ابي نصيحتكم يجزاكم الله خير

السلام عليكم بنات ابي ديلو علب مدرسة عربيه خاصه تكون زينه حق بنتي اربع سنوات بصراحه انا صارلي اسبوعين حاطتها بمدرسه باكستانيه عشان الانجليزي وهاي اول سنه حق بنتي يعني اول روضه بس تفاجات المدارس الباكستانيه خرابيط. وفي مدرسين ريايل وبنتي امس تقولي التيتشر راحت وخلت عمو يقعد بالصف معنا سالتها. منو عمو تقول ما اعرف اعتقد انه واحد من السايقين الباصات المدرسه والخدامه. قرصتها يوم تروح الحمام عشان لعبة بالماي تبي تغسل والمدرسه مالتها عشان تسكت العيال اطفي الليت عليهم بصراحه نفسيتي واااايد تعبانه علي بنتي ولا تقولو اشتكي حق الاداره. شكينا بس يقولون اسفين ورح نكلمهم وعمك اصمخ عشان جذي بس هونت مابي مدارس باكستانيه والمدارس الاجنبيه غاليه وايد ما اقدر عليها عشان جذي اذا احد يدلني مدرسه خاصه بحولي او ميدان حولي. الله يجزاها الخير وانا سمعت عن الجميل بنات بميدان حولي احد جربها او سمع عنها وفي النصر بعد ومشكوره حبايبي مالي غيركم استشيره