ابن وسام ،، سداح

السلام عليكم ورحمة الله وبركاته وبعد


اقدم لكم هذه المساجله بين الشاعرين الرائعين

سلطان الهاجري ، و ، سداح


قصيدة ( سلطان )



فـي عنفـوان البلبـلـه والأقـاويـل
وزخمٍ مـن الإعـلام فـي زعيتمانـه
هذي قناه الشجـب والحـط والشيـل
وهـذي قنـاة الملعـنـه والخيـانـه
وهذي قناة الرقص ( ياعيـن ياليـل )
وعـبـدالله ابالخـيـر والبردقـانـه
والقـدس تقصفهـا مدافـع إسرائيـل
والغرب يعزف عـزف كيـد ولعانـه
والشـي والله فـي الليـال المقابيـل
أصبـر علـي شـوي وأقـول عانـه
عان الليال الحيل لقحن وهـن حيـل
ولقاحهـن غـزو الأصـل والديانـه
غـزوٍ يسمـى ديمقراطـي وتبديـل
وطمـس العوايـد والشيـم والأمانـه
وش قلت ياسداح فـي كذبـة إبريـل
هي في صميـم الـذات والاّ وزانـه
والهيـل ياسـداح عطـر الفناجـيـل
والجِـد ملـح العجـرفـه والميـانـه
والخيل وين سروجهـا ياهـل الخيـل
راحت فرس عنتر تسابـق حصانـه
والمعركـه بيـن النسـاء والرياجيـل
مـدري يفـوز فــلان والاّ فـلانـه
وأن قام حـظ أم الرمـوش المظاليـل
وقامـت تثنّـى كنّـهـا الخيـزرانـه
ماعـاد ياسـداح حيلـه ولا حـيـل
أطلـق شنـب قلّـه يجـوّد مكـانـه
والقبّـه اللـي للنشـامـا مداهـيـل
ميدان سيـف الله .. وعنتـر زمانـه
الله ثعا فيهـم .. علـى مثـل ماقيـل
بعنصـر نسـائـيٍ قــويٍ كيـانـه
خطوات عوباً صوتها يصهل صهيـل
تشرشح النايب .. وتكرب بطانـه !!

.................................................. .......


قـــصــــيــــدة ( ســـــــــــداح )


.................................................. ......


الفلـك مـا يـدرج بليّـا محاصيـل
سبحان من يكتـب حصيـل إدورانـه
ياسرع دوراتـه مـن الصبـح لليـل
لا أمسى في خانه دار وأصبح في خانه
نتايجـه ماعـاد تحـتـاج تحلـيـل
محلّلـه بـيـن القـسـاء والليـانـه
قام التطور ينفـض الـراس والذيـل
ويرومـش بعينـه وتضحـك ثمانـه
أضفى على بعـض المفاهيـم تعديـل
و وثّـق تعاميمـه وعـمـمّ بيـانـه
وحنـا نصيـح وكلّبـونـا معالـيـل
والقيزخـانـي قـفّـل القيـزخـانـه
ومن قال لي طير السعد .. طير أبابيل
أقول له وجهـة نظـر ميـر زانـه!
حي الله اللـي وقفتـه تعـدل الميـل
اللي بـدون رهـان يكسـب رهانـه
شاعر علم وأشهر من الجدي وسهيـل
أروق مـع فكـره ومنطـق لسـانـه
برقيّته من راسـه ( مكالمـة تيـل )
عنده عن أمـراض التكبّـر حصانـه
أقـدّره وأغليـه .. بالحيـل بالحيـل
قــدّام لايـشـرّ علـيّـه بـنـانـه
فرقه عـن اللـي يلعبـون المواويـل
يجيبهـا مـن كـل مـحّـار دانــه
هذا يـا بـن وسـاّم وقـت البهاذيـل
زخم ٍ علـى ماقلـت فـي عنفوانـه
عندي طفح كيلين وعندك طفـح كيـل
مـن مجلـس الأمـه ومـن برلمانـه
يا كم عطانـا مـن علومـه تهاويـل
ولا قد عطانا قفشـة ٍ مـن حنانـه !
مير الشداد اللي على غـارب الفيـل
لو نطرحـه تكمـل شـروط المتانـه
وأن قام حـظ أم الحلـق والخلاخيـل
كملت .. وما لرزاح غيـر إرزحانـه
حلحيلة ٍ يرضـى بهـا كـل حلحيـل
لـو يعتبرهـا واحـد ٍ مـن خوانـه
قومـن بهـا يـا لابسـات البناطيـل
واقعـد بهـا يـا لابـس الجبّخانـه !





وسلامتكم





منقووووووله