أشكي حال لله ثم أليكم

السلام عليكم جميعا ..
صباح التفاؤل جميل أن تشرق الشمس وأن تعلن عن بداية يوم جديد
مليئ بالتفاؤل مفعم بالأمل ..


أنا من المتابعين لمنتدى كويتيات وبالذات لهذا القسم من فتره طويلة جداً
وفعلاً استفيد من الأخوات لأنه في بعض الاحيان تحصل لي اشياء وكأني
أعيش معكم في مكان واحد او حتى منزل واحد الحياه تعلمنا العبره
وانه مانخطي مثل الخطء اللي ارتبكناه سابقـاً


أنا سبق لي الزواج من قبل والحياه قسمة ونصيب وكل شخص بهالدنيا ما ياخذ الا نصيبة
وكل ظالم وله يوم والمظلوم عمره حقه مايضيع عند سبحانة وتعالى ...
الف حمد وشكر فعلا الله كتب لي خير وبركه وصلاح
تزوجت زواج تقليدي ورضيت بااللي ربي قسمة لي فعلا من عائلة معروفة وحالتهم ممتازة جدا
لكن الراحة اهم من أي شي ثاني لا المال ولا المظهر ولا البس ولا ولا غير راحة البال
والله راضي عني الزوج كانت معاملته قاسية ضرب وبخل وصراخ ومشاكل ولعده اسباب
والدته ماقصرت فيني كبرتني اكبر من عمري بكثير لكن اشكر ربي الف حمد وشكر
ان بعدني عن هالناس وماانجبت منهم طفل كتب لي الخيره والصلاح

وجلست اطلب ليل ونهار ان ربي يرزقني برجل طيب وصالح وام طيبة تحبني وتحنن قلبها علي
والحمدلله ربي استجاب دعائي وفعلا كان زواج مو تقليدي ولا هو حب وغرام ومكالمات اللهم
نظرات من بعيد وسلام وعليكم السلام وسوالف عادية هدفها طاهر واهو الزواج

فعلا رجل لم سبق له الزواج وطبعا وسيم ولو ان عمره كبير ولكن مايبين عليه
وجهه نور من كثر صلاته والتزامة الديني
فالبداية والدته رفضت بسبب اني منفصلة وانا مالوومها كل ام تتمنى لولدها بنت
مو معناها انا مو الافضل الحمدلله الله رزقني بالجمال والاحترام والطيبه لكن تعرفون امهات
هالايام ولكن بعد الحاح منه والحنه جابت نتيجه وجات تشوفني وفعلا دعائي استجاب
الام من اول يوم شافتني فيه حبتني وانبهرت فيني كثيررر
وكل يوم عن يوم تحبني اكثر وكأني بنت من بناتها ومعاملتها لي وحده

طبعا زوجي فرحان فيني كثير كثير كثير وقرر يسكني في بيت اهله ألين يجهز بيتنا المستقبلي
ماشاءالله الأرض كبيره ويبيلها وقت طويل
والحمدلله صار الزواج وعشت في بيته معززه مكرمه والام مو عارفة شنو تسوي فيني من فرحتها
فيني مو عشاني صغيره واهو كبير بالعمر او اني جميلة او اني من عايلة غنية او او

هم عادين وهم احنا عادين ماحب انفخ نفسي واقول احنا واحنا الحمدلله عندنا ما عند الناس
ربي لك الحمد والشكر والدته حبوبة موت تحبني ماتستغنى عني دقيقة وحده
تعزمني على الفطور والغدا والعشى وماتبدي الا وانا موجوده ربي يحفظها لنا
ومن تروح مكان او سفره وتذكرتني بشغله ومن تروح مول او سوق تذكرتني بشي
وانحرج منهااا كثير وصرت ابادرها نفس الشي ساعات والله تقولي تعالي نامي عندي وش تبين بولدي هههههههه غشمريه لاصقة فيني حتى لو بروح بيت هلي تزعل تقول اجلسي ماتروحين
وساعات تجي معي لكن المشكلة وين في زوجه ولدها حست اني اخذت مكانها واني اخذت ام زوجي عنها وصارت تغير وتحقد وتسوي حركات تستفز


غرفتها مقابلة غرفتي ويوم من الايام طلبت من الخادمة تكوي عبايتي ونقابي وانا بدخل اسبح وخبرتها تعلقها على الباب بجي اخذها اول ما أخلص الشور جيت خلصت الشور وبدلت وبنطلع انا
زوجي الله يحفظه الا العباية مشقوقة يا بناااااات كامل من فوق لي تحت والنقاب البس بالخيط
الا الخيط والطرحة مشقوقة

سكت ولا سويت مشكلة لاني مابي اطلع من هالبيت وفي مشكلة صايره
انا حامل وخبرت ام زوجي وفرحت كثير وجا موعد التلفزيون اشوف جنس الجنين
واتمنى بنت بس زوجي يتمنى ولد عادي كل الرجال كذا يبون اولاد وفعلا طلع الجنس ولد واضح

ورجعت البيت الا زوجه ولدهم جالسه مع ام زوجي تقول ام زوجي بشري قلت الحمدلله تمنيت بنت
وجاني ولد وشههههههقت زوجه الولد وشووووووووو ولد !!!

يقول زوجي لها ذكري الله شفيها !!! تقول لا ولا شي هي عندها بنت وتتمنى ولد الله يرزقها
تقول انا تمنيت بكري ولد وووو ...

المهم طاف من تسوي حركات اعطيها طاف وصرت اتعب كثير الم ظهر ولا اقدر اتحرك
دوامي تعب جدا وهي ماتداوم صارت تزعجني تضرب الباب وتهرب غرفتها
ساعات الليل الساعة 2 أو 1 تضربة وتهرب وانا اطل من فتحة الباب اشوفها تجي وتروح واسكت


حاولت اكسبها اشتري لها حاجات لها ولبنتها الصغيره تعصب وتاخذ الكيس بالقووووووه من ايدي
مشكورة من غير نفس

وش اسوي وش اسوي اشتري حلا من برع اسوي حركات اجذبها مافي فايده تحسب اخاف منها
لما اجاملها

صرت من اشوفها ادخل غرفتي ولا اجلس معاهم ام زوجي مسكينة تسأل عني بس مقدر
استحمل وجودها

تضايقني بدون سبب معنها اكبر مني !!!



عمرها 33 سنه وانا بعدي 23 سنه

مدري ليه هالمعاملة القاسية لي اكشخ اذا يجون حريم لأم زوجي اقوم بالواجب تعصب
تسوي نفسها ام السنع تقول فلانه ولا تجيس شي بالبيت لا طبخ ولا شي طلعات وشغل ونوم
على شكل غشمره وانا ساكته واسمعها بس ام زوجي ماتقول شي عن المشاكل

ومره جيت مسوية تبيض لأسناني واقول لأم زوجي وش رايج انا مسوية تبيض عند الدكتورة الفلانية



وش رايك اخذ لك موعد بكره نروح يسون اسنانك بيضا لو تحبين وكانت جالسة زوجة ولدهم
تقول ام زوجي تسوين خير لو تودين فلانه اسنانها صفرا ويبيلهم تعديل من قدام

انا سكت ولا قلت كلمة قالت زوجه الولد بكم قلت على حسب في ب 150 لمده 6 شهور وفي 200 لمده سنه

وعصبت تقول انا اصلا عجبين زوجي اسناني واقدر اسويهم ب1000 دينار بس مابي !!!

قلت طيب على راحتك محد قالك شي ام زوجي تقول لها لا لا اسنانك صفرا ومن قدام مكسرين
انا طلعت غرفتي عن المشاكل ادري ام زوجي كبيره ومو قصدها تجرح بس اذا في شي غلط
تقولها بوجهنا مثلي مره لبست لبست تقول مو حلو روحي غيريه مسويتنا مثل بناتها بالضبط وعادي
الصراحة احلى من المجاملات بعض الاحيان




وكل يوم مسوية مشكلة زوجة ولدهم لي الا الغرف غالية الا الولاده صعبة وتعور تخوفني اجلس اصيح عند زوجي كل يوم شغله طالعتلي فيها تبخر وتدري اتوحم من ريحة البخور تخليه عند باب غرفتي كل يوم تسوي لي شكل وكل يوم اصلي وادعي من ربي يبعدها عني حقود حسود مللتني

تبي تطفرني غصب من البيت لانه الكل معاي تمام ويحبني ....

شنو الحل معاها هالمره هذي :bbbiu: