رساله الي جنتي

السلام عليكم بناتي حبيباتي حبيت اعطيكم رساله من ام ولدها تزوج. ام ضحت وتعبت وتنازلك علشان العيال واحنا الجيل الوسط يعني الي درس وصل وودي الطبيب جيل الي الام هي كل شي في البيت والابو كله مشغول اككيد عارفينه واغلب امهاتكم منه الجيل الي كانت الام شغل الصبح والعصر تدريس والليل حق الرجل وماكو دوامه البيت والحياهوالعيال ماخذتها من نفسها وتسبق العيال في كل شي حتي خميسها لهم وناستهمماكو في الجدول اي شي لها. وتقول يالله باكر يكبرون العيال واستانس معاهم ومع زوجاتهم وعيالهم لما يبروني ويردون لي. الجميل. تتفاجا لما يتزوج الولد ان الزوجه بكل انانيه تسويله صك تملك حتي روحته حق امه بحساب وباذنها وان يكلمها كانها غريبه وحياته اسرار باسرار لا والمضحك ان ام البنت تصير هي الي لازم يوصلها ويبرها ويقوم بواجبها ويوصل فيها ويجيب لك امه هو مشغول وايد ومثل ماربيتي افا عليك يمه تقدرين تسوين كلش يعني ليش تبينترتاحين الحين والمضحك بعد اذا بيروحون والا بيسافرون من غير حياء ولا مستحى جاب العيال حق امه وحبيبتي يمه مثل ماربيتينا ابيك تربين ها الولد. مسكينه مرتي تبي تنام تبي تدرس تبي تقوم بواجب امها وامها ماتحب الازعاج من اليهال وتنطحنين بالطاحونه مره ثانيه الي متي ماادري. واذا رفضتي تخلين اليهال عندك تكوك من ست الحسن والدلال عيل احنا ليش قاعدين عندهم وعيل ليش مايحبوني وعيل وعيل وعيل هاالعيلات الي ماتخلص. المراد بنتي حبيبتي بالاول كانو يقولون حق الخاله راعي ربك بالبنيه الحين لازم اول مايتزوج الولد يوصون البنت تراعي ربها بالخاله والله والله بيكون الله حسيبها يوم القيامه لان خاله اليوم مسكينه ماعاشت من قبل واحلي ايامها راحت علي هالولد. فلا تقطعينه عنها وساعديه علي برها. وبس خلاص علي قوله المطرب الي مااعرف اسمه اشرايكم بها الكلام بنات وحريمات.