قبل المباراه نقاط مهمه لازم الجمهور يدركها ...

الحرب الاعلاميه ضد الهلال

اولا:
ابغى الكل يحط فباله ان هزيمتنا الماضيه من الاستقلال مهي اهانه لأنا انهزمنا 2-1 للأمانه انا ماتابعت المباراه لكن شفت الملخص وواضح انه عدم توفيق من الله
بالنسبه للجماهير الي يتشمتون ع الهزيمه نجي للنصر الي انهزم قبل موسمين 4 من الاستقلال مدري سبهان بدور ال16 اهم شي فريق ايراني
الاتحاد انهزم من قوانزهو الصيني 2-1 ومحد تشمت فيهم رغم انها نفس هزيمتنا اولا لأن الاتحاد تأهل ثانيا لأنه مو الهلال الي يدورون عليه اي غلطه والدليل انهم يلفون ويرجعون لأم صلال وهم عارفين ان الهلال كان افضل لكن انتهت بضربات الترجيح وهذا بنظام الفيفا مايعتبر هزيمه يعتبر تعادل يتشمتون على خروجنا من ذوب اهان
رغم ان الهزيمه 1-0 وغلطة دفاع
الاهلاويه الي نافخين ريشهم علينا مالهم الا سنتين بدأو ينافسون ومن حسن حضهم طاحو بمجموعه سهله وماخذين مقلب انهم هم الافضل اتمنى انهم يقابلون فريق قوي بدور 16 عشان يبين هل فريقهم ينافس ولا عشان مجموعتهم سهله
عموما بكره المباراه واذا لاسمح الله انهزمنا لحد ينصدم ترى كلنا غاسلين ايدينا من الفريق هذا الموسم واصلا ماكنا متوقعين ولا حتى المركز الثاني لكن الحمد لله نافسنا ع الدوري وحققنا كأس ولي العهد وهذا بأعتقادي انجاز
بكره لاسمح الله اذا انهزمنا راح تتلقون شماته غير طبيعيه من الاعلام ومن الجماهير وراح يهولون الهزيمه لو كانت 1-0 وراح يحاولون يزرعون الفتنه بين الجماهير واللاعبين والاداره وان اللاعبين ماعندهم ذمه وان الاداره لازم ترحل
ترى مانشستر هزم روما على ارض روما 7-2 يعني 2-1 مهي نتجيه مهينه للفريق وترى الاستقلال من اقوى الفرق الايرانيه ومتصدر الدوري حاليا والهلال مستواه من سنتين طايح ومع هذا الفريق الايراني كان مقفل وخايف هذا والهلال مو الهلال الي نعرفه

فما بالكم لو يرجع الهلال 2008 الى 2010 تقريبا ايام العز مع جريتس وكوزمين والمحترفين المميزين الي شايلين الفريق

ثانيا مشكلة الهلال بأسيا من وجهة نظري :


مشكلة الهلال مع الاسيويه مشكله نفسيه اكثر من هي فنيه
انتم شايفين كيف مستوى الاتحاد محليا يختلف عنه اسيويا ليش لأن الاعلام حطو وغرزوا فكرة ان اسيا بطولة الاتحاد عشان كذا لاعبين الاتحاد يلعبون بروح وكأنها بطولتهم ويحاولون قد مايقدرون مايفرطون فيها رغم انهم ماحققوها الا مرتين بس والهلال الي حققها قبلهم 6 مرات
وبالعكس الاعلام يحطم الهلال وجماهير الهلال تحطيم وان اسيا صعبه ومانقدر ننافس فيها ليت ما صارت مشكله نفسيه وصارت فعلا صعبه لأنا حنا صدقنا انها صعبه وهي مافيه اسهل منها ولدرجة انهم خلو جمهورهم يروح يشجع الفريق المنافس ضد الهلال ويسوون حرب نفسيه اهم شي الهلال مايفوز
ومن غير الي راح يذبح مدري كم ناقه لو انهزم الهلال اهم شي مانحصل ع البطوله
ولو نرجع للواقع القادسيه حققها مره والاهلي الي نافخين ريشهم ولا مره حققوها وحاليا يتهاوشون على المركز الرابع مع النصر يارب لاتبلانا بس ومع كذا يتشمتون
وعلى فكره تراها اسهل من بطولة الدوري المحلي بس تحتاج مدرب ولاعبين ع مستوى عالي بدون مجاملات
ومع جيرتس كنا قريبين منها كثير لدرجة ان الخوف دخل بقلوب الشماتين ولكن للأسف الله ماكتب
وانا كعاشق هلالي واتوقع اغلب الجمهور مثلي نتمنى نحصل على البطوله الأسيويه لأنا من زمان ماحصلنا عليها مو عشان نتأهل لكأس العالم ونتمصخر انا ماهمني تأهلنا ولا ما تأهلنا اهم شي نجيب اسيا
نرجع للمشكله النفسيه شوفو كيف كأس ولي العهد 6 سنوات محد قدر ياخذه من الهلال حطوه بمكه وحاولو بكافة الطرق واخرها مع النصر الي احتفلو بالبطوله قبل ماتبدأ المباراه لكن الله وفقنا وجبناها ياترى ليه؟
لأن الاعلام كله يوصف البطوله بأنها بطوة الزعيم وبس عشان كذا اللاعبين قدموا مباراه من افضل المباريات واتوقع الي يدقق يلاحظ ان اللاعبين كانو يلعبون بروح اكثر من اعتمادهم ع تكتيك المدرب لأنهم يشعرون ان البطوله ملك لهم بعكس اسيا الي يلعبون فيها المباراه وهم من الداخل منهزمين ..
اخير يقول الله تعالى ( ان مع العسر يسرا ) وبأذن الله راح تجي اذا موه السنه راح تجي بقادم السنوات
اهم شي لاتحكمون على الفريق من خلال اسيا ولا يأثرون عليكم الجماهير والاعلام
اتمنى التشكيله تكون بهذا الشكل

الشمري
الزوري –المرشدي –اوزيا – البيشي
الغنام اذا ماكان مصاب –
بوليفار
نواف العابد سالم
ياسر
يوبيونق سو

اتمنى من الاداراه بدل التعاقد مع حارس انهم يعطون الشمري فرصه مثله مثل شراحيلي والسديري ويكون باقي مباريات الدوري وكأس الملك الشمري يحرس المرمى
السديري لازم يجلس بالاحتياط عشان يعرف ان مستواه نازل مثل العابد وسالم نزل مستواهم ولزموا الدكه وعرفوا انهم ماراح يلعبون اساسيين دام مستوياتهم نازله ..
عموما اسف ع الأطاله واتمنى التوفيق غدا بالمباراه وباقي المباريات ...[/COLOR]