روحتنا مع جلاناركو الي مصر
سفرتنا مع الاهل إلى ....مصر
بسم الله الرحمن الرحيييييييييم
إزيكو عاملين ايه<<<عقب سفرة مصر وانت صاير مصري
عساكم بخير يا احلى مغربلين في احلى منتدى في العالم
طبعا أنا جت بالي فكره اقولكم وين سافرنا بالصيفيه
بس هالمره وين سافرنا
Eigept<<ترا ما يدري هي صح ولا غلط
طبعا السفرة كانت مع العائلة الكريمة
(حنا وخوالي)
خالي وخالتي أم جلانار<<<<<.يلمح أن جلانار بنت خالتة
<<<هذا جلانار جنبي وتقولي لي الله يخسك لا تحش بن اولاااااه<<<<<<<<من زينتس أحش بتس
<<<<جلانار : ازييين منك هذا اهم شي
<<<<<<<<<<<أقول نرجع لنكمل برامجنا
انا كنت معارض لهذه السفرة<<<<<جماعة الأخوان صاير
بس سافرت في نهاية المطاف
<<<<<<<<غصبن عن
توني دري ان حنا كثيرين
وش كثرنا
وش كثر عفشنا<<<<<<<<<ثلاثة أرباعة عفش جلاناركو
تقولي انثبر بس ههههههههههآآي
ياحبيله ياعالم
دخلنا المطار
فتشونا وخلصو
ركبنا الطيارة
الاقلاع كان الساعة 12 بالليل
ولكن الطيارة تأخرت
قامو عيال خوالي يقولون
"يا سواق دوس دوس الله يعطيك العروس"
وقامو يرددونها الين ما اقلعت الطيارة
يوم ارتفعت الطيارة عن الارض
قامو يصفقون ويقولون هيييييييييييييييييييييه
الرحلة مدتها ساعتين
انا نمت في هالساعتين عشان كذا ما دريت وش صار
وصلنا مطار القاهرة او زي ماهو مكتوب"ميناء القاهرة الجوي"
دخلنا المطار وقلت في نفسي "الله يخلي مطارنا بس الي فيه نافورة تونسك"
حملنا الأغراض وركبنا السيارة<<طبعا كنا جايبين سيارتين فان من السعودية
طبعا كنا موصين مكتب السفر على سواقين عشان يوصلونا
وصلنا العمارة الي فيها شقتنا
طبعا ماخذين شقتين جنب بعض
اول ما نزلنا العفش على طول عالسرير ونمت
ما قمنا الا 11 الصبح
افطرنا فطور عزاب كان ما عندنا حريم تكلفو على نفسهم وسوو لنا شكشوكة على الأقل
افطرنا جبن وخبز ومربى وعسل وببسي
نزلنا وركبنا السيارتين وقعدنا نتمشى عالنيل<<<يقالك جو رومانسي
الله لا يوريكم
الطراروه(الشحاذين) لغير الناطقين بالقصيمية
ما يفكونك لو الموت
يقعدون يتلصقون بالسيارة
اشوا انهم نزلو
المهم
هذا طرار بزرنشب عند شباك خالي وقام يدعي وقال
:"ربنا يوفقك ويغنيك ويجوز لك عيالك وتتجوز الي انت تحبها
عاد هنا قامت مرة(زوجة) خالي بالرد عال المسكي نوقالت
يا قليل الحيا يالي ما تربيت الحين هالشايب الي منتهية صلاحيته<<<<<<<<<< تحسب خالي حليب ؟؟ عنده حبيبه
وفي جو من الكركرة(الضحك) عم السيارة قامت مرة(زوجة) خالي بتلحيط الحاضرين تلحيطا لم تشهد مصر والعالم العربي مثله(اشوا ان السيارة كانت مظللة وإلا انفضحنا عند المصاريا)
وبعد هالتلحيط وقفنا عند اقرب سوق ونطلنا النساء الكريمات لكي يتبضعن<<متعوب عليها يتبضعن
ورحنا حنا كوفي شوب
اكيد بتقولون وراك ما دخلت النت
السبب انهم راحو وخلوني نايم
قمت من السرير واشوف البيت ساكت مافيه صجة ولجة وطقاق وزعاق كالعادة
درت في الشقة مافي احد
دقيت عليهم
تذكرت ان جوالي موب معمم(دولي)
وبعدين
تذكرت ان خالي شاري شرايح مصرية امس
نقزت للغرفة وقعدت ادور ما بقى مكان ما دورت فيه
وبعدين لقيت الشرايح تحت المخده اخذت لي شريحة وركبتها واشتغل جوالي بس الحين المشكلة اشلون ادق عليهم؟؟؟؟؟
نزلت للشارع اخذت لي اقرب تكسي قلت له: ياحق ممكن توصلني لأأرب سوأ
قال: طب ومالو اركب
انا: لا ياخوووووووووويااااااااا لا يالدلعادي اول حاقة تعرفني بكم توصلني
السواق: خمسة قنيه
أنا: حاضر يلا
وركبت معه
كان الأخ مشغل ام كلثوم وقاعد يهز دميجته ويدندن ويوم خلصت الاغنية قال اللاااااااااااااااااااااا ااااه
أنا: احم احم
السواق: ايه في ايه
انا: ولا حاقة بس بلغ كان في زوري
الترجمة:ولا شي بس في بلغم في حلقي
السواق: اها
المهم وصلنا السوق
حاسبت الرجال ونزلت
قعد اتمشى شوي في الدور الثاني
تسندت على السور
مادريت الا والسكيورتي جايني ويقول ممنوع
أنا: ايه الي ممنوع
السكيورتي: ممنوع الاستناد على السور
انا: ليه آيل للسقوط(شوي ويطيح)
السكيورتي:لا
انا: طيب السور ذا اثري ولا لمسه الريس جمال عبد الناصر
السكيورتي :لا
أنا:طيب ليه ممنوع
السكيورتي : ممنوع وخلاص هيا حدوته
أنا: طيب لا تنفخ عشان ما ينط لك عرق
السكيورتي: طيب زيح (ابعد)شوي عن السور
أنا: طيب<<<مسالم ما شاء الله
وبعدت شوي
بعد دقيقتين جاني سكيورتي ثاني وقال: لوسمحت ابعد عن السور شوية
أناوصلت قمة العصبية وقلت
أنا: إنا لله وراكم ما تخلوني في حالي وش هالنذالة الي فيكم يعني من نظف السور عشان محد يلمسه**************************************** ***** ************************************************** ***********<<<<<هذا كله مشفر
السكيورتي: طيب متعصبش نفسك
المهم وانا ماشي
مادريت الا وانا اشوف النسوة المكتسحات بالسواد<<<حريم العائلة
امي: هو وش جابك هنا هماك نايم
أنا: كنت نايم وكنت احد انواع السجائر
امي: وش سجائر
أنا: موب سجائر سجاجق جمع سجق يعني نقانق يعني هوت دوق<<<يعرف فرنسي
خالتي : عساه ذاك اللحم الطويل الخايس الي في العثيم
جلانار:أأأأأأأأأأأأأأأأأأ� �أأفا يمة مهب خايس يهبل <<<<<<<<<<<<أمحق يهبل
أنا: هو بالزبط
امي: طيب وش الي جابك؟؟؟
أنا: اتمشى شوي
مرة(زوجة ) خالي: الله يعافيك تعال معنا
أنا: ليه خايفين واحد يتحرش فيكم
مرة خالي ترا واصلتني اخبارتس في السيارة يوم تلحطينهم
المهم ما طولنا في السوق وطلعنا ورحنا الشقة تغدينا كبسة ونمنا <<<<<<<<<<نحافظ علي التراث القصمنجعي
في الليل طلعنا ورحنا للنيل بناء على رغبة خالي قال يلا اوديكم في رحلة عالنيل
وافقنا وركبنا القارب
الاغاني تدهر عندهم
وقعدنا ندور والاغاني تشتغل
خلصت الرحلة ورجعنا الشقة تعشينا ونمنا<<<كل حياتهم نوم
الساعة سبع الصبح مادريت الا وخالي يقومنا
أنا: خالي الى اين
خالي: هيا بنا الى خنيفر بن جحش لنقطعه إربا إربا
وشو إلى أين في أيام الجاهلية قاعدين
أنا: لا صدق وين بنروح
خالي: الأهرامات وأبو الهول
أنا: يالله صباح خير يعني ما تنفع إلا الصبح
خالي: إيه هم الساعة 3 ونص يسكرون(يقفلون الأهرامات)
أنا: طيب طيب
قمت لبست وقعدت استنى
ما طلعنا الا الساعة 8
وصلنا الأهرامات ودخلنا بعد ما فتشونا وطلبو جوازاتنا
طبعا السواق سوا نفسه مرشد سياحي
السواق: بصو هنا هوا دا هرم خفرع ودا هرم منقرع ودا هرم خوفو
اخوي الصغير: طيب ليش بنوها
السواق: بص يا ابني هي دي كانت القبور بتاعتهم اصلهم لما بيموتو يحنطوهم ويدخلوهم الهرم
اخوي نفسه: طيب من بناها
السواق: الفراعنة يا ابني هوا انتا اسئلتك كتيرة كده ليه
نزلنا وقعدنا نتمشى في ها الغبار <<<الي يسمعك يقول ساكن في كان ولا باريس
وقعدنا نصور
ورحنا عند ابو الهول
شفنا خشمه مكسور او طايح
اخوي : ليه ما عنده خشم
أنا: يمكن انه تفشل وطاح وجهه ويو جا يلقط وجهه ما لقا خشمه
السواق: لالالا هوا نابليون جاب المدافع وقام يضرب ابو الهول وكسر مناخيروه
المهم خلصت الرحلة وطلعنا من هذيك المنطقة ورجعنا الشقة غيرنا ملابسنا لأن كل واحد صارت ملابسه شهبا عقب هالغبار
طلعنا للسوق
بس هالمرة سوق ثاني تغدينا فيه وطبعا الاهل ما قصرو خمو السوق كله وخصوصا جلانار الي مابه محل ماطبتة
المهم انا وبعض العيال الي قدي رحنا السينما
اشترينا تذاكر فلم اسمه سيد العاطفي طبعا هذا اختيار عبد الرحمن(واحد ما تعرفونه)
قلت له ليه هالفلم
قال : فيه تامر حسني
أنا: من تامر حسني
عبد الرحمن: مغني
أنا: ماعرفت من الممثلين الا عبلة كامل
المهم دخلنا ه وشفناه الفلم حلو تبوني اقول قصة الفلم قلتها
طلعنا من الفلم ورحنا الشقة
استرحنا شوي وطلعنا
ركبنا السيارة
السواق: عاوزين تشوفو فرح مصري
خالتي: اه ومالو بس يسمحون لنا ندخل
السواق: اه دول ناس طيبين اوي
خالي : إنا لله الحين حنا منحاشين من الاعراس في السعودية تجون هنا عشان عرس
البنات: خالي الله يخليك تكفا لعين ترجيك خلنا ننزل
خالي: طيب يلا انزلوا
ماصدقو خبر وفتحو البيبان والدرايش ونطو ونزلو ودخلو العرس
خالي انتهز الفرصة وبما ان مرته مهيب فيه
راح بنا شارع الهرم ورحنا عند الرقاصات
وخالي ما صدق خبر قام يصفق وحال
طبعا في اشياء مشفرة لأن في المنتدى صغار سن
المهم رجعنا الشقة
وقلنا للسواق رح جب الحريم
راح جابهن وهن مستانسات
أنا: ها يا خالاتي وش لون العرس
جلانار: كحلي وشو الي وش لون العرس سيارة هو
أنا: إنا لله وش الله بلاني بها البنت الي ذكاها خارق للحدود
خالتي : وش تقول يا محيميد
أنا: لا ما أقول شي بس قاعد اقول دم بنتس خفيف
خالتي : اشوا
طبعا انا انسحبت من المحادثات ورحت خمدت(نمت)
قمت الصبح
وهذا يومنا كل يوم فطور سوق سينما نتمشا بالسيارة ونرجع ننام
حصل موقف رهيب كنا نمشي في السوق وجلانار من الخبه تمشي وعينه على البلايز وفجأة بووووووووووم
جلانار صدمت مصرية من الحوالة
جلانار : وش بلاتس تسوين تسذا
المصرية :أنتي بتأولي أية ما تشفيش أدامك
جلانار : اهااا بس الخلااااا مابقى الا اللي تلفف شعره بصخانات تهاوشن بعد
المصريه : ماانا....
جلانار : اوووص اووص بس يالطعميه
<<<خخخخخخخخخخ ياحول اكلت المره
المهم جات الشرطة وررررررر مع الباب<<<<<<<<أثر المصارية مثلنا ملاقيف الي بأخر السوق جا يناظر
نرجع لنواصل
هذي حياتنا لمدة أسبوعين
بعد هالاسبوعين رجعنا للرياض بعد اشتياق وحنين للوطن
رحنا للمطار وركبنا الطيارة ورجعنا لأرض الوطن
الحين ابتلشنا اشلون نروح لبيوتنا
اشوا ان شحن سيارتنا جاء بعد ساعة من وصولنا
وبهكذا انتهت رحلتنا الى مصر
بخـــــــــــــــــــــــ ـــــــــــــــــــــــــ ـــير
