مشكلتي انا و خواتي سببت لنا عزلة.
[SIZE="6"][/.. بنات انا أختكم من الامارات عضوه يديدة فالمنتدي و ودي انا اتساعدوني ...
أبى اقولكم سالفتي انا عمري 19 و خواتي 22 و 21 ..... كل وحدة منا جمالها شكل و جسمها يختلف عن الثانية ، و معروفات بان خصرنا منحوت والحمد الله .. لكن عقولة الناس أن نحن عيبنا أننا سمرات ...:eh_s(11):
اتخيلوا من نحن صغار و أهلنا يعايروا أننا سمرات ، حتى يدتي حسبي الله ونعم الوكيل فيها أتقول لنا أنتوا ما تتسبحون عدل مو نظاف عشان جذي أنتوا سودات... عكس بنات عمي كل وحدة فيهم ابيض عن الثانية .. حتى محد كان يلعب معنا ونحن يهال عسانا سمرات و كانوا كله يقولون لنا أنتوا سودات نحن ما نلعب معكم وحتى فالمدرسة نفس الحالة كله وحيدات :eh_s(16): فصرنا معتزل العالم عشان هالسبب .. في مرة من سنتين كنا في بيت يدتي أهل أمي كانت في عزيمة عشان يدتي قامت بالسلامة من العملية و خالتي كانت توها والدة يابت بنت ولكن يدتي ما شأفتها فجدام الحريم يدتي سالت خالتي أتقول ها ان شاء الله البنت طلعة بيضة مو سودة نفس بنات فلانة قصهدها انا و خواتي.... قالت ها لكلام جدام الحريم و الله انا وخواتي و دنا الأرض تنشق و تبلعنا .. من نظرات الحريم لنا :eh_s(11):
مو بس هال مواقف ووادي مواقف اتصيح الواحد :eh_s(11):
والحين انا و خواتي خلاص ما نروح أعراس أو حفلات أو عزايم بس من الجامعة للبيت أو من البيت للجامعة...... مو ناقصين نسمع كلام يسد البدن .... و كله يقولون لنا يالعوانس عماتي وبناتهم وحتى يدتي تقعد أتقول من بي أخذ وحدة سودة مو نظيفة .....
أودري وايد طولت عليكم وأتمنى أنكم اتفيدوني ....:yaaaaaarb: :eh_s(17):
