تبين تحملين بدون دكاتره ؟؟

السلام عليكم
شلونكم بنات
صج صج اهم شي لازم تسويته وانتي تعالجين
اولا الاذكار الصباح والمسا دايما قوليها
شغلي سوره البقره بالسياره البيت كل مكان وعلى طول
الاستغفااار باليوم 1000 مره
حتى لو حملتي لا توقفين كملي
الصدقه وااايد مهمه كل ما لقيتي فراشه اللي بالجمعيه الشحاذه والهنود اللي عند الاشاره
لو ربع دينار
وكله بنيه انج تبين ربي يوفقج وتضبط اموره وتتسهل
انا الشهر اللي فات كنت مو بالي العلاج لان تعبت من الحريم والدكاتره
لكن صليت استخاره اني اطق الابر و اسوي تلقيح
الحمدلله بالاستمرار. بسوره البقره والاستغفار والاذكار
تسهلت اموري اول شي الماديه لان كنا ماجلين الموضوع لصيف لين نيمع فلوس
لكن تيسر الامور وجانا المبلغ لين البيت
و كتت اقول مو وقته الحين عشان دوامي وماراح يعطوني اجازه
لكن الحمدلله تيسر الموضوع الدوام من كيفهم خففوا النصاب وعطوني مثل دوره بالمنزل
ولما رحنا لدكتوره الشهر هذا كان سهل وتيسر الامور
للحين مستمره ع هالخلطه العجيبه لان كل شي بايد الله
ممكن تحملين وبالسابع يموت
وممكن ما تحملين
راح تحملين باذن الله تعالى
ابتسمي تفائلي خلي املج بالله كبيييييير
لان هو وحده رح تحملين
انا متفائله هالشهر باذن الله تعالى بصير لي كل خير
شكرا