مسافر بفلوسي وقاعدلي مع وحده (.....) ويبيني اسامحه .. اسامحـه!!!!

قوه بنات


بدش بالموضوع على طول ..
انا متزوجه عن حب وقبل الزواج متفقه مع زوجي مافيه سفرات مع ربعه (لانه كان راعي خرابيط حيل )
وقبل فتره قالي بسافر مصر مع رفيجه (هذا كان يقولي احسن واحد من ربعي وسيدا بس طلع خرطي )
عاد انا قلت خلاص اوكي غير جو حبيبي لان صج كسر خاطري قلت خله يستانس وانا اللي عطيته فلوس كان مفلس
المهم من رد واهو متغير ومايهتم فيني وزادت مشاكلنا حيل بنات :( عاد قبل يومين قالي لمتى احنا جذيه وراضاني من بعدها بيوم قاعده اسولف وياه وحيل احس متغير للاحسن قعد يقولي انا احبج حيل وما اخونج وفي مواقف صارت لو تعرفينها جان عرفتي قدرج عندي وانا مالت علي حنجت الا اعرف قالي انا لما رحت مصر بالفندق كل ماننزل نتريق القا وحده سوريه مادري لبنانيه كله تطالعني وتضحك لي عاد رفيجي لما شافها جذي راح يسولف وياها وعزمها عالريوق وياي ( يعني زوجي ورفيجه والبنت !!! قاعدين ع طاوله وحده !!!) قالي بعدين صار بينا سوالف وضحك ودزلي رفيجي بالواتس اب ها تبيها !!!! قاله زوجي قوم وخلني وياها جان يقوم ويخليهم بروحهم عاد قالتله عطني فوني بضيف نفسي عندك قال طافي قالتله زين يالله لا تطول الموضوع خنروح فوق انا وياك !!!!!!!! جان يقول انا ماعندي فلوس قالت شدعوه ابي منك اصلا انا اعطيك امس فايزه بالقمار !!! جان يقول سرحت وتذكرتج وتذكرت حلفي لج ووعدي اني ماخونج جان تقوله شنو سرحان فيه قالها فيج !! جان تقول اوكي يالله خلنا نصعد جان يقولها لا متزوج وقام ..

اهو لما قالي جذي عباله بستانس لان يقول البنت حلوه حيل وانا رديتها عشاانج !!!
بس انا حدي انصدمت. واااي بنات قاعدلي مع بنت شوارع بطاوله وحده *وماسكه فوووونه ويقولها سرحان فيج !!!
انا صارلي يومين ماكلمه اهو يحاول فيني بس ويع لايعه جبدي منه وكارهته مرات اقول الرجال ماسوا شي ومرات اقول لو انه فعلا تاب وترك سوالف البنات *جان ماقوم رفيجه ولا قعد يسولف وياها ولا قالها سرحان فيج وجان قام سيدا صح والا لا بنات !!!
انا والله ماني عارفه شسوي انتوا شرايكم هل فعلا انا مكبره الموضوع ؟ والا الموضوع يستاهل زعلي عليه
خصوصا ان زوجي حيل زين معاي ويحبني وصج ترك سوالفه وخرابيطه قبل الزواج وماصارت الا هالسالفه من تزوجنا

وسوري طولت عليكم