ليش اكثر الناس تفوتهم صلاة الفجر جماعه في وقتها , الإجابة في سطور
لو نكون صريحين مع أنفسنا, ليش نقوم للعمل أو الدراسة الساعه 7 صباحا, وغالبا ما نتأخر , وللأسف صلاة الفجر نؤخرّها عن وقتها ونصليها بعد طلوع الشمس يعني بعد خروج الوقت , ومرّات نصليها في وقتها بس في البيت , يعني للأسف الدوام أصبح أهم من صلاة الفجر.
مع العلم الحمد لله فيه ناس كثير يصلونها جماعة , انا ادري يااخوان واخوات اننا كلنا نبي نصليها جماعه في وقتها بس الحل أننا نصدق مع والله والله سبحانه مايخيبنا قبل تنام ارفع يدك وادعوا الله سبحانه بكل صدق وتضرع انه يوفقك انك تقوم , وإعمل الأسباب مثلا منبّه وتبلّغ الاهل يصحونك وإن شاء الله تشوف ربنا يوفقك لتأديتها . أسأل الله ان يجعلنا مقيمين للصلاة.
* والله من صلاّها في وقتها جماعه بخشوع وخضوع يحسّ بسعادة ماتعادلها اي سعادة , وحتى يومك يوفقك ربي فيه وتتيسر امورك .
* ولو نعلم عقوبة اللي ينام عن الصلاة المكتوبة , كان خفنا وتعاهدنا أننا نحافظ عليها .
