و اخيرا تكممت على يد خالد العنزي .. شكرا لدكتوري المبدع
السلام عليكم
شلونكم بنات
قبل فترة كنت منزلة موضوع عن دكتور للتكميم
و اليوم ربي لك الحمد تكممت و خلصت
طبعا قرار التكميم كان من 2007 و ما الله كتب ( كلش مو متاخر ) لوووووووووووووووول
انشغلت بالزواج و مشاكل انفصالي ربي لك الحمد
المهم ذاك اليوم عقب ماشفت رفيجتي من عقب فترة شلون ضعفانة قلت بسوي خلاص
خصوصا اني صرت مريضة سكر و ما اقدر اصلي عدل الا و انا قاعده و كنت بروح الحج العام و قلت لنفسي اذا الصلاة مو قادرة ااصليها عدل شلون عيل بحج بيت الله
للامانة كان هذا هدفي ماهمني اللبس و الستايل و هالخرابيط بالنهاية كل من يلبس و يكشخ بس اهم شي عندي كان صحتي و عافيتي و ان ربي يعيني على ذكره و شكره و حسن عبادته
و الله يا بنات من ضيق النفس من المتن ماكنت قادرة حتى اسجد ل ربي :eh_s(2):
و قمت استخرت و قلت ربي سهلها
اخذت موعد عن الدكتور خالد العنزي و بعد جم يوم دقوا علي اكدوا لي الموعد و رحت له
طبعا لان من سنين مقررة كنت قاريه عنها كل شي
حتى يوم دخلت عالدكتور قالي ماشالله عارفة كل شي عنها
للامانة دكتور مريييييييييييييييييييييح نفسيا وواثق من شغله و صريح
كنت ابي تحويل مسار قال لي لا خلج عالتكميم احسن لو ماضعفتي لا سمح الله يكون عندنا خيار التحويل
سالني اسئلة عن صحتي
ويوم قلت له معاي سكر و احس بعوار ببطني
طلب مني تحاليل و فيتامينات و منظار و سونار
ماخله شي خخخخخخخخخخ
و طلعت و قلت لنفسي خل اح موعد عن السكرتيره و اسوي التحاليل على راحتي على ماخلص الا الموعد مقرب
و كان هالكلام قبل اجاز العيد الوطني
المهم رحت لها حيييييييل حبوبه اسمها ايمان
حطت لي موعد 16-3 قلت لها اوكي
ربي العالم وقتها و الله ماكان عندي ولا فلس بس قلت ياربي اذا انت كاتبها لي و عارف نيتي بتسهل انشالله
و فوضت امري لله و طلعت
ثاني يوم رحت المستوصف سووا لي كل التحاليل و قالوا لي جم يوم و تطلع
و ياني موعد السونار قلت خل انطر
نطرت ورا عطلة العيد الوطني و يومها كنت اتمشى بالسالمية مريت صوب انترناشونال كلينك
قلت خل ادخل اسويه هههههههههه
دخلت لقيت الدكتور قاعد فاضي و ماكو شي عنده قلت له ابي سونار سويته ب 30 دينار و طلعت
و بعدها جاني موعد المنظار قلت لا المنظار لازم مستشفى السلام
رحت للمستشفى من راتبي و دفعت للمنظار و انا اضحك اقول ياربي ماعندي غيرهم بس انت تسهلها من عندك
و سويته عند الدكتور الشمري اللي بالسلام
يوم صحيت قالي معاك التهاب بسيط بالمعدة و اخذي هالدوا للعملية
عقبها رحت للعيادة مره ثانية جان اقولها خلصت التحاليل جان تقولي اوكي الحين نعطيج موعد لدكتور التخدير قلت لها اوكي
و الله يا بنات ماخاب من قال يارب
طبعا طول هالفترة و انا استغفر ربي باليوم مالايقل عن 100 مره و اكرر توكلت على الله
ربي لك الحمد انا و امي جتنا رزقه من الله
و انا مسويه جمعية ب 1000 و جم وحده من البنات ساعدتني ب 150 و لا 100 و ربي لك الحمد انجمعت الفلوس
قلت توكلت على الله
رحت لدكتور التخدير و حولوني للدكتور عبدالغني و انا بعد كنت مصرة عليه
لانه يمسك الحالات الكبيرة اللي فيها مرض سكر و ضغط و هالسوالف
دخلت قالي لا تحاتين و كل امورج تمام و خلاص عقب باجر عمليتج الصبح بس لازم تدخلين من باجر لان نبي نضبط السكر للعملية
قلت له اوكي
طلعت منه و ركض للمطعم لووووووووووووووووول
قمت امشي بالشارع و اشر عالمطاعم كل شي ابي اكل الحمدلله و الشكر من الفجاعة اللي فيني ههههههههههههههههههههههههه ه
ثاني يوم قعدت الصبح و صليت و رحت المستشفى سويت دخول
طبعا على طول دربات الانسلولين رايحة و راده و كل ساعتين يقيسونه
لما قبل لا ادخل العملية بدقايق
مستشفى السلام جدا كانت معاملتهم حلوة و رعايتهم و اهتمام و نظافة و كل شي عجبني عندهم
نمت و قعدت الصبح جتني السستر حلقت بطني و لبست اللبس الازرق مال العمليات :D
هني امي و اختي واقفين يطالعوني اختي ميته ضحك تقولي باخذ كل هدومج ملوت المتن
و امي بعد قلبي تبجي و تقولي هوني ترا مو ضروري اشتركي بنادي هههههههههههه
قلت لها لا بتوكل على الله
و نمت عالفراش وودوني العمليات
و طول ما انا بالطريج اطالع السقف مال الطبيب و اقول ياربي ارجع غرفتي ياربي ارجع بيتنا و تردني بالسلامه لوووووووووووول
المهم دخلت الغرفة و لا دكتور التخدير واقف ينطرني لاني كنت قايلة له اذا انت مو موجود بنحاش مابي غيرك يخدرني ههههههههههههههههههه
ماوعيت الا اللي واقف و يقولي ( أنا اهو جيت لك ) هني عاد قمت ابجي
و ابجي و يقولي حتعيطي لييه خلصنا خلاص
هني و اييني الدكتور خالد و يقول شفيها مريضتي شنو سويتوا لها :krkrkr:
و انا ابجي جان اقوله دكتور بليز ديربالك عليي و انا تفتح بطني
جان يقولي شرايج اييب كلنكس و ابجي يمج ترا عورتي قلبي لوووووووووووووووووووووووو وول
كان فلم صراحه بس الحمدلله دكتوري حبوب و حييل عطاني ويه
جان يقوم هو و دكتور التخدير يدزوني للعمليات و انا ابجي
و هو يقولي تذكري السمول سايز و انتي تضحكين ههههههههههههه
دخلت العملية هني انصدمت يوم قالي دكتور التخدير انتي ليش خايفة
احنا المستشفى الاولى عالميا اللي نسوي هالعملية لان اصلا الكويت الاولى عالميا بالتكميم فشلني صراحة
جان يقولي متخافيش
هني جاب لي ابرة و قالي هذي مسكن يهديج شوي قبل الكمام
بتشتغلي فين ...................... نمت
قعدت عقبها و لا كل شي خالص
ماحسيت الا بالم الخياط
قمت اصرخ ودوني الغرفة لان ابي اشوف امي بره اكيد يحاتوني
و قمت احن لما نرفزتهم و طلعوني هههههههههههه
المهم طلعت و لا اختي واقفه عند الباب جان تقولي ( ماعرفتج ضعفانه ) لوووووووووووول
رحت الغرفة و حطوا علي الاجهزة
و امي حياتي يمي و لا خلتني
اللوعة كانت اول يوم و ثاني يوم بس و عقبها راحت
ثاني يوم جاني الدكتور و قالي كل شي تمام
سالته شكثر قصيت من المعدة ( أنشالله مو عقب ماتكونين خلصتي هههه )
قالي احنا نقص عالجهاز نركبه بالبطن و نقص عليه
طبعا من ثاني يوم قالي شربي عادي اللي تقدرين عليه
مع ان رفيجاتي عند دكاتره ثانين من 3 يوم
الا الدكتور خالد من اول يوم هو و بستكي
و قالي بعداسبوع مراجعتي بالعيادة
تكلفة العملية 2800 مع المستشفى و كل شي
و عقب ماعديت الاسبوع رحت للدكتور خالد بعيادته و شالوا اللزقات و قالي كل شي اوكي
بصراحه صج صج الله يعطيه العافية يارب يارب دكتور صريح محترم شاااااااااااااااااااااااا اااااطر و مبدع و انصحكم صج فيه
و الحين نازلة 11 كيلو دخلت الاسبوع الرابع
و طبعا اكثر شي عجبني عنده الترتيب
بنات من اول اسبوع على طول دخلت عند دكتورة التغذية مالته و تقولج بالضبط شنو تاكلين و شنو تسوين و شنو ماتسوين
و تتابع معاج كل شي خطوة بخطوة و هذا اللي عجبني مو نفس الباقي تقعدين تحوسين شنو يناسبج و شنو لا
و الدكتور اي شي يتابع معاج
و اي سؤال انا حاضرة :)
