لاااااعت جبدي من حياتي :(
بنات عندي مشكلة مادري شلون اشرحها لكم ، ممممم احنا عايلة بسيييييطة حيل ورزقنا ع الله بس مادري ليش احس اننا مو متوفقين ب الحياة ، لا زواج ولا ذرية ، استغفر الله يعني الحمدلله كل حال ، بس احس بيتنا مو متبارك !
بعض البيوت ادخلها ينشرح صدري وبعض البيوت لا !
تخيلوا اربع وعشرين ساعة هواش انا وخواتي ، صج اغلب وقتنا ضحك وسواالف بس مادري ليش ما يمر يوم الا وحنا نتهاوش فيه!
كذلك امي وابوي دايييييييم هواش بنجرة ، لدرجة ان ابوي ما يقعد بالبيت ويروح لمرته ،
ما نحب نطلع ونتزاور عند اهلينا لانهم شوي متكبرين علينا ، ومانحب احد يجينا !!
احس بملل ودي حياتنا تتغير، احس اسرتنا متفككة
اخواني ما اشوفهم الا بالويك اند ، ويسولفون شوي مع امي ويطلعون ، مممممم حياتنا احنا ي البنات كله اكل ونوم واجهزة وفونات ودراسة ... الخ
حاولت اشغل القرأن بس محد يسمع له ، نقعد نسولف ونخليه ، ومرات نطيفه لي بغينا نطالع التلفزيون ،
احنا ي البنات كابين روحنا حييل ما نهتم بأي شيء :( لا بصحتنا ولا بنصيبنا بس فالحين بالدراسة !
مادري اذا في مشكلة انا كتبتها الحين ولالا؟
ولا هالشيء طبيعي ومجرد تذمر مني بس جد أحس يأسست من الحياة ،
اذا في شيء غلط بحياتنا ياليت تقولون لي !
ابي ردو مفعمة بالمعلومات واكتبوا وقرقروا واااايد ابي اهم اشياء وايد تكفونن :eh_s(2):
.
.
