حامد البلوي...........

صرح حامد البلوي بعد تقديم استقالتة ان الاجواء في النادي غير صحية وانة راح يكشف امور كثيزة صايرة داخل النادي . طيب اول ماجاء حامد البلوي ومسك النادي ذكر ان الفريق سوف يعود كالسابق قوي ومنافس وبعدها بفترة شكر الادارة واثنا على تعاونها واخلاصها في العمل في النادي بعد ذالك اثنا كثيرا على عادل جمجوم وتعاونة الدائم معة . لاحظنا بعد ما مسك حامد الفريق التسيب من الاعبين والغيابات بداية في غياب اسامة المولد من غير عذر عن مبارات الاهلي زاد التسيب في الفريق وحامد يتفرج حتى امتنع ستة من اللعيبة من مرافقة الفريق الى معسكر الكويت الفاشل بسبب وكيل نور . الواقع يقول ان حامد رجع للفريق عشان شلة نور . استهتار شلة نور في التدريبات والمباريت وعدم احترام المدرب الي حقق 25 مباراة من غير هزيمة لانهم عارفين ان المدرب راح يجدد الفريق وهما راح يكونو اول الضحايا .حامد البلوي هو الي طلب منة المدرب انة يتكلم مع نور عشان موضوع تجديد الفريق وان نور ماراح يلعب اساسي لحاجة الفريق للتجديد الكلام ماعجب حامد البلوي لانة يهمة مصلحة نور وشلتة المنتهين فنين اكتر من مصلحة الفريق حتى ان نور بعد مبارات الفيصلي قال نور انة لولعب كويس ولا ما لعب كويس المدرب في النهاية راح يغيرة اذا كبتن الفريق يتكلم عن المدرب بهذة الطريقة وما احترم قرارة فكيف راح يكون وضع بقية العيبة واحترامهم للمدرب فين كان حامد من هاذا التصرف ولاكانة موجود انا مااعرف ايش دور حامد في الفريق هل انة يعمل انضباطية في الفريق ولا يخلي العيبة يتعدو حدودهم .طبعا بعد قرار الادارة الشجاع بالاستغناء عن سبعة لاعبين عديمي الفائدة وبعد ان طفح الكيل من استهتار هاذولي العيبة زعل حامد البلوي لان حبايبة مشو واختلق عذر توزيع الفلوس المتاخرة للعيب بانة مو عادل وهو بنفسة الي سوى جدولة مستحقات اللعيبة مع الادارة ونسى ان سعود كريري تنازل عن حقوقة عشان مقدم العقد حق احمد عسيري . ياحامد لو نعرف انك رجعت للفريق عشان شلة نور ماكنا طالبنا برجعتك الامور في الفريق ساءت اكثر برجعتك لانك لعبت دور المتفرج والمحاباة اكثر من دور اداري الفريق الي مفروض يكون صارم في وضع الانضباط في الفريق وعدم تمادي اي لاعب مهما كان تاريخة لان سمعة الكيان وهيبتة اهم من اي لاعب فشلت ياحامد وجي ترقعها بانك راح تكشف الامور داخل النادي ياليتك تسكت لان جمهور الاتحاد الواعي انكشف لة كل شي وكلامك الي راح تقولة راح يحطك في موقف محرج لانك فشلت بكل ماتعنية كلمة الفشل. اسف على الاطلة ودمتم يا اعظم جمهور