زوجي بيسافر المغرب!!

السلام عليكم ..
اتمنى الجميع بخير

ابي استشيركم بنات انا زوجي بيسافر المغرب ماقالي الا لما شرا اغراضه وخلص ولما عاتبته وتهاوشنا قعد يحلف انه محرج من ربعه لانهم حلفو عليه وتكفلو بالمصاريف وحلف بكل شيء انه مو وده بس محرج منهم صارلهم سنين يطلبون منه واهو يرفض بس وافقهم هالمره ،، انا قتله لا يعني لا قعد ثلاث ايام ضايقه فيه الدنيا ايقول ماودي ازعلج ووالله محررج من الرياجيل شسوي !!
انا واثقه فيه بس مو واثقه بربعه ولا بالناس اللي راح ايقابلهم ولا بالشيطان انتم عارفين وسامعين اكيد قولولي شسوي!!
قاعده ادعي واتصبر وادعي انها تتكنسل،
واهو يدعي انها تتنكسل او انها ماتتم السفره لأي سبب !
وامس داق علي ايقول اذا بشرتيني انه جوازي منتهي لج الف دينار بيدج اللحين !
بس ماطلع منتهي،، انا ادري انه مايبي ايروح ومو راعي سفر ولا غيره بس خايفه ايروح ويتغير!!
خايفه ايشوف وايحب المكان وتاخذ ريله ع السفر لها وايحبها ؟؟

ابي نصيحة اخت سفرته يمكن باجر او الفير!!