أنــــــا مــــع الهــلال " الكيــــــــان "

السلام عليكم ورحمة الله وبركاتة


انهزم الهلال ... و ايش يعني ؟ مو اول مره ينهزم
انهزم بمستوى جيد .. مو اول مره !
قد انهزم من قبل بمستوى ضعيف وبنتيجه كارثية (الشارقه 5 وبعدها من الاهلي بـ 5 )
رجع الهلال وحقق بعدها بطولات من كثرها ماني متذكرها

قدم مستوى رائع مع قريتس وغيره وطرنا من الفرح .. وايش يعني هذا الطبيعي
حقق بطولات كثير وفرحنا .. طبيعي هذا الهلال .. حققها بلاعبين فلاطحه في الفن والتهديف .. وحققها ايضا بأشباه اللاعبين اللي تلوموهم الان وتنتقدوهم

حقق بطولات مع ادارات خرافية وحكيمه ولديها بعد نظر
وحقق بطولات مع ادارات كانت مكلفه حتى يتم انتخاب اداره جديده

مافي شي جديد يا ناس الهلال كـ كيان هو الهلال نفسه لم يتغير يحقق بطولات في كل حالاته الفنية السيئه والممتازه

ما ننلام نعم نريد اسيا بنسختها الجديده وهي حلمنا وهذا حقنا كجماهير .. لكن اذا ماجات نقعد نلوم الادارة واللاعبين على كل مباراة ينهزم فيها الهلال ولا خروج من البطولة ؟؟ جات جات واذا ما جات بنقعد نشجع في الهلال الين يجيبها واذا ماجابها نهائيا بنشجع الهلال الين نموت (احد معارضني على الكلام هذا ؟؟؟ )

شجعنا الهلال لانه الهلال مو علشان لعب فيه النعيمه والجابر والدعيع بل لانه هو اللي جلب هؤلاء العمالقه وهو اللي جاب رادوي و ولي و نيفيز وريفالينو وغيرهم

الهلال هو اللي انجب النجوم هو اللي صنع المدربين هو اللي تناديه البطولاته وهو يلبي

اشوف مواضيع تحث الجماهير بمقاطعة لحضور التدريبات المباريات .. اللي ينادي بهذه المقاطعه اقوله في قرييييييييييييييييييييح الهلال في غنى عنك انت ومن يجاريك في المقاطعه هذه فالهلال ما وقف عليك ولا على غيرك لا لاعبين ولا مدربين ولا ادارة ولا حتى جماهير الهلال شامخ مقل الجبل


يا هلال تفوز تنهزم باشجعك
تنرقع بـ 5 بـ 4 باشجعك وماراح افكك
ادارتك تتخبط ولاعبينك يدجووون باشجعك وباعشقك اكثر واكثر
انا حبيتك لانك الهلال مهما يصير فيك فانا اسمي مشجع هلالي مو مشجع اللاعب الفلاني او المدرب الفلاني او مشجع عند الفوز


شي في الخاطر يقرقع بصدري وطلعته

في امان الله