احمد ولميااااااااااااااااااااا اء
في احد احياء الرياض اللي لك عليها وفي احد زوايا الحي كان هناك بيت
وفي احد زوايا البيت كانت هناك غرفة نوم وفي هذه الغرفة كان ينام
كل من احمد والذي ليس له سوي شهر متزوج صاحبة الحسن
السيدة لمياء
استيقظ احمد في ساعة مبكرة وليس من عادته ان يستيقظ في مثل
هذا الوقت حيث كانت ماسكة معه يفطر شكشوكة
طبعا التفت الى زوجته وحبيبته لمياء ووجدها تغط في سبات عميق
والسعابيل تنهال من فهما حتى اصبحت المخدة التي تحت خشتها
وكأنها فوطة خباز من كثر ماهي رابصة من المياه
فما كان من ابو حميدالا همس في اذن زوجته بكل رقة وعذوبة قائلا :
هييييه قومي يابقرة صلحي لي فطور انتي وفمتس هاللي يبي له
عوامة وصاحبة هذه الهمسات رجفة اصابة ظهر لمياء ببعض المصوع.
صحت لمياء وهي تناظرة بنص عين وبادلة الحب بالحب وقالت بكل
خجل واستحياء عروس حديثة الزواج : الحين وراك ماتاكل ***** وتخمد
يعني يكفي اني مانمت من شخيرك هاللي كأنني نايمة تحت قلابي
من هالاصوات ومصحيني الساعة ست تقول صلحي فطور يامال الشقاق
تبي فطور رح صلح لنفسك والا انقلع لأقرب بوفيه وافطر فيه
ابتسم احمد ابتسامة الاسف واتبع الابتسامة بطفاية استقرت في
جبهةلمياءالتي لقطت الجيك اللي بجنبها وانكسر على راس احمد
وذهبت بعدها لتصلح الفطور لزوجها العزيز
لمياء توها متخرجة من الجامعة تخصص لغة عربية وطبعا هالتخصص لو
تطير ماتعينت بالرياض الا بالواسطة وللأسف اطلق واحد منصب يعرفونة
موظف على المرتبة الرابعة في ثلاجة الموتى بالشميسي
واحمد يعمل جندي خفارة وفي ادارة كان قايدها شديد وكان
مايسمح لاحمد يستأذن عشان يخلص اجراءات تعيين سيدة الحسن والدلال لمياء مما اضطر
احمد ان يقضي على رصيد الاجازات اللي عندة
احمد طبعا كان يراجع بمعاملة زوجتة لأنه كان ناوي يزرفها ويعيش
وينبسط من هالراتب؟؟؟؟؟؟؟؟؟؟؟؟؟؟؟؟
وماهي الا كم شهر حتى صدر قرار تعيين لمياء وقد تم تعينها على
وظيفة مديرة المتوسطة الاولى بأم الشواخيل <--- لا تدققون
وأم الشواخيل هذي هجرة تبعد عن مدينة ابها 200 كيلو منها 70كيلو
عبر النهر <----- اللي بيدقق ينتظرنا هنا وبنرجع له
حزم احمد ولمياء حقائبهما بعد ان اخذ احمداجازة بدون راتب لمدة
ســتة اشـــهر لمرافــقة حلمة الوردي لمياء (امحق من حلم وردي ) في اولى ايام حياتها
المهنية؟؟؟؟؟؟؟؟؟؟؟
وفي اثناء رحلتهم بالسيارة الى هجرة ام الشواخيل كان جو الرحلة
حافلا بالاثارة بين هذين الزوجين وكأنهما زوج من الكناري لدرجة انه من
الوناسة بغى احمد يطلق لمياء وهم بالطريق ثلاث مرات (امحق من وناسه )؟؟؟؟؟؟؟؟ ربي يعيين ابو حميد
ولكن الذي عكر صفو سعادتهما في الطريق هو ماقام به هذا الارعن
احمدعندما اخرج من جيبة ورقة مخالصة وهذه الورقة هي تعهد واقرار
يفيد بأستلام لمياء لجميع رواتبها مثلها مثل الشغالات عندما تريد ان
تعطيها خروج نهائي يعني الثور يبي يزرفها لكن ماعندة اسلوب (الله من الدلاخه (حوطي الاخ) )
فما كان من ست الحسن والدلال يوم سمعت هالكلام الا ان لقطت ترمس الشاهي
واودعته في شباك مرمى خشة احمد الذي على اثرها فقد ثلاث
ضروس ونص
واتبعتها بحركة بهلوانية وطمرت الى المرتبة الورانية وخنقت احمد بحزام
الامان حتى كاد ان يلفظ انفاسة لولا انه تدارك الامر وداس الفرامل بكل
قوته حتى جاوبت لمياااء على وجهها بالقزازة القداميه وانشعرت القزازة
ونشب شعرها فيه ولا عاد تقدر تتحرك فلم يضيع احمد هذه الفرصة
ولسها بالزبيرية اللي عليه مع ظهرها حتى كادت ان تطرش كلاها من
الطق اللي جاها وما كان منها الا تستدر عطف احمد وتتذلل اليه قائلة
بكل خنوع : اعقل يا** ا؟**** بلابزران عاد والا تدري :: طلقني
طلقننننننننني يا***** ماابيك ولا ابي الوظيفة خلاااااص
وما سمع احمد طاري عدم رغبتها بالوظيفة الا وقام بحركة مايسويها الا
محترفين الراليات حيث بجلنط على استفهامية الا وهو واقف عند البقالة
اللي بالمحطة ونازل يركض يشتري للمياء انواع العصيرات والكيك
والحلويات لدرجة انه من الروعة على الوظيفة شاري مع هالاغراض مفك
صلصة <----- الا ليش ماسموة مفك جبن مفك تونه ليش يعني مفك
صلصة <----- اقول انطم وكمل وكمل موضوعك احسن
طبعا كل هالمشتريات عشان يراضي لمياااااااء ولاتهون عن الوظيفة
والمسيكنة ماكنها انجلدت ابد على طول سامحتة
وصلوا ام الشواخيل واستأجروا لهم بيت قريب للمتوسطة وباشرت
المديرة لمياء في مدرستها وعاشوا في سبات ونبات ... لا عاد امزح
المتوسطة ماكان فيها الا 20طالبة نسبة قليلة منهم من تـتـقن اللغة
العربية
مضت ستة اشهر والامور تمشي كما هو مرسوم لها بأنتظار قرار النقل
الى الرياض .
ولكن اجازة احمدانتهت ولم يوافقوا على التمديد ولأن الرجل بايعها
ومكوش على راتب هالضعيفة قدم استقالته وكاتب في اخر طلب
الاستقالة يالزلابة ياقايدناااااا طز فيك واحط صورة وجه مطلع لسانة <---
من جد تحسون انه بزراحمد
لبس احمد الوزار وثبت الريحانه ورا الأذن وعاش حياة اهل ام الشواخيل
لدرجة انه طاح بتخزين القات هو ووجهة وبدأ يصرف ويصرف من حلال
هالدبشة اللي ماتدري وين ربي حاطها فيه ؟؟؟؟؟؟؟
احمد يبي قات والفلوس اللي معة خلصت وهو الحين يبي فلوس
والفلوس عند لمياء ولمياء تبي عروس <---- البزر والله انت
لمياء قررت تواجة احمد بالحقيقة المرة وفعلا قالت له بكل احترام
وتقدير الزوجه لزوجها: ياثور الحين حنا تاركين اهلنا وجماعتنا وجايين
لبلاد الغربة <----- ابعد شي سافرت له كان استراحة حول الفحص
علمني ليش جايين مهوب عشان نجمع لنا كم قرش ونشتري لنا بيت
بالرياض ياحيوان
استقبل احمد الهواش بكل رحابة صدر وكبرياء لأنه اصلا كان مخزن
ولايستقبل ذيك الساعة وصاير(ن) خارج التغطية
وبعد مرور سنة وصل خطاب وزارة المعارف الذي كانت لمياء تنتظرة
على احر من الجمر
ولكن للأسف هذا الخطاب جعل لمياء ينقض مضجعها من هول الصدمة
مما رسم الحزن والسؤدد على وجنتيها <---- المقطع برعاية نجيب
محفوظ
حيث ورد في الخطاب المكرمة مديرة المتوسطة الاولى نظرا لعد تحقيقنا
لرغبتك في النقل لمدينة الرياض وحيث ان العقد الموقع معكم كان لمدة
سنة هجرية واحدة يؤسفنا ابلاغك بأنتها فترة تكليفك لهذه الوظيفة
وانتهاءعقدك معنا ونرجوا منك العودة الى ارض الوطن المعطاء
ذهبت لمياء لبيتها ووجدت احمد نايم ومن زين الوجه حاط رجل على
رجل بعد فلم تتحمللمياء الموقف وقفزت عليه وبلكمة خطافيه على
وجهه وركبه على بطنة نتج عنها 37 شيبة براس احمد من الخرعة
وتمزق بالطحال
المهم نرجع لسالفتنا :
رجعوا المعاريس الى الرياض والخيبة تعلوا محياهم ولا معاهم الا 53ريال
ومن جد كلو تبن الفترة هذي لدرجة انهم سكنوا بخيمة ووصل الحال
بهم انهم يبيعون مويه عند الاشارات T
حتى رزقهم الله بصحفي في احد الجرايد تناول قصتهم ونشرها بالجريدة
وماهي الا ايام وانهالت التبرعات من اهل الخير وأمنوا لهم مسكن ومبلغ
لابأس به وقد قرر احمد ان يشتري بهذا المبلغ باص صغير ليقوم بنقل
المعلمات المتعينات خارج مدينة الرياض ولاسيما ان المحرم موجوده
وهي زوجتة لمياااء
وفعلا بدأ احمد بمشروعة وتعاقد مع عشر مدرسات يلهف من الوحدة
الف ريال شهريا
ولكن الوصخ سيظل وصخا حيث كان احمد يتعمد ان يأتي اليهم متأخرا
ويالله يمشي يعني يالله يوصلون لمدارسهم الساعة ثمان الوصخ يبيهم
ينفصلون مايدري انهم هم اللي يكدون عليه
تحيااااااااااااااااااتي واشواااااااااااااااااااقي
اخوكم الشااااااااااااااااامخ
