنـه ثووور مثلـك ..!! )) ..
بينـي وبينكـم أنا توهقـت فـي الخروووف .. وش لوون أذبحـه واطبخـه وانا حتـى الشكشووكه مااعمري سووويتها ... بعـدين الذبـح مشكلـه .. أنا خبـرره في ذبـح الذباااب والظوااطيـر .. بـس الخرفااان مااعندي خبــررره فيهااا .... المهـم إنــي قلــت للعيااال ينااامون في الخيمــه الليــن أخلـص .. وإذا خلصــت صحيتهــم ... وسمعــوا كلااامي وراااحوا ينااامون .. وخصوووصا محماااس أول مااقلت لـه نااام .. على طووول نااام مكااانه قداام الخيمــه .. وانا اللـي اشوووتـه مـع ظهـررره وقلـت لـه خـش نااام جـــوا لأتمــرغ فـي بطنـك .. وقااام سجــل كلااامي في الدفتـر اللي معاااه ودخـل ينااام ...
وجلسـت أنا قـداام الخروووف متوووهـق وش أسووي فيــه ذا المصيبـه ... والخروووف يناااظرنـي بخوووف ويقووول الله يستــر وش بيسوووي فينـي هالبلوووه ..... وفجــأه خطــرررت فــي باااالي فكــررره ... ورحـت للسياااره وجبـت لــي كيــس وحطيتـه على راااس الخروووف وخنقتـه .. وجلــس الخروووف يصااايح وأنا خااانقــه وجلسـت نـص ساااعه أخنـق فيــه .. وهـو يصاايح ويكــح وعينـه على الخيمـه يبـي أحـد مـن العياال يطلـع وينقــذه منــي ....... ويووم شفتـه مامااات شلــت الكيــس .. وجلسـت أفكــر في طريقــه ثااانيه .... والخروووف عيووونه طااايره ويــدعوا الله إنـه يفكــه منــي .... وخطـرررت فـي بااالي فكـررره .. وقمـت ربطـت الخررروف بحبـل مـن رجلينـه وربطـت الحبــل في السياااره .. وركبـت السياااره ومتــرت بالخروووف البــر وانا اسحبــه وهــو يصااايح .... وبعـد فتررره وقفـت أشووف وش صااار فيــه .. ولقيتـه كلــه دم .. بــس إن فيــه نفـس وما بعــد مااات ... وقااام الخروووف يـزحــف علـى بطنــه يبـي يــدخـل الخيمــه ويصحــي العيااال عشااان يساعدووونــه ... وانا اللـي افصــخ نعااالي واللحطــه فيهااا الليـن عــض الأرررض ... لكــن برررضه ماماااات .... وجلســت قدااام الخروووف أفكــر وش اسوووي بــه .... وبعــد فتـررره خطرررت لي فكــررره إنــي اجيـب الحبـل وأربطــه في شجــررره وأشنــق الخروووف .... والخروووف كااان يناااظرني وكنــه حـس بنيتـي وعررف خطتـي .. وماادريـت إلا الخروووف يررركض عنـد السياااره ويصــقع راااسه فيهااا الليــن ماااات ... المسيكيــن انتحـــر يــوووم شاااف الدعوووه جــد ....
المهــم إنـي إفتكيــت مــن مشكلــه الذبــح .. بــس باااقي مشكلــة الطبــخ ... وجلسـت أفكــر وش لووون أطبخــه .... وبرررضه جاااتني فكررره جهنميــه ... ورحــت جبـت رز .. وشقيــت بطــن الخروووف وحطيــت الــرز جوووا بطنــه ... وجبـت لـي بنــزيـن مــن السياااره وكبيـتـه على الخروووف وولعــت فيــه .. وخليــته على هـالوضــع الليـن تفحــم الخروووف ... بـس المشكلــه إن ريحتـه طلعـت خااايسـه ولووونه ماال أمـه داااعي .. والله طااالع كنـه أثيوووبي نااايم بدووون ملااابس .... المهــم إنــي رحـت للسياااره وجبـت كلووونيا مــن شنطـتـي كنـت ناااوي أشررربها ... وكبيتها على الخروووف ... وحطيـت الخروووف فـي صحــن وصحيـت العيااال عشااان يتغــدووون ... ويووم قاااموا العيااال استغربــوا مــن منظــر الخروووف .. بــس ماااقدروا يقولوون لي شــي لأنهــم خايفيــن منــي .... إلا محماااس هــو الوحيــد اللـي أحســه مبسوووط .. وقااال لي .. ممكـن يافليسكــو تعلمنـي طريقــة التحظيــر اللـي سويتها ..؟؟؟ قلـت لـه .. إنشاالله إذا صرررت أنا وانـت لحااالنا وريتــك وش لووون سووويت في الخروووف ...!!! ... وجلســوا العيااال ياكلووون وكنهـم مغصوووبيـن ... وانا مااا أكلـت معاااهم .. وقلـت لهم .. إني سبقتكــم .. (( قصــدك طباااخ الســم ما يذوووقه وانت الصااادق ..!! )) .... وبعــد مااخلصـوا مــن الغــدا قااال لي برررجس ... ياااخوي الغــدا زيــن بــس كــن فيــه طعــم كفرااات ...!!! قلـت لـه .. يارجااال أهــم شـي تملـى بطنـك ولا الطعــم موو مهــم ..... وكااان محماااس واااقف وراااي ويسجــل كلااامي ... (( مـن جـد بـدا يرررفـع ضغطـي هالقررد ..!! ))
ويوووم جــا الليــل ســوووى لنا برررجس مكرووونـه .. وذكرررتني هالمكرووونه بمررره مـن المرااات سـوووى لنا دعلـج مكرووونـه وكااانت أغررب مكرووونه في تاريـخ البشـريـه .. عمرركم شفتـوا مكرووونـه تسبــح وتتحرررك وتتكلــم وكااانت المكرووونه كلها مووويه لدرررجة إننا بعـد ما أكلنا نـص المكروونـه شفنـا يـد تتحــرك .. وأكلنا بسرررعه عشااان نشووف وش سااالفة هاليــد .. وفـي الأخيـر لقينا جثــة الباكستاني حارس المخيــم غرقااان وسـط المكرووونـه . .......... المهــم بعــد ما أكلنا مـن مكرووونة بـرررجس راااحـوا العياااال ينااامون بعــد يووم شاااق .... وما بقــى إلا أنا ومحماااس .. سهرنا مــع بعــض عنــد الحــررريقــه .. (( تراااه يقصــد بالحريقـه الضو وفي روايـه النار ..!! )) . وجلسـت أنصــب عليــه .. وكااان هــو مبسوووط ويسجــل كلااامي أول بأول ... وقااال لي محماااس ... شوووف يافليسكــو .. هــذه اللحظااات بيسجلها التاااريخ .. لأني طوول عمــررري أحلـم إني أقاابل واااحد في مثــل شجاااعتك ورجووولتك ... قلـت لـه .. عــز الله مقااامك ...!!! وقاال لي .. أنا ودي اكلمــك عــن مشاااكلي لأنك الوحيــد اللـي إرتحـت لـه في العااالم .... قلـت لـه .. هااااه وش عنــدك إنت ووجهـك الطويــل لا ومـن زيـن الوجـه حااط لك سكسووكه طااالع وجهــك كنــه علااامة تعجــب .... قااال لي ... مشكلتــي إن لــي ثلاااث سنيــن أدعــي الله واطلبــه إنــه يرزقنـي ولــد .. لكنـه ما إستجاااب لي .. وأخااف إن الله يكووون غضبااان علــي لأنـي طووول هالسنيـن الثلاااث وأنا أدعيــه في كـل صلاااة إنــه يرزقنــي ولــد ....... قلـت لــه .. طيـب ليــه ما تراااجع دختووور .. (( قصـدي دكتور بـس إني أسوي نفسي رجال قدااامه ..!! ))1 قااال لي .. ياااخوي راااجعـت أكثــر مـن دكتووور وكلهــم قالوا لـي إنــي سليــم ومافيــه أي شـي يمنـع .... قلـت لـه .. طيـب ليــش ما تفحــص زوووجتــك ...؟؟؟ قااال لي .. ياااخوي أنا مااابعــد تزوووجـت ....!!!! قلـت لـه .. مااابعـد تزوووجـت وتـدعـي الله إنـه يرزقـك ولــد ثلااث سنيــن ....!!!؟؟؟؟ قاال لي .. إييييـه ياااخوي ودي بولـد يشيـل إسمـي مـن بعــدي والزواااج لاااحقيـن عليــه ....!!!! قلـت لـه .. ماودك أعلمـك وش لووون ذبحـت الخروووف .... نعـن ابو دااارك محـشـش أنـت ... قاال لي .. يااافليسكـو إن الله على كـل شـئ قــدير ... قلـت له .. والنعـم بالله .. لكـن أنـت يالثوور إطلــب مثـل الناااس .. قسـم بالله إنـك ذكـررتني بنااس مـن العيااال طلعــوا للبـر وهـم محشـشـيـن .. وانتبهـوا إنهـم نسـوا الليبتوون وما جابووه .. ومسـك كـل وااحد منهـم زااويـه وقااموا يصلـون ويـدعووون الله إنـه ينـزل لهـم ليبتووون مــن السمـــا .. وجلسـوا على هالحاال طووول الطلعـه ويووم انتهـى مفعوول الحشيـش ركبـوا سيارتهـم ورجعـوا لبيووتهـم ... (( تررى هالساالفه صــدق واللهp..
ورحـت أنا للخيمــه عشااان أناااام أصرررف لـي مـن الجلســه مـع محمااس الثووور هـو وسوااليفـه .... وبعــد ماااانمـت سمعــت إزعاااج وحوووسـه ... وفتحـت عينــي أشوووف وش السااالفه .. ولقيــت إن فيــه خمســه حراااميـه ومعاااهـم أسلحــه طااابيـن علينـا وناااوين يسرقووونا ... وغمضـت عيووني وسويـت نفســي نااايم مــن الخوووف .... وأسمــع صوووت أخوياااي وهــم ينطقووون ويتشوتووون .. وانا مسوووي نفســي نااايم ... وهــم يحاولوون يصحووني عشااان أساااعدهـم .. وانا مااالك أمــل أقوووم .. والله لــو يطعنووني ماااقمـت .. فاااضي لهـم أنا .. وعلــى قووول المثــل .. خواااف وانااام فـي بيتنـا ولا شجاااع وانااام فـي المستشفــى ... (( هـذا المثـل خااص بالرخووم ..!! )) . المهــم .. إن أخوياااي أنطقــوا الليــن عضــوا الأرررض وهــم مازااولـوا يستنجــدووون فينــي .... آخـــر شــي قاال الزعيــم حــق الحراااميـه لأخوياااي .. تراااكم غثيتووونا وانتـم تنااادون خويكــم هاللـي نااايم بداال ما تداافعون عـن أنفسكــم ... يعنــي بالله لـو قااام وش بيسوووي ... قااال محماااس ... هــذا أقوووى واااحد في العااالم ....!!! وقاال برررجس .. هــذا لو يقوووم مسـح فيكــم الأرررض .. هــذا ذااابح ثلاااث ذيااابه لحاااله ....!!! (( هــذي آخررة الكــذب ..!! T.. المهــم إن الزعيــم جااا عنــدي ورفسنــي برررجلـه وقاال لي .. قــم ورنا مررجلتـك ...... عاااد أنا يعنـي إني ما أدررري وش السااالفه وقلـت لـه ... ياشبااب خلوووني أناام وبلااش إستهبااال ....... وقاااموا الحراااميــه كلهــم يرفسوووني ويشوتووني يبوووني أصحــى لكــن مااافيـه فااايـده ... وسحبوووني مـع ارجووولـي برررى الخيمــه وقاااموا ينغــزوووني ويدغدعووني وبررضــه مااالك أمــل أقوووم ..... وفـي الأخيــر قاااموا أخوياااي يشوتوووني مــع الحراااميـه ويكبوون علـي مووويـه ويدعسووون على وجهــي عشااان أقوووم لكــن مثــل ماااقلـت لكــم .. وشوولـه أقووم وانا أدررري إني إذا قمـت بيلعنووون خااامســي ... (( يعني وش بيجيـك يالحمار أكثر مـن الطـق اللي كليتـه وهـم يصحوون فيــك ..!! )) ... المهــم إنهــم قطعــوا الأمــل إنــي اقوووم ... وقاااموا الحراااميــه وســرررقــوا خيمتنا وأغراااضنا ..... وسلمــوا علـى أخوياااي وراااحوا .... (( صاااروا أخوياااا ..!! )) .. ويووم تأكــدت إن الحراااميـه راااحوا قمــت مــن النوووم وقلـت لهــم ... وش السااالفه وليــش هالإزعااااج .. وبعــدين ويــن سروااالـي .... (( أثااري الحرااميه عياال الكلـب سـرقوا سرواالي .. مدرري وش يبوون فيــه .. الظااهر ناااوين يصنعوون أسلحــه كيماااويه ..!! )) ... قاال لي برررجـس ... يارجااال كل تراااب .. طلعـت على حقيقتـك يالرخمــه .. ومسوووي فيها رجااال وشجاااع وآخرتها نستفــزع فيــك وتسووي نفســك نااايم ...... قلـت له .. ياااخوي إنـت فاااهـم غلـــط وانا ما أدرري وش اللـي صااار ... (( ياااعيني على البراااءه ..!! )) ... قااال لـي بررجـس .. يارجااال تلاايـط وقـم خلنـا نوصـلك لبيتــك واعتبـر المعررفه اللـي بيننا انتهــت .....!!! وجاااني محماااس وقطــع الدفتــر اللـي كااان يسجــل فيــه كلااامي ورماااه فـي وجهــي ... وجااا شاايـع وقطــع صوووري مــع الذياااب ورماااها في وجهــي ... واللـي قاااهرني إن ناااشي رجــع يناااظرني بنظرااات فيها شهــوه بعـد ماعررف إنــي رخمة5
قمــت وسترررت نفســي باورااق جرااايـد بعــد ماسرقــوا الملااعيـن سروااالي .. وركبوووني معاااهـم فـي صنــدوووق السياااره .. (( مافيه أمل يعني .. رحت حقيـر ورجعـت حقيـر ..!! )) .. وأول مااا وصلـت البيــت نزلوووني وفحطــوا فــي وجهــي وراااحوا ... ودخلـت أنا البيـت وانا محطـــم ... ولقيـت أبوووي جااالس في الحوووش .. وقاال لي .. الحمــد لله على السلااامـه ... قلـت لـه .. والله ماااادري ...!!!!! (( ماايعرف يرررد أبــد ..!! )) . قاال لي .. إنـت مااافيــه أمــل تصيــر رجااال ... ياااولــدي كـل الناااس يفتخـرووون بعيااالهـم إلا أنا والله إنـي أستحــي إذا سألنــي أحــد هــذا ولـــدك ............... عااااد أنا كنـت مشحووون مـن سااالفـة البــر وناااوي أخررربها مـع أبوووي اللـي وجهـه كنـه مركا فـي شقـة عزووبيـه وقلـت لــه .... شوووف يابو الشباااب ... (( خربها مع ابوووه ..!! )) . بالنسبــه للذكاااء فهــذي حاااجه مـن عنـد الله لأن لو كاان كـل العاالم إذكيااء كان ماافيــه نكــت .. (( أهم شي عنده النكـت ..!! )) . وبالنسبــه للجماال والوسااامه فبررضه هـذي نعمـه مـن الله .. لكــن إنـت لك يــد فيهـا ... يعنـي مادااامك إنـت سااالب فماكااان له داااعي تتزووج وحــده سااالب برررضـه لأن ولدكــم بيطلـع سااالب أكيــد ... يعنـي عمــي عرررف إنـه سااالب وراااح تزوووج وحـده مووجب وطلــع ولدهــم مخلوووط مووجب وساالب ... موو مثلـي طلعـت ساالب نقــي ميـه في الميـه مـن المزررعه الى الماائده ... (( متأثر بـدعاااية المراااعي ..!! )) .. أما بالنسبــه للمرجلــه فهــذي إنـت السبـب فيهـا ... لأنـك مـن أنا صغيــر وانـت حاابسنـي فـي البيـت .. (( أكيـد خاايف إنك ترووع بزراان الحااره ..!! )) .. وداايم تقووول لي لاا تطلـع فـي الشمـس .. مـع إن المفرووض إن الشمـس هـي اللـي تـدخل إذا شاافتنـي .. وإذا قلنـا لـك ودنـا للبـر مثـل العااالم .. نجلـس نقنعـك شهــر عشااان تودينـا للبــر .. وآخرتهــا تودينـا طررريـق الرياااض الخــرررج .. وتسفـط بنـا جنـب الخـط وعزبتنـا دجاااجتيـن مجمـده وبيبسـي العااايلـه .. ونجلـس سااعتيـن وترررجعنا للبيـت ... (( شكلكـم طاالعيـن تشربوون عرررق ..!! )) .. قاال لـي أبووي ... لااا ياااقليــل الأدب وطلـع لك لسااان وصرررت ترررفـع صوووتـك علــي .. وبعـديـن إنـت جاااي تحـط اللوووم علـي أنـت وخشتـك يالعاااصي .. أنـت رح وشـف وجهـك قبـل لااتتكلـم .. بالله هـذا وجـه وااحد ترررجي منـه خيــر .. أنا أتووقـع إن أمــك يووم جااابتـك كااانت متووحمــه علـى زنوووبـة إفغاااني .. لكـن ما أقووول إلا حسبـي الله ونعـم الوكيـل وانشاالله يكوون آخــر صبــررري عليــك الجنــه ...... (( ايييه صفقنـي ..!! )) ... عااااد أنا بغيـت أشرشـح أبوووي خصوووصا إن وجهـه مجااال خصــب للذب .. لدررجـة إنـي أتوووقـع إنـه لو صااار مساابقـه للذب والحـش وكان الموضووع وجـه أبوووي .. فأنا متأكــد إن كل اللـي شاااركوا بيفوزوون ... بـس إنـي مسكـت نفسـي وقلـت مهما كااان يظـل إسمـه أبوووي .. ولا لو كااان واااحد ثاااني كاان عرررفت أتفااهم معاااه ... (( كل هذا وتقووول إنـك محتررمه يالحمااار ..!! ))... وطلعـت لغرررفتـي وأنا رااضي عـن نفسـي بعيووبي ومميزاتي .. (( أما عيووبك فصدقـت .. وأما مميزاتك فياليت تذكر لنا وحـده منها عشاان نصـدقك ..!! )) ..... وعررفـت إنـه مهمـا كاان الوااحـد غنــي وعنـده فلوووس فلااازم يتواااضـع .. وإن الاعاااقـه عمرررها ماكااانت حاااجز لتحقيـق النجاااح ... وإن الدنيـا مـن غيـر الشيوون مثـل الشكشووكـه بـدوون بيــض ... وإنـك لااازم تحاافـظ على نظاافـة مـدينتـك .... وإن المخـدرااات مهيـب زيـنـه .. لكن فيـه نااس مفرووض نسمـح لهـم بتعااطي المخدرااات عشااان نفـك المجتمـع مـن غثاااهـم ...
نأسف للإطاله
منقوووووووووووووووووووول
