بنات تعالوا اقولكم شي عن رجيم دشتي و عندي استفسار ؟؟
السلام عليكم
بنات انا قبل سنه سويت رجيم دشتي كتجربه و سويته لمدة 3 اسابيع
و كنت ما امشي عليه بالضبط كنت اخبص وايد و اسوي اطباق من مزاجي و اكل حمص مع الشوارما
و اكل تقريبا 5 حبات فلافل و كنت اكل تبوله مع البرغل و كبه و كنت اسوي لي خلطه من القيمر و الجبن و المايونيز كنت استخدم قوطي قيمر كامل و كنت اكل زهره و باذنجان مقلي بكميات كبيره يعني ما كنت احسبه بمقياس الكوب و كنت اكل يوميا حب اسود اللي هو الحب الشمسي و هذا كله كنت اسويه لاني ما كنت فاهمه الرجيم صح
و كنت اسويه بين فترات يوم يكون بخاطري هالشي من اللي ذكرته مب يوميا يعني بس كنت اسويه بالمرحله الاولى و كنت يوميا اشرب كولا دايت + سفن اب دايت + شاي حليب كرك اظن تعرفونه معروف بالامارات كنت اشرب استكانة الشاي يوميا مره الصبح و مره المغرب
انتبهوا اني انا ابتعدت عن العيش و الخبز و المعكرونه و الحلويات كلها
و النتيجه بعد 3 اسابيع !!!
تغيرت مقاساتي واااااااااااايد و للاسف ما وزنت عشان اعرف كم بس بالشكل وايد تغير
و رحت عرس ولد عمي و اللي يشوفني يقول لي شو سويتي بجسمج اقولهم رجيم دشتي ما صدقوني لانه بمدة قليله ب 3 اسابيع يتغير جسمي و بدون رياضه
و بنت خالي كانت واقفه وراي ما انتبهت لي الا يوم لفيت صوبها و شافتني شهقت قالت مو معقوله ما عرفتج وايد ضعفانه :eh_s(9):
و للاسف من غبائي الشديد تركته للعلم انا يوم بديت بدشتي كان وزني 84
المهم انا صار لي الحين 12 يوم باديه بالرجيم و ماشيه عليه بالضبط بحذافيره بس ثالث يوم خربت الرجيم بس مب وايد كان بسيط بس كليت لي صمونه و بطاط مهروس و كملت و ما خربت الرجيم بسبة يوم واحد و اليوم بعد كليت حبتين فلافل و حبتين كبه و ملعقه حمص و تبوله مع البرغل طبعا كله بدون خبز و الحين شربت شاي رويال
انا الحين يوم فهمت رجيم دشتي صح حسيت اللي سويته اليوم غلط و اقرى بالنت البنات كاتبين الفلافل ممنوع و البرغل ممنوع و الحمص ممنوع و صار عندي وسواااااس اني خربت الرجيم عشان جي شربت لي شاي رويال المسهل
فيه بنات وايد يقولون البرغل ممنوع انزين البرغل ياخذونه من الحنطه و انا سمعت الدكتور حسين دشتي باليوتيوب يقول كلوا الحنطه ماعندي مشكله اجدادنا كانوا ياكلونها بس لا تقربوا من المعجنات و الحلويات
عندي استفسار شو سبب منعه و ياليت اللي يشوفون الدكتور شخصيا تساله و تجاوب علي عشان استفيد لاني مب عارفه منو الصح و منو الغلط ؟
و الشي الثاني الكبه نفس الشي من البرغل و كنت اكل 3 حبات تقريبا بين فترات و مع هذا ضعفت !
و قريت برجيم دشتي الحليب ممنوع و انا كنت اشرب شاي حليب يوميا مرتين باليوم و مع هذا ضعفت ؟؟
و كنت اكل نخي معلب كل يومين و انا قريت النخي ممنوع بس انا ضعفت ؟
يعني انا وايد استغربت من الممنوعات بالرجيم و انا اكلته قبل و ضعفني و الحين يوم فهمت الرجيم صح فيني وسواس ما اقدر اكل كل هالممنوعات و تميت اقرى وايد اللي يخرب الرجيم يرجع يعيده من الاول يعني صج لازم نعيده و الا اكمل الحين انا متردده اكمل و الا اعيده ؟؟؟
و اللي يبي يسال عن فصيلة دمي B-
