*_- [ قروب السمينات اللي اوزانهم فوق ال100 ] *_*
السلام عليكم يا حلوات يا رشيقات :eh_s(17):
القروب هذا مخصص للي اوزانهم فوق 100
نحط فيه تجاربنا ويومياتنا ونتنافس كلنا في توديع الثلاث أرقام بخير وصحه
شروط القروب
- لازم تكون المشتركه وزنها فوق ال100 عند الاشتراك
- تحطين وزنج الحالي والوزن اللي ودج توصلين له
- شنو الاشياء اللي خلتج تاخذين هالقرار شنو الحوافز اللي عندج
-
- اي نصيحه اي معلومه عندج تفيدين فيها زميلاتج
- تحطين يومياتج بكل صدق حتى لو ملخبطه + احساسج ومزاجج خلال اليوم >>>>>>>> لان احنا هني موجودين عشان نآزرج ومانخليج توصلين للاحباط
- تحطين نظامج اللي انتي ماشيه عليه يمكن في احد يبي ياخدذه ويستفيد منه
- الميزان يكون يوم واحد بالاسبوع فقط
بسم الله نبتدي
انا
حرم راشد الماجد
وزني الحالي 110 >>>>>>>>>>>>> اليوم وزنت :eh_s(11):
الوزن اللي ودي اوصله
80 عالاقل لان ريلي ما يحب الضعف وايد ويوم خذاني كان وزني 80
الحافز اللي عندي
ودي البس حالي حال هالبنات
ودي اتسوق بالمحلات اللي كنت اخذ منها اول صج اني كنت اخذ اكبر قياس عندهم بس كنت اجروء اني ادش واتسوق
ودي اصير خفيفه بالمشي
ودي البس حزام موسكينو
ودي اييب اخت حق بنتي >>>>>>>>>> بسبب المتن مو قادره احمل :eh_s(11):
ودي افرح امي وريلي
ابي ايي العيد وانا سمبتيك واكشخ على راحتي
نظامي الحالي
انا صايمه باذن الله هالفتره ونظامي
1200 سعره حراريه
يعني ما كو شي ممنوع ولكن كميات وسعرات حراريه متوازنه ( السبب ان لما سويت رجيم قاسي انتكست وصار عندي شراهه ارفعت وزني عقب ما وصلت 107)
أبي اتدرج وانزل 2 كيلو بالاسبوع لا رجعة لهم مع رياضه المشي والرقص :p
الماي بكثرة تقريبا لترين بس متعبتني روحة الحمام تكرمون :eh_s(16):
وراح انزل نظامي ان شاء الله
