السلام عليكم يابنات ؟؟؟؟:eh_s(17):
بحكي لكم قصتي القصة خلا ص هي انتهت الحمدلله على خير بس انا بقولكم تجربتي عشان مبي أي بنت تغلط غلطتي:eh_s(14):
اانا انخطبت قبل 6 اشهور تقريبا وطبعنا يجي الرجال يشوف شوفة شرعيه بعدها تجي امة المهم شافني ووسألني كم سؤال وكذا الحمدلله بعدها جت امة جلست تطلع فيني وتلمس جسمي تقول هذا بياضك ولا مكياج وصارت تشد شعري وربي يابنات تقول هذا شعرك ولآ تركيبة انا ماشاءلله يعني بيضاء وكذا وشعري حلو حتى سالت امي ؟؟بنتك هذي مركبة رمووش صناعي ولا ؟؟ المهم بعد ماطلعت امة ....جلست ابكي يمة مابية وامي وابوي ضغطو علي انتي دخلتي 26 من يبيكي وهذا زين مع انه معاه بس شهادة ثانوية بدون جامعه وراتبه قليل جلست اسابيع مو مرتاحة اصلي استخارة مارتاح اقول لاامي مابيه وامي تقنعني اضغطو علي نفسياوربي المهم وافقت جاء الولد قال بشوفها ثانية قال ابوي ليش قال ماشفتها زين ..؟؟؟ وين ماشافني وهو جلس معاي نص ساعه والله يابنات وساالني وكل شي قلت لااهلي مابيه مبيه قالو لا يمكن يبي يجيب معه هدية وويجلس ثاني قلت لا ااذا هو مو مقتنع بالبداية فيني ولا بلاش انا بنت عندي كرامة وجلست ارفض ارفض لين رفضت ويوم رفضت صارت ابوي مايرد عليه تخيلو يابنات صار يدق من رقم ثاني عشان ابوي يرد رد ابوي وقال خلاص مابي اشوفها ثاني ابي اتملك واعطي مهر ابوي سال عنه طلع رجال زين وورجال معليه المهم تخيلو يابنات يوم ملكتي وش صار مجهزين كل شي وذبيحة على اساس ابوة وجدة وعمة يجووون معه تخيلوووو مقفل جوال ابوة وهووو تخيلو يابنات ابوي ارتاع .. والملاك جالس بالصاله له ساعه ينتظر دقت امي على امة قالت انو معليش خرب جواله ووونسو بطاقة الاحوال حقته وهي كذابه الولد ماكان يبي يتزوج واهله يغصبونه .... جاء الولد مع هله ووملك ودفعو مهر 50 الف مهورنا بالسعودية لمهم بعدها باسبوع جاء بيتنا يزورني تخيلو جايبلي ذهب مطلي مو ذهب اصلي يابنات وغير كذا قالي ابي اصور معاك اوري امي ؟؟؟ طبعا وقتها ماكنت ادري انه مطلي الا بعد مافكيت ملكتي ووجيت ببيعه لقيته مطلي ؟؟ المهم يابنات بعد الملكة وبعد ماشافني باسبوع طلب رقمي وكلمته تصدقون انا ماارتحت احسة جاهل ومعندة أي شي ولا ثقافة وانا ماجستير ووجامعيه هو بوادي وانا بوادي بس قلت يابنت مو مشكلة تحملي المهم فاتحته بموضوع العرس وقلت له امك تقول انه العرس بالمشاركة انتم تاخذون عرس الرجال واحنا عرس الحريم صار يصارخ علي انا مامعي فلوس من وين لي ادفعلك .. قلت طيب والسكن وين بنسكن قالي ابسكنك معع اهلي اول مايخلص بيتنا جديد وانا شارطة بعقد الملاك بيت لحالي وووظيفة مايمنعني المهم سكتت عن السكن وسكت عن العرس اخر شي يقولي انا من تملكت عليكي وانا مشاكل صدمت بسيارتي وصارلي حادث وواتورطت في تصليحها المهم قفل السماعه بوجهي وعلقني 4 اشهر مايرد علي ولا على مكالماتي وامة بدال ماتهدي الوضع تقول جرحتو كررامة ولدي ,,, حسبي الله ونعم وكيل وين جرح الكرامة ... جلست اصلي وادعي ربي ليل ونهار اقول يارب انصرني على هالناس وووساعدني يارب المهم بعد 4 اشهر والولد مقفل جواله وابوي راح بيتهم مايفتحون الباب له تخيلو يابنات بعد اربع اشهر لانو ابوي مخلي له مهلة يفكر وكذا والله العظيم ماحترم ابوي ولا كبر سنة ابوي يدق عليه ويفتح جواله ويرد قاله ابوي يالله تعال بنت ماتبيك قال اوك اصلا شرطي الوحيد يرجع لي المهر كامل ؟؟؟؟ يعني الحين اثبت لي انه مغصوب على زواج ووكل هالحركات عشان يبي مهره كامل يوم جاء المحكمة وساله الشيخ انت جلست معاها بعد الملكةقال الولد أي جلست بس كل شي مفتوح وخوانها يدخلون ويطلعون علينا قال خلاص يرجع لك نص المهر 25 الف بغى ينهبل وقال لامايرجع لي نص مهر وصار يبي يتهجم على ابوي ابي فلوسي أبي اتزوج وحدة احسن من بنتك وحمولة طيبه مو مثلكم حسبي الله ونعم وكيل جاء الشيخ الي بالمحكمة طرده وووجلس ابوي مع الشيخ ولد عمة جاي مع طليقي ووجاء ولد عمة قال فكك منه ترا حق مشاكل وحنا مازوجناه منا المهم حكم الشيخ يرجع 30 الف بس ورجعناها له وتطلقت طبعا هذا يعتبر فك ملكة لانو للحين انا بكر مالمسني بس انا انصحكم نصيحة حتى لو تملكتي ومارتحتي خلص فكي دامك توك بنص الطرق مابعد دخل عليكي لا تندمين ولا تستعجلين واختي الحين ببتتزوج ان شاءلله بشهر ذي القعدة وقلت لها لا تتملكين لين تعرفينه زين وتكلمينة ولا تسوين غلطتي ااتكلمينة بعد الملكة والحمدلله هي صارت تكلمة وو والله يوفقها وبتشوف نصيبها بس انا اقولكم يابنات انتبهو لا تستعجلون اسألو زين وربي رجال مامنهم امااااان ووووالله يرزقني بالوظيفة والزوج الصالح والجسم الرشيق يااارب :eh_s(17): يرزق كل بنات المسلمين يارب بكل مايتمنوووونة ياكريم ياعظيم
