طالبتكم محتاجه مساعده

مرحبا بنات شخباركم

انا عندي صديقه حالها مايسر عدو ولا صديق متزوجه وزوجها متحمل مسؤوليه بيتهم امه وخواته ابوه متوفي
مسكين كل ماتوظف بمكان مايتهنى فيه كله ينفصل لاسباب غير معروفه .
صديقتي معوره قلبي حييل واهلها على قد حالهم بعد كل مابين فتره تتسلف مني مبلغ وادري مسكينه ماتقدر تردهم وانا مو محتاجه لهم واعتبرها اختي واكثر يكفيني انه عندي صديقه باخلاقها ومعدنها الطيب ودي اساعدها باي طريقه .
وجاتني فكره بما اني ادرس بامريكا حاليا ودي افتح متجر عن طريق النت حق لانجري واخليها اهي تستلمه يصير نسبه لها ولي ومنها احس ساعدتها من غير ماتتحسس
بس انا ماعمري جربت افتح متجر ولا اعرف بهالامور
الله يعافيكم اللي تقدرتساعدني شلون افتح متجر شلون اقدر اطلب من المحلات شلون اتفق مع اصحاب هذي المنتجات
ابي اتعلم كل شي من البدايه
طلبتتتتتكم لاااااااااااااترودووني اللي تقدر تفيدني بهالشي لاتقصر معي والله يقضي حاجة كل محتاج