هام للملكيين

والله العظيم اني اهلاوي صميم واردني لازم اقول الي في نفسي والي يبغى يتكلم ماهي فارقه عندي الاهلي بالتشكيله هادي ما راح يجيب بطولات والايام بينا والمشكلة الكبرى انه الي مضيع الفريق هوه جمهور الاهلي المتعاطف مع بعض الاعبين لكي نحقق بطولة لازم التالي

1- احضار جهاز طبي متكامل على اعلى مستوى لكثرة الاصابات في الاهلي
2 - وضع عقبل بالغيث قلب دفاع اساسي مع اسامه هوساوي او ال فتيل مكان اسامه ان استمر على البرود حقه
3 - التعاقد مع ظهير ايمن محلي مثل لاعب التعاون او شهيل او غيره
4 - التعاقد مع صانع العاب يصنع الفارق متل كماتشو في كل مكان يتواجد ويدور على الكوره عشان يستلمها مش لاعب يخاف من الكوره لما تجيه طوالي يباصيها فوق اني اتمنى باختصار مو الاعب الفارق وبطلو مجاملات وعاطفه وتقولولي لاعب من طينة الكبار والله بنفيكا لبسونا اياه قال يبي يروح ميلان شكله بيحلم نجران وكتيير عليه
5 - الغاء عقد عماد لاعب والله اكتر من عادي بس يعجبني فيه حماسه والتعاقد مع لاعب اجنبي يكون هداف ومهاري يصنع الفارق بنفسه مثل سيرجيو او احمد بهجه الخخخخخخ
6 - قرص ودان فيكتور الي صاير شايف نفسه على الاهلي عشان الاهلي صار يعتمد عليه كرتين صفر في مبارتين سبهان والفتح اعتراض على الحكم بدل ما تعترض على الحكم العب كوره زي الناس وسجل يعني ينطبق عليه المثل حيلة البليد مسح السبوره يا اما فيكتور طفش من الاهلي وحابب يغير المهم الاهلي قادر يجيب احسن منه الدوري القطري والاماراتي فيه مهاجمين احسن منه وخير مثال سامواه جيان الي بينه مشاكل مع المدرب كوزمين والفيرا مهاجم الجزيره وغيرهم راح ينجحو مع الاهلي لانه ناديه كبير يساعدهم على النجاح
7 - الاعب بالو مينو لاعب بصراح يطربني في لعبه وتقطيعه للكور وحماسه لاعب مقاتل ما احد يقدر يتكلم عليه بس كنت اتمنى يكون عندنا لاعب بمواصفات بالومينو ويكون مهاري وصانع لعب ويسدد فاولات مثل رادوي او اقل مثال عصام الراقي او العساس لااعب الغرافه سابقا وخير مثال فريق برشلونه ما تعرف من همه صانيعين اللعب كلهم مهاريين ويخترقو ويسلمو ويصنعو اهداف ما تعرف من همه صانعين الالعاب من المحاور
اتمنى انكم تعطوني ارائكم من غير تجريح نبغى شي ينفع الاهلي مش تجريح في العالم