سيبونا من الخلافات وخلونا نستعد للأهلي وغيره من المنافسين

بسم الله الرحمن الرحيم
ياجماعة سيبونا من الخلافات ، والأسطورة نورة ما هو نهاية العالم ، والله يوفقه .

ياعالم شوفوا الأهلي المنافس لنا ، وين وصل مستواه
واحنا وين
والهلال وأندية كتير ، ياما مردغها الاتحاد في الميدان
أندية كتير بكاهم الإتي
أندية كتير اخذ الاتحاد الكؤوس من بين أيديهم

واليوم كلهم منتظرين الفرصة عشان يغرزوا سكاكينهم ، ولا طاح الجمل كثرت سكاكينه

والإدارة من حقها أن تتخذ القرار الذي في الصالح العام
الاتحاد أكبر من كل شيء
لعيبة الاتحاد كبار في السن ، ومن عدة سنوات ماجابوا بطولة
الاتحاد ما هو دار عجزة
ولا هو رباط الولاية

الإدارة لازم تنهي وضع اللعيبة الكبار ، وهذا حق مشروع لها
خلاص الإدارة غلطت في الطريقة وخاصة مع الأسطورة نور
خلاص إلي راح راح
ونور حتعوضوا الإدارة باعتزال عالمي وكبير يليق بتاريخه وتضحيته للاتحاد

بس خلاص ، سيبوا الماضي ، ألتفتوا للمستقبل
نبغى نرجع هيبة الاتحاد
ياعالم الوحدة إلي مافاز على أحد في الدوري ، يستفتح بنا
آه يازمن آه يازمن آه يازمن
ودارت الأيام
ومرت الأيام

حقا :الاتحاد اليوم ، هو النمر الجريح في غابة مليئة بالسباع الضارية إلي ياما أكل أولادها وأكبادها ، واليوم جات فرصتهم ينالوا منه ، لأنه كبر وعجّز وانجرح بجرح خطير ما يداويه إلا منصور البلوي ، بعد الله عزوجل