سؤال للعرايس الملتزمات

السلام عليكم بنات
انا ان شاء الله عرسي قريب وحابة استفسر عن جم شغلة
شلون ما تطوفني صلاة المغرب والعشاء , احاتي هالموضوع لاني راح اروح الصالون مبجر ، فكرت اظل على وضوئي للمغرب واصلي حتى لوحاطة مكياج لكن مايبطل وضوئي ، والا احط مكياج بعد اذان المغرب ؟؟


والمناكير احط مناكير والا اظافر صناعية ، انا كنت ناوية ما احط مناكير مو معقول احطهم ساعتين وامسحهم

لكن خواتي ورفيجاتي نقدوا علي ( مع اني مهتمة باديني واظافري حلوة من غير صبغ)

سؤال بعد انا بجسمي وحمة لونها قامج تنصحوني اغطيها بالكونسيلر علشان ما تبين والا اخلي الموضوع عادي ( هي شكلها مو شي وبمكان صعب) انا ودي يلاحظها من اول علشان لا يسغرب بعدين والا اخليها تبين تدريجي احسن

جزاكم الله خير وادعولي بالتوفيق يا بنات