قصتي تفطر قلب الظالم الجزء الثاني انا وزميلي !! ساعدوني
الله يعطيكم الف عافيه يا بنات كل من ردت علي وهونت علي
ربي يحفظكم ويخليكم يالغاليات
هذا البارت الثاني من قصتي في مجال عملي اعجب فيني زميلي وبأخلاقي صحيح صغيره ولو وحده ثانيه مثل ظروفي جان ضاعت وجرفها تيار الحرام
بس الحمدالله قلبي وعقلي متعلقين بربي وصلاتي وعيالي اللي ابرهم علشان باجر يبروني ويشيلوني
المهم زميلي اكبر مني بسنتين وكذا مره يلمح لي انه معجب فيني
وانه بيطق الباب بس كنت اسكر هالموضوع بشكل مباشر لان اذا بيطق الباب يطقه على منو لا اخوان ولا ابو ولا ام يروح لمنو ما احبيت افشل نفسي :(
المهم بعد مرور سنه و3 شهور احس قلبي تعلق فيه حنون ويخاف علي وما يرضى علي وخلووووق جدا والكل يشهد له ويصلي دايم اشوفه يصلي صلاة الظهر وما يطوفها , حسيت بإنجذاب مو طبيعي حق هالإنسان البنات بقسمي يتحاذفون عليه بس وايد ثقيل ومايعطيهم وجه , ويدور على بنت الحلال , بعد فتره جت اخته عندنا وتعرفت عليها , وبفترة قصيره صارت بيني وبينها معزة وموده محترمه وخلووووقه واتوقع جيتها لدوام كانت تبي تشوفني , عزمتني علي عرس ورحت وصراحة كشخت بطريقة ذربه وكيوت انبهرو فيني اهله وقعدوني يم امه وخواته الكبار وانا بطبعي حيوايه ما اطالع بعين الواحد وكل ما ابي اروح البيت تأخرت اخاف الناس تتكلم علي يقعدوووووني وخواته طارو فيني وكنت حدي مستانسه وطايره من الفرح ودخل فجأه مع الرياييل وجا باس راس امه وانا قاعده يمها عرفني عرفني يا بنات وظل يطالعني مصدووووم هاذي زميلتي اللي انا احبها وخذت قلبي قاعده يم امي شلون عرفت امــــــــــــــــي معقوله اختي قاعده تضبط علاقة زميلتي مع اهلي وهاذي كانت اول مره اشوف فيها امه !!
انبهر فيني وانا ما ابيه يعرفني ومايدرون اني منفصله ترا لو يدرون اني منفصله ما اعتقد بيوافقون وكنت بنفس الوقت افكر بعيالي عندي 2 وخايفه عليهم حيل كذا موقف حسيت انه مكسوره جدامه ومالي احد ادعموني عند الدوام يبي يدق علي اهلي يقولهم اني سويت حادث على الاقل في رجال من اهلي يوقف معانا ومايبي يشوه سمعتي ويوقف يمي وخاصة في مجال عمل وموظفاتنا ياربي لك الحمد يدورون الزله علي بس مافي ارقام بتلفوني غير بيتي ورقم شغالتي وخواته ورقم مدرسة عيالي يقولي ادق علي منو انتي ماعندج احد !!!!!
, ومرت الايام وانا قلبي يتعلق بالإنسان هذا صرت ادعي ربي يجمعني فيه علي سنته وسنة نبينا محمد صل الله وعليه وسلم
والحين بيقنع امه وابوه والله يستر انا خايفه ما يوافقون وقلبي يموت هالمره لان ماعندي احد اشد فيه ظهري مالي غير عيالي وهو راضي ويقول بعيوني وبيصيرون اغلى منج كافي انهم من ريحتج كافي انتي امهم ادب وذوق اخلاق وهذول اطفال مالهم ذنب حرام اللي قاعد يصر فيهم ارحمو من في الارض يرحمكم من في السماء , والكل يشهد , وانا خايفه حيل اهله يغيرون رايه فيني وخصوصا هو عازب وانا منفصلة شسوي شقوله عطوني ارائكم انا خايفة حيل يروح من ايدي مابقالي احد والله وين اروح امه وايد طيبة وابوه حيييييييل حجر وما اعتقد بيرضى ولده ياخذ منفصله
قولولي شقوله عطوني ارائكم بنات والله قلبي راح يضيع ما ابي افقده وجوده في حياتي مريحني على الاقل في احد يحبني ومهتم فيني
