ويقولون ليش العالم تكره السعوديين .. يا عالم لا تضيقوا ع الناس وكفاكم ظلما !!

السلام عليكم ورحمة الله وبركاته ..


قبل أن أنطلق أقول لاخوتي السعوديين ( أنا أعلم أن أوضاع بعض السعوديين لا تسر أبدا .. وان العطالة منتشره .. وان الدولة مقصره تماما مع عدد كبير من المواطنين .. لكن لماذا الظلم ؟! )






زي ما الكل عارف هذي الايام في حملة هوجاء حمقاء غبيه على الاجانب المقيمين في السعودية وحملات عشوائية يتم فيها قص اقامات الاجانب وترحيلهم ( طبعا يلقاك واحد من الجوازات وياخذ اقامتك ويقصها مع انك ماش نظامي 100 % ويقولك يلا ع الترحيل .. بغض النظر عن زوجتك واطفالك اللي ينتظروك في البيت .. )

انا أبي أعرف ليش الجور والظلم هذا ؟!!
لماذا هذا التضييق على المسلمين وارزاقهم ؟!!
لماذا الحسد ولماذا يتم التعامل بتعالي على الاجانب وكأنهم حشرات للأسف ؟!!


سأقول لكم موقف يحصل حاليا لأخواتي المتزوجات المعلمات لكتاب الله الكريم ..

عندي 3 أخوات متزوجات ولله الحمد ويحفظن كتاب الله الكريم ويعملن في العصر في تحفيظ القران الكريم براتب زهيد قدره 700 ريال يتم دفعها للسائق اللي يوصلهم .. لكنهن يعملن هذا العمل لوجه الله الكريم ولحبهن لكتاب الله ولاشغال وقتهم بما ينفع ... لكن تأبى الجوازات الا أن تنشر عفنها ... في هذه الايام تتم حملات مداهمه لحلق القران الكريم عند البنات والشباب ويتم ترحيل المدرسات والمدرسين اللي ما يشتغلوا ع كفالة الجمعية الخيرية نفسها !!

والان اخواتي قعدن في بيوتهن خوفا من الترحيل :d .. وتم اقفال تحفيظ القران الكريم وأرضينا الجوازات ومكتب العمل !!

أنا ودي أعرف شئ واحد ... ليش تتم مساواة البشر اللي ولدوا هنا واللي لهم أكثر من 30 سنة في السعودية واختلطوا بأهلها بالشخص اللي ماله غير ساعة واحده فقط من جميع النواحي ؟!! أين العدل يا عالم ؟!!

كيف يتم ترحيل شخص له 40 سنة في السعودية وتخليه يذهب لموطنه الاصل اللي ما يعرف نشيده الوطني حتى !! ؟؟

الى متى ظلم العباد ؟!! الى متى ؟!! الى متى ؟!!

والله أرى كراهية شديده من جميع الجاليات العربية والمسلمة للسعوديين وللشعب السعودي وبالفعل أخاف على الشعب السعودي من هذه الكراهية ... ولعل من سافر منكم الى الخارج للسياحة او الدراسة قد لاحظ هذا الكره وتضايق منه كثيرا ... !!

أخشى على الحكومة السعودية وعلى الشعب السعودي من دعوات المظلومين .. فانه ليس بينها وبين الله حجاب !!

انا مع الحكومة السعودية في تنظيم وضع المقيمين لكن مش بالشكل هذا اطلاقا !!

رسالة اخيره للشعب السعودي :-

المقيمين المسلمين لديكم ليسوا عبيدا وليسوا متسولين لكنهم أناس مكافحين يبحثون عن الرزق والعيش بسلام .. والرزق على الله يورثه من يشاء من عباده ... وترى الارض كبيره وتكفينا كلنا :d .. ولكل مجتهد نصيب .. ولن يأخذ رزقك أحد !!


قفله :-

أنا حرجع لاخر مره للسعودية عشان زواجي وبعدها أبي أطلقها للأبد وأعيش بالمانيا والا بقطر او الامارات .. سأشتاق لكم تبا لكم :d .. لكن والله كرامة الانسان فوق كل شئ وللاسف ليس لها عنوان في مملكة الخير !!

سارعي للمجد والعلياء ... مجدي لخالق السماء
وارفعي الخفاق أخضر .. يحمل النور المسطر
رددي الله أكبر ... يا موطني .. موطنييييييييي .. عشت فخر المسلمين
عاش المليك للعلم والوطن ... طن ططن :d