شاكه بريلي وابي ارده لي

السلام عليكم

السموحه اذا الموضوع طويل بس حبيت اوضح لكم الصوره كامله

بدايه الموضوع عرفت ان رفيج ريلي يدز له صور بنات بوضعيات غلط وريلي يعلق ويضحك وعاجبه الموضوع طبعا مابينت له شي قلت يمكن الموضوع بس صور ونزوه وتنتهي
طبعا ريلي عنده انستقرام وضايف بنات بعذر اللايكات ومن جم شهر مره وحده علقت ع صوره نزلها ورد عليها بينت له ان الموضوع مضايقني وعدني مايرد ع اي وحده ووجودهم لللايكات بس والحين اكتشفت يعلق ع صورهم مابينت له ان ادري لان ماعرفت شنو التصرف الصح قلت السكوت افضل لين اهدى واقرر
قبل فتره قالي نزلت انستامسج ولغيته عشان اذا شفتي اسمي موجود ماتشكين قلت زين قلت لي ووقتها كنت ع نياتي وواثقه فيه من يومين لقيت ريلي داز صوره وحده لرفيجه (رفيج السوء) وقال هذي فلانها وكانو يمدحونها نفس النك موجوده عنده باستقرام .. نزلت انستامسج وانا مومتوقعه ان ريلي ممكن يستخدمه قلت بشوف البرنامج لقيت نفس البنت صاحبه الصوره تكلم زوجي وتضحك طبعا مت من القهر وخفت بلحظه غضب اسوي شي اندم عليه لجأت لربي ادعيه وبعد كل صلاه ارفع ايدي وادعي ربي يهدي زوجي ويرده لي .. اللي خلاني اشك اكثر ان ريلي يستخدم البرنامج مع ان مو موجود بفونه ان لما راح لربعه امس البرنامج سوا لوق اوت وكاتب ان جهاز ثاني دش الاكاونت واليوم اول ماوصل ريلي للدوام صار نفس الشي وامس شفت الستور لقيت اول اسم بالسيرج انستامسج

مابي اتصرف تصرف اندم عليه خصوصا زوجي جدامي شريف روما ولما اسولف له عن الخيانات طبعا بقصد ابي ابين له ان الريال اللي يطالع بغير مرته يطيح من عيني وكنت اذم في اخلاقهم وكان ينتقدهم وبشده معاي ف قلت دامه جدامي زين لا اكشف اوراقي واهني صج اخسره وبنفس الوقت ماقدر اعيش حياتي كلها شك

الافكار اللي في بالي :
1. اتاكد من موضوع البرنامج قلت بقوله بنزل لك القران وحصن المسلم واكتبهم بالسيرج وثاني يوم اتاكد اذا كان ينزل البرنامج لما يطلع ويلغيه لما يرد
2. الجأ لربي لانه وحده قادر يهدي زوجي ويملكني قلبه وبشجعه يرد يصلي بالمسيد واقربه من ربي اكثر لان اذا خاف من ربي راح يبعد عن الحرام .. من يومين قلت له بخاطري نروح العمره بيني وبينكم ابي اكون قريبه من ربي والعمره تريح نفسيا
3. اهتم بنفسي اكثر واغير ستايلي واتثقف واكون جريئه مع ريلي وماعطيه كل وقتي واهتمامي
4. محتاره اخليه يعطي البنات بلوك ويخلي اكاونته برايفت بس اذا اهو من داخل ماتغير في الف طريقه وطريقه يكلم فيها البنات

ابي نصايحكم ورايكم