[poem=font="Arial,6,black,bold,italic" bkcolor="transparent" bkimage="backgrounds/7.gif" border="groove,9,indigo" type=2 line=0 align=center use=ex num="0,black"]
غيب عني قدّ ما تقدر تغيب=روح عني وين ما ودك تروح
غيب عنا وان دعينا لا تجيب=كان ما قلبك كما قلبي نصوح
اكثر الخلاّن لو إنه حبيب=ما يزيد إلك الجرورح الا جروح
يا جروحي وين ابلقى لي طبيب=يا همومي وين ابلقى لي سفوح
فوق ما انته يا زمن حظ ونصيب=ما يمد بخير من كفه شحوح
الدهر متعب وكم قبلي تعيب=وان شرحنا ما يسدن الشروح
كم شكا ف البرّ من قبلي غريب=والبحر كم شال واحد غير نوح
وانت ما بينت يا الغصن الرطيب=ما سمعت اللي من الفرقى ينوح
والله اني من فعولك مستصيب=معجبك قلب(ن) على الصالي يفوح
ان حكينا جد يا الأمر العجيب=وان مزحنا ما تبا منا مزوح
بعد ما شيبت بي قبل المشيب=بعد ما هديت عاليت الصروح
كأني اللي ف الخلا راعي ذهيب=صار يرعى كل براق(ن) يلوح
روح لكن شوف بعدي وش تجيب=ما كسب ف المعركه ميت طموح[/poem]
