شاكة وتقريبا متأكده أن زوجي يعرف وحده

السلام عليكم ورحمة الله وبركاته

انا صارلي سنتين متزوجة والحمدلله عايشه مرتاحه وماعندي مشاكل كبيرة مع زوجي، طبعا اكيد كل حياة فيها مشاكل لكن الاكيد ان مشكله عن مشكلة تفرق والمشاكل اللي كانت عندي كنت اسميها ملح الحياة
كنت عايشه بسلام لين قبل اسبوع
كنا معزومين بيت أهلنا واحنا ف الطريق زوجي أشترى كرت تعبأه للجوال وهو كان يسوق السياره فقلتله عطني انا بعبي لك الجوال، عطاني جواله والكرت وعبيته وبالغلط دخلت الوتس اب، وطبعا الفضول خلاني اشوف المحادثات .
لقيت محادثة من رقم مو مسجل الاسم فيه
تميت اقرأه وانصدم وانصدم وانصدم من الكلام اللي قريته
طبعا افترت فينا الدنيا ولا عرفت شسوي ، تميت على هاي الحالة من الظهرية لين بعد المغرب ، مني قررت أني اروح اعطيه جوالها لانه تم عندي من بعد ما عبيت له التعبأه.، رحت عطيته جواله وقلتله في محادثة نسيت تمسحها وهديته ورحت قعدت بعيد عنه.

طبعا تاريخ اخر محادثة كانت قبل اسبوع وهاي الشي خلاني احتار اكثر لو هو مسويها شلون اسبوع ما بينتبه على المحادثه عشان يمسحها وهو يعرف اني اخذ جواله واصلن دوم جواله طايح عندي والمحادثه ما كانت تحت عشان اقول انه نسى يمسحها يعني عادي كانت تبين

طبعا تم يشوف ويشوف ويتعبث ف الجوال وعقب يمكن 5 دقايق جاني وقالي ترى مو لي هاي المحاثه
انا ما عطيته ويه وقلتله ف البيت نتفاهم
حاول معاي انه يقنعني ان المحادثه مو له وانا قلتله خلال ف البيت مو اللحين وتميت اقط عليه كم كلمة ان انا مو مصدقته ولا بصدقه
مني عصب وقالي بروح البيت
وطلع
رديت اتصلت له وقلتله تعال خذي انا بعد بروح البيت عيل ولا تعال ابيك تكلم الريال اللي تقول ان المحادثات له وتخليني اسمع وانا مني ما سكرت الجوال تميت معاه على الخط لين ركبت معاه السياره عشان ما اعطيه مجال يسكر مني ويتصل حق رفيجه
اتصل حق رفيجه ، بعد السلامات وووو قاله تذكر يوم تاخذ جوالي يوم جوالك كان مقطوع ؟ ترى الاهل شافو المسجات وع بالهم ان لي
تم رفيجه يتأسف واسمحلي وانا وانا واسفه سويت لك مشاكل وووو
المهم سكر من عند رفيجه وانا مو مقتنعه بالسالفه للحين
وحلف لي ان ماله خص وما سوى شي
وتم يقولي اني انا مو مقصره معاه ف ولا شي من كل النواحي واحبه واحترمه واحب اهله واحترمهم ومو ناقصه شي عشان يدوره برع
انا سكت عن الموضوع
بس ف نفس الوقت قاعده انبش ف الموضوع لاني مو مصدقه للحين انه ماله خص
عندي صور للمحادثات كامله على جوالي
وتميت احلل وافكر الاوقات اللي تكلم فيها وين كان
اكتشفت في محادثه كانت وهو ف البيت بس حزتها انا كنت ف بيت امي
ونفس الوقت مطرش لي مسج على الوتس اب يقولي ان الغده كان حلو وطافني وفي نفس الدقايق كان مكلمها ع الوتس اب
يعني معناته ان هو اللي متكلم نفس الحزه معاي ومعاها
اللحين انا ابيكم تشورون علي شسوي
انا سمعت انه من قبل 7 سنوات كان يحب وحده ويبي يتزوحها واهله ما رضو
انا اقول يمكن هاي نفسها !!!! انا اعرف اسمها واسمها مو معروف وايد يعني مستحيل يطلع بالصدفه اسم البنتين نفس الشي
اول شي ابي طريقه اعرف فيها اسم البنت ؟؟ انا عندي رقمها بس مابيها تشك فيني اذا اتصلتلها وسألتها عن اسمها!!
ثاني شي شلون اواجهه وشنو اقوله عشان ما ينكر ولا يعترف ؟؟؟
وانا افكر اكلمه جدام امه بعد عشان اي تصرف اتصرفه عقب الموضوع ما تلومني عليه امه !! انتو شرايكم ؟؟؟
بس انا للحين ابي اتأكد من الموضوع اكثر
لان ريلي من النوع اللي دوم جواله عندي وانا اعرف الرقم السري ومو من النوع اللي يطلع اكثر الاوقات ف البيت ولا بيت اخوانه بس
انا حالياا عايشه معاه بدون ما اجيب طاري السالفه وبالعكس قاعده احط على نفسي وادلعه زووود
وكل شوي امدحه واحسسه بالامان
وفي نفس الوقت ادعي عليهم (البنت واللي تكلمه) عشان اخوه لانه دوم يقولي انتي حوبتج ما تتعداني
وصار يقولي خلاص مو لازم كل يوم وكل شوي تعيدين السالفه وتتحسبين عليهم خلهم الله يهديهم
مادري اللي قاعده اسويه صح او غلط
شوفو بصراحه
انا احب زوجي ومابي اخسره وعندي طفل مابي يعيش في جو امه وابوه يكونون مطلقين

انا اعرف والكل يقول ان الريال يزل واوقات يغلط
انا بسامحه بس بشرط ما يعيدها
ابي اعرف شنو لازم اسوي وشنو لازم اقوله وشلون اخليه يتأدب ؟؟؟

انا جدا اسفه على الاطاله بس والله فيني ضيم ما اتمناه لعدوي
بنات الله يخليكم ساعدوني شورو علي شسوي

يقال التجاهل ثم التجاهل ثم التجاهل تجاهلي الموضوع هذا لا لا لا لا تفسدي سعادتك بنفسك ولا تجعلي احد يدري عن هذه الشكوك لديك ؟؟؟ ؟؟؟. فرضنا أن كلامك صح هل تعلمين أن من الأحسن أنكي لا تبوحين له وذلك افضل لكي أرجو منك وأناشدك أن تكفي عن هذا الموضوع انسيه تستمر الحياه. !!!! انتي لساااا في السنوات الاولا والى الآن. لم تستقر حياتكم الزوجيه. لا تهديم بيتك بيدك. ؟؟؟ ؟؟؟؟ (((( نعم لن تتحملي القادم من كلامي وخاصه في ما هو أتي )))). إليك وتمعني ولا يعلم احد . ومن المفترض انه يعرف وحده ويكلمها فقط أو يقابلهاا ووو ؟؟؟؟؟ معهااااا هل تعتقدين انه سوف يستمر معهاااا انه يعتبرها إاا وصخه مهمااااااا قال لها من الكلام الحلو ؟؟ هل تتصورين أن هناك رجل يتزوج أمراه خرجة معه أو ؟؟؟؟ معه لا وألف لا إلى إذا. كان رجل بالاسم ؟؟؟؟؟. !!!! انتي الذي اختارك زوجه وأم أولاد حافضي عليه. فهو في الحقيقيه لك ابني البيت بالمحبه والاحترام لا للمشاكل والنقاش. . طنشي بعض توافه الأمور تدوم العشره. انتي وهو إلى الآن ما وصلتو مرحلة الحب الحقيقي . بعد عشر سنوات تذكري كلامي .. الآن فكري في كلامي وانتي على فراشك مساعده للنوم الله الله الله يوفقكم ويسعد كم وتشوفو الأولاد والبنات وتربوهم تربيه طيبه