قصتي تفطر قلب الظالم امي وطليقي !! ساعدوني

السلام عليكم ورحمه الله وبركاته

انا عمري 24 سنة عشت بين عايله مفججه كل واحد بصوب امي بصوب وابوي بصوب
كانت تفرق بينا عيالها بكفه وانا بكفه مع اني والله ابرها واحسن اليها بس عذبتني امي
شبعت تجوي تحرقني بكل مكان طق تطقني اي شي يصير بالبيت تحطه على راسي
اهانات جدام الكل
ماكان عندنا خدامه فأمي كله طالعه وكنت بسوي العشا وينكت الزيت كله علي
وادق عليها اقولها احترقت خلاص جلدي ذاب وديني الطبيب تصرخ فيني يابنت ...... يالقـ........
وماتبقى كلمه وصخة ما تقولها لي كان عمري 13 سنة تخيلي اقولها ادق على خالتي العوده توديني الطبيب تقولي مالج شغل بخواتي موتي انتي شتبين فينا طلعي من حياتي
ياربي ادق على منو اروح لمنو وادق علي رفيجتها الروح بالروح واقولها وتجي طايره بنفس منطقتنا وتركض فيني المستشفى وتجي تالي الليل كملت علي طق وتتفل كان كل طراق
تطلع روحي وترد ما انسى اذيتها لي تعبت تعبت , تخيلو بالعيد شكثر اليهال يفرحون ويستانسون بين اهاليهم وفرحة العيد مرسومة عليهم تقريبا عمري 11 سنة كنت العب مع اختي وحشت عينها وتقوم تهقون شسوت فيني جدام الناس وانسبانا ؟؟ , تقوم وتدوس علي برجلها جدام الناس وتكفخني تكفخ كسرتني وفشلتني جدامهم وتراجع مستواي الدراسي بسببها , مره تعبت قمت اراددها اقولها انا مو غلطانه ليش تغلطيني وطقيني قامت اسحبتني من شعري وقطتني المخفر انصدمت صدمة حياتي والله اني تعذبت

تزوجت امي وعشنا عند زوج امي كنت معتزلة الناس الدنيا اهلي كل شي والشهاده لله زوج امي ذهبه محترم جدا عاملنا مثل عياله واحسن

كملت الـ 15 سنة وقررت امي تزوجني وتزوجت واحد اكبر مني بـ 15 سنة
كان عود علي بس امي انغرت بالمركز والجاه والمال والعايله والاهم تبي ترتاح مني

عشت معاه 8 سنوات على الحلوه والمره كملت دراستي جاهدت وكافحت
ماكنت ارضى اخلي ولدي عند الخدامه كنت امن عليه عند خالتي الله يذكرها بالخير
وحملت للمره الثانيه ومات ببطني وكان باجر علي اختبارات ثانوية عامة وتأزمت نفسيتي 3 شهور علاج ومت وبالزور يالله حملت زهقت من كثر ما يقولون لي مافيج عيال ومافيج عيال

صج عشت معاناه الله وحده العالم فيها
كان زوجي سفرات طلعات روحات وجيات وقهاوي ومخيمات وشاليهات واسطبلات
مايقعد في البيت ويستخسر يدق علي يطمن علي اتمنى اسمع منه كلمه حلوه اهمال مو طبيعي وكان يطقني على اتفه الاشياء
وشكاي ونكدي والضحكة ماتطلع إلا بالحسره واسرارنا كلها برا 24 ساعه يدقدق علي امي
بنتج وبنتج وبنتج وبنتج كرها فيني اي بروحها ما تواطني وتتمنى موتي

المهم ماكانت ولا خدامة ترضى تقعد عندي يخافوون منه مو طبيعي يفصل بعض المرات
الللي تجي تنحاش ثاني يوم ماتقعد وتخيلو ادرس وبيت وين انظم وقتي وماعندي خدامة
بيوم جاب خدامه قعدت فترة وانصدمت انها انحاشت دقيت عليه قلت له ترا انحاشت
وباجر تجي بدالها الف وحده عادي وتخيلو جا طااااااااااير ويدخل البيت ويطقني طق
جدام عيالي ذبحني طق فشلني جدام الجيران يقول ان انا اللي نحشتها وقررت اني اتطلق وادق علي امي وتجي امي وتكمل علي طقتي صارت ببيزه , غير الخيانات اللي ابيه يحنن قلبه علي ادزله مسج يدزلي مسج احلى منه بس بالاخير انصدم بإسم حبيبته اهو كان يحب بس اهله ماكانو راضيين استمرت علاقتهم مع بعض طول فترة زواجي منه
صرت اشم ريحتها فيه باله 24 ساعه مو معاي حاطله 3 تلفونات واحد بدرج السياره واثنين بإيده
ديوركس بجنطة النادي وحبوب فياغرا وهو مايقرب مني الا بالتفق واهو مايصلي ماقدر يوم صلى ولا يعرف يفرق بين الحلال والحرام

ومره طقني بالمطبخ كنت بعزم ابوي على الغداء توه جاي من السفر فقام يغلط علي وقال مايدش بيتي ابوج ذبحني طق شبعت تكفخ كافي اني قايمة بواجباتي مابي شي بس ابي اطلع من ايده
ابي اعيش من حلاوة الروح سحبت السجين وطعنته بإيده وبعدها انفصلت وبعد الانفصال يهددني يقولي والله لأحطلج مخدرات بسيارتج والبسج قضايا

وطلعت واعتمدت علي نفسي وبنيت مستقبلي ولامة عيالي تحت جناحي وراكه عليهم
وزاد كره امي لي ليش انفصلت صارت تتكلم بعرضي وشرفي وتقذفني عند اهلي
وصارت سمعتي خايسه بسببها والله ما اطلع من البيت وماعندي رفيجات ابدا واذا طلعت اقضي حاجات عيالي لا مجمعات ولا سينمات ولا مطاعم مالي بالأمور هاذي كلش

و عندي واحد من عيالي مايسمع عدل ولا يشوف عدل حدي متأزمة وقاعده اراجع فيه بكل مكان وكل شوي يحارشني يقول ان اللي بولده بسببي انا ؟ انا شسويت هاذي حكمة الله سبحانه
يمكن يبيك تحنن قلبك علي عيالك ما ياخذهم ولا يدري عنهم ولا يسأل عنهم ويشوفونه بالحسره
وهم قلوبهم متشفه علي ابوهم مهما كان هذا ابوهم بس حارمهم من نفسه ليش ما ادري

وامي مناشبتني انتي ماتدرين عن عيالج كله نايمة وكله خامده والله صرت اعتزل الناس بسبب السمعه القذره اللي طلعتها امي علي صارت الناس تطالعني بنظرة دونية !!
وتعالو شوفو كلامها لي بالواتس اب اخ بس ماظلت كلمة ماقطتها علي ما ظلت فشاير يعني كلام بالعربي ما ينقال !

اليوم داشه علي بالواتس تقولي
انتي نار جهنم ناطرتج وتقولي لو يقولولج امج ميته لا تاخذين عزاي احنا مو معترفين فيج علشان تعترفين فينا واعتبرينا ميتين لا نطق بابج ولا تطقين بابنا وهي طاردتني من البيت وساكنه انا مع عيالي بروحي

تكفون لو كلمه طيبة تجبر بخاطري ولا تقولولي امج تحبج ما ابي اسمع هالكلمه هاذي رجاءا
إذا ساعدتوني في بارت ثاني بقولكم اياه