حملة لجلب هؤلاء اللاعبين .. ادعموا

السلام عليكم

الف مبروك للجمور الاتحادي عودة البعبع مرعب الكرة السعودية منصور البلوي ان شاء الله تكون بداية افراحنا

عندي مجموعة من اللاعبين اتمنى الادارة تسرع في المفاوضات و تحط انظارها لانهم مكاسب حقيقين للفريق

1- بدر النخلي .. الفتح .. احنا في حاجة مدافعين و بدر التعاقد معاه راح يحل ازمة كبيرة في خط الدفاع قوي و ذكي و مميز

2 - عبدالرحيم جيزاوي .. الاهلي .. موهوب حماسي قتالي يمتلك روح مثل روح النمر الاتحادي مهاري هداف و صانع من طراز عالي و مشاكله مع الاهلي و قوة المفاوضات و عودة البعبع منصور راح تلعب دور كبير في انتقالو لعميدنا

3 - ساري عمرو .. ظهير الوحدة .. تكلمت كثيرا عن هذا اللاعب و ركزت عليه كثير في مواضيعي اولا لضعف الخانة و لصغر سن اللاعب و لانه بارز مع فريق ضعيف فنيا و تكتيكيا و تكتيكيا و هو الابرز بينهم قوي و سريع ومهاري و صناعة اللعب لديه ممتازة و تصزيبات قوية و دايما مركز على هذا اللاعب بحكم انو هاوي و حر بدون عقد مع ناديه و فريقو هابط يعني ما راح يكلفنا كثير ابدا اللاعب فرصة لا تضيع علينا و اللي يقول انا اجامل اللاعب يتابع مباراتنا الاخيرة مع الوحدة و يشوف مستوى اللاعب .. اضف الى ذلك اللاعب من عائلة اتحادية معروفة والده و اعمامه لعيبة سابققين في النادي يعني اكيد تكون عندو ميول اتحادية .... البعض حيقول الشهراني و عكاش والشهيل حاب اقولكم حاجة و فكرو فيها بعقلانية شوي


الشهراني اعلنها هلالي و القادسية طالبين 25 مليون يعني سعر مبالغ فيه جداااااااا افضل لاعب سعودي لا يستحفظق اكثر من 10 مليون

عكاش باقي عقده مع الاتفاق 4 سنوات يعني راح يكلفنا كثير و فوق كدا اي لاعب يتفاوض فيه نادينا نع لاعب اتفاقي يبالغو في السعر كثير و لنا في الرهيب تجربة

الشهيل لاعب كان مصاب و غير منضبط ابدا كيف اجيب لاعب غير منضبط يعني حيزيد علتنا

عدنان فلاته .. لاعب جيد وممتاز لكن اخد فرصتو مع العميد و لم يقنع كثيرا اعتقد الفتح مكانو المناسب

حيدر العامر .. البعض يطالب فيه و انا ماني شايف انو عندو شي جديد يقدمو للعميد لاعب عادي




انا اشوف و من وجهة نظري جلب ساري عمرو و تصعيد محمد العمري حيسير عندنا تنافس عالخانة و الاثنين ممتازين


اناشد الادارة بسرعة التحرك و بدء مفاوضات مع هؤلاء اللاعبين و اللي يوافقني يعطينا دعم و يوصل المعلومات هاذي ممكن ادارتنا تستفيد و اللي ما يوافقني يكتب وجهة نظرو عشان الكل يستفيد


هاذ يوجهة نظري و اسف عالاطالة




والله ينصر عميدنا اليوم و نشوف نمور اسيا تلتهم منافسها