اخوي من ابوي

السلام عليكم
انا بدش بمشكلتي علا طول احنا اربع اخوان من ام واب بنتين وولدين وامي منفصله عن ابوي وكلنا عايشين ويا ابوي ومرته وعندي اخواني من ابوي اربع صبيان وبنت المهم واحد من اخواني من ابوي مو عاجبني اول مراهقته دخلنا بمشاكل مره يجي يشتكي ان في صبيان يبون يتحرشون فيه يعني فاحشه ودخل ابوي بمشكله كان بيشتكي عليهم وعقب هون دشو رياجيل واسطه وجذي المهم عقب السالفه بسنتين طلعو له سياره المهم اهو معها صبيان وطالعين من المدرسه جان يحاولون يسحبون يبون يتحرشون فيه المهم انحاش منهم بس ماعلم احد من اهلي بعد السالفه بسبوع سولف حق ولد جيرانا وقام ولد جيرانا راح حق اخوي العود وقاله وقامو احواني الكبار راحو بيت الصبيان وطقوهم طق وهذي سالفته كل يوم طالع لنا بسالفه المهم الحين صار له سنه الولد بس برا البيت وكل يوم بشله جديده وحالته حاله الحين احنا كلمنا امه امه حييل مدلعته وماترضى عليه ولما اخوي الكبير كلمها ماكو فايده طقه لانه قاعد يمشي مع واحد توه طالع من السجن بقضية خطف تخيلو انا من قالي اخوي وانا ماقدرت انام والله بس ابجي خايفه عليه مهما كان هذا اخوي لما اخوي الكبير طقه قامت امه علمت ابوي قام ابوي غسل شراع اخوي الكبير الحين اخوي من ابوي ملاحضه عليه مايقعد بالبيتكله برا كله مخيمات الدراسه مايدري عنها وحالته حاله اهو بصراحه حبيب معاي وحنون واذا شافني باس راسي ومايقولي الا امريني ولو اتكلم عليه بنبره حاده مايرفع صوته علي بس حيل مسكين كاسر خاطري بيضيع بنات انا مو قادره اوصف لكم تفكيري الليل والنهار فيه اخاف يطيح بلوه ويعور قلبي وامه مادري اربع وعشرين ساعه مسافره وماتدري عنه ولا عن بيتها وابوي شخصيته ضعيفه مايبي يسمع مشاكل دوم يبي يحس ان عياله احسن عيال مو متقبل يسمع ولدك في خطر كلش تخيلو انا كلمته وقلت حق اخوي تعال ابيك واهو اليوم جايني بنات شقوله مو اول مره اذكره بهالموضوع
وثاني شغله انا دوم اتحلم فيه احلام مو زينيه والشيخ يقولي انتبهو له وفعلن يطيح بمشكله اخ ياقلبي علا اخوي زوجي يقولي مالج شغل فيه بس شغلج بخوانج من امج وابوج
غلطان هذا همن اخوي قلبي عليه ولا عمري فرقت بين اخواني احس لو يضير لي شي اهون من يصير فيهم واطلب ربي يحفظهم
اسفه طولت عليكم بس والله هذي السالفه مسببه لي ازمه وصايره مانام منها