أخواني وش رأيكم بسهم الصحراء ؟:بفكر:
عرض للطباعة
أخواني وش رأيكم بسهم الصحراء ؟:بفكر:
سهم ممتاز جدا:vampire:
الف شكر يا العجراء
اقتباس:
المشاركة الأصلية كتبت بواسطة قاصد خير
سهم من ضمن أسهم التداول !!
صحيح هو ثقيل ومضاربه شوي أقشر
لكن بصدق السهم رائع وممتاز بعد وأتصور
أنه بهاليومين بيجي دوره في الإرتفاع الجيد
الف شكر يا صادق الاحساس
شكراً لك اخي الكريم صادق الاحساس
مساك الله بـ الخبر أخي العزيز
من المنطقيه .. وخبر دخول دول الخليج في السوق السعودي
فـ أغلب الشركات الكيميائية لها مستقبل جيد في السوق .. وهي الهدف الأول بما أن البنوك والتأمين محجوب عنهم
بـ النسبه لقرأة السهم وتحركه فـ هو كما يلي :
أمامه مقاومه على 67.75 إن كسرها فـ مقاومته القادمه على 76
جميع مؤشرات السهم إجابيه الماكد و Rsi
والله أعلم
شكراً لك بعد حيي يا بن حائل
اقتباس:
المشاركة الأصلية كتبت بواسطة قاصد خير
على فكرة
اليوم الأحد شريت السهم بــ63
وإذا لازال معك فلا تفرط فيه أبد
تراه على وشك الإنطلاق !!
وإذا ما شريته أشره بكرة بــ 61
لو قدرت يهذا السعر أفضل
الله يرزقك
ألف شكر يا صادق الاحساس على النصيحة لكني (متعلق) في هذا السهم ورأيك اتمسك فيه !! عرضت جزء من اسهمي فيه ب65ريال مع أن السهم في النازل.....................:زعلان:
اقتباس:
المشاركة الأصلية كتبت بواسطة قاصد خير
يؤؤؤؤؤؤؤؤؤؤؤه
كم يحزني حينما أسمع ان مساهم ما متعلق !!
يا أخوان لا تتوقعون أن فلوسكم اللي خبركم
تبي تجي !!
أبد والله ، لكن في طرق أخرى الإنسان يسلكها !!
طيب ما جابت السعر اللي تبيه خلاص تستسلم !؟
يا أخي بيع وأرجع أشتري من تحت ورد بيع وهكذا
يعني لو بفرق ريال على الأقل وكرر العملية مرات ومرات
تلقى السعر خف عليك واااجد لكن تنتظر لين يجي السعر
اللي تبيه ماهو بجايبك ، خلاص تقول ما جاب وبالذات الصحراء
من الأسهم اللي تستطيع أن تضارب فيها بهدوء ولو كان بمبلغ
بسيط لأن مضاربها يعطيك مجال للبيع ومن ثم تشري وتبيع مرة
ثانية مو مثل الغذائية مثلا أو ثمار او غيرها صعب أنك تفكر وتبيع
وتشري بالسرعة الا اذا كنت متمكن من المضاربة .
عموما نقاط البيع الجايه لهالسهم لو السوق فقط ساعدنا لأني أتوقع
نزول أخير يمكن بنهاية الأسبوع هذا أو بالأسبوع القادم أقول لو ساعد
السوق الصحراء وقدرت تنطلق قبل النزول بظني أنها بتساعد في تقليل
خسارتك
نقاط البيع القادمة عند النقاط التالية
ــ 67
ــ 74
ــ 81
وإذا بعت أرجع أشترى مع المضارب وبيع معه
وهذي نقاط الشراء ونقاط البيع لهذا السهم فيما
أعلمه
نقاط الشراء عند 52075 والبيع عند النقطة 67
نقاط الشراء 57 والبيع عند النقطة 74
نقاط الشراء عند 61 أو 62 والبيع عند 81
خذ مثال عندك أنا شاريها اليوم بــ 63
وناوي بكره بامر الله أشري كميه بسعر 61
وبكذا يكون تعدل السعر عليه شوي
المهم أخي السهم جيد ولا تبيع إلاّ بسعر معقول
وهذا السهم هو وسهم الكيميائية جيدان لو صبرت
عليهما وعرفت كيف تتعامل معهما !!
لكن ما أؤكده لك أن السهم الآن قريب من قاعه
ولم يأخذ حقه من الإرتفاع مثل باقي الأسهم ولا
يخوف أبدا وهو من الأسهم الجيدة والناس الآن
تشتريه مو تبيعه طالما هو عند هذا السعر .
أتمنى لك الكسب الحلال وتجي يوم تقول
أبشرك انا ربحان أبه ماني بخسران !!؟
لك
ود و ورد
صادق الإحساس
ألف شكر يا صادق الاحساس نصائح رائعة من شخص أروع الله يوفقك ويرزقك من نعيعه دنيا وآخره ........... (آمين)