مجاراه للشاعر الكبير _ جزاء البقمي_في قصيدته ((صرخة هدى)) بعنوان ((هيضت قافي))
لسماع قصيدة الشاعر جزاء البقمي
[ramv]http://www.5alid.com/najm/hoda.rm[/ramv]
[poem=font="Simplified Arabic,7,white,normal,normal" bkcolor="transparent" bkimage="backgrounds/21.gif" border="outset,10,white" type=3 line=0 align=center use=ex num="0,black"]
[هيضت قافي[/poem]
[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="inset,9,white" type=2 line=0 align=center use=ex num="0,black"]
يلي نظمت أبيـات فـوق الثلاثيـن=أنا أشهد إن القافيـة بـك جديـره
طوعتها يا جزل من راس جزليـن=شرحت فيهـا قصـةٍ لـك مريـره
ذاع الخبر والناس تضحك وساليـن=وانته بسبـة ذاك عينـك سهيـره
هيضت قافي قلت وين القلـم ويـن=بأنظم وأجاري قاف نـاسٍ خبيـره
لا يا جزا نسل الرجـال العريبيـن=نسل البقـوم الطايلـه والشهيـره
لا ياجزا النايف ولا تعرف الهيـن=لجلك نظمت أبيات تنخـى عشيـره
غيرك يقول الشعر في ناس عادين=وانته تقوله ترتجـي فيـه خيـره
ترجي من الوالي يعـز المساكيـن=إللي بذاك القدس من هـو يجيـره
نسل اليهود أضحو لداري مِحِليـن=يوم العرب مـا ترتجـي للنصيـره
يوم العرب خانت كرام وعزيزيـن=تجاهلت مجهـود صقـر الجزيـره
جات الخيانه وآه من مين من مين=صدام قاد الجيـش قبـل الظهيـره
حرك جيوشه صوب ديرة كريميـن=وش علته صاب العرب منه حيـره
ومن ثم جا يبغى ديـار الشديديـن=وقت المصالك ندعسه فـي مريـره
ما همنا صـدام لـو لـه شياطيـن=ولا همنا مـوج المحيـط وهديـره
حِنَا رجـال العـز حِنَـا سلاطيـن=حنـا شيـوخ القـوم فالمستديـره
حنا رجال الدين يـا خايـن الديـن=ضحكوا عليك الغرب خلوك عِيِـرَه
واليوم وينك صرت ياهيه مسكيـن=وين الحرس وين الجيوش العسيره
في حفرةٍ صادوك والنـاس لاهيـن=وين القصور . الظلم هذا مصيـره
من هو صَلَى غيره وخان القريبين=لابد ما يصَّلَـى اللهيـب وسعيـره
واليوم بوش الكلب في ديرة الصين=يبغى دعوم فحـرب والله خسيـره
يبغى يقود الناس ويـن الحكيميـن=كلب وخبيث ويدعي حُسْـنْ سِيَـره
ويلقى من الهبلان ترحيب وافييـن=من ديرته ليـن البحـور الغزيـره
من وسط لندن يدعي حـب برليـن=وفي دار كابول يجتمـع بالوزيـره
لكن في داري يبا يخـاف ويِهِيْـنْ=يعرف صقور الجو ناس ٍ عسيـره
سلتوح يشحد ربعنـا لتـر بنزيـن=ولو هو تبهرج عارفيـن السريـره
هـذي سياستنـا وحنـا سياسيـن=لكـن وقـت الجـد يخسـا نعيـره
نحرق حقول النفط ما همنـا ميـن=هذا كـلام آبـو عقـال الذخيـره
هذا كـلام وقيـل عـام الثلاثيـن=قاله ملكنـا فيصـل العـز غِيَـره
وحنا على ما قيل نـاس بسيطيـن=نبغى السلام مواصليـن المسيـره
لكن حذرا مـن الكـلاب الخبيثيـن=رووس الضلال أهل الفجور الفجيره
يا مـا بسبايبهـم تيتـم بزاريـن=وش ذنب ذاك الورع يفقـد كبيـره
يا مدعين اصلاح منتـم بصاحيـن=لا تسمعون الكلب خايـن عَشِيِـرْه
سعد الفقيه الخبث في حِلَـةَ الديـن=يضحك عليكم يـا حسافـه كبيـره
ومن هو على فكره ترى حاله يشين=نبيـه يرجـع يستعيـد البصيـره
وختامها من ابن السفر يا محبيـن=سـلام ننصابـه جمـوع ٍ وفيـره
ونخص جزل القاف جزل العناويـن=نسل البقـوم الطايلـه والشهيـره
سلام يالنايف عسـى ربنـا يعيـن=ونرد ذيك القـدس وتعـود ديـره
ونرد علم ٍٍ فاقدينـه مـن اسنيـن=عز ومعـزة بالسيـوف الشطيـره
بدعي ويا سامع أبـا كلمـة آميـن=تنصر جنود الحق وقـت المغيـره[/poem]
