هروب الشايب .. الجزء الثاني .. خوبال يكمل المغامره ..
احبــــائي .. هنا نكمل معـــا رحلتنا في العالم ثلاثي الابعاد الملئ بالــ .... عاد كملو انتو ...
طبعا كلكم تابعتووو الجزء الاول ذو الاثاره العاليه ... والمؤثرات الفريده من نوعها ...
[WEB]http://www.sfsaleh.com/vb/showthread.php?threadid=6997[/WEB]
^
^
^
^
ارعصو تجدوو مايسركم ...
الان وبعد اكتمـــال الماده لدينا ... وحذف بعض الاشياء لكي نقلل المصاريف <<<< مدير الانتاج حضرمي ..
نعود اليكم بشكل جديد ولكن بنفس الطعم الرائع .. اقصد المضمون الرائع ...
هنـــــــا نزيح الستــــــار عن هروب الشاايب II <<<<< يمديكم على هالحركه بس ... يعني الجزء الثاني
بس بالروماني ...
هــــــروب II الشـــــــــــايب .... oo7
واتجهنا لغرفة الحارس ... وكان زول محدن يطيقه ... طبعا حنا مفكرين من اول كيف نهجم عليه ونمحيه
من الوجود بدون ترك اي اثار ... وابو درويش قال انا عندي بمخباي شي مامنه اسمه عنصر المفاجاه ..
يوم زهلناها وقلنا مالها غير ابو درويش .. يوم قربنا من الغرفه حقت الزول الماخوذ ولا نسمع انواع
الشخير ... والله واليوم يومنا يااشيبان .. ونطب عليه ونلعن ابو خامسه .. ولكن ... ماجاه شي الله
يقلعه ... وحنا معاه طاخ وطيخ ولا ينشب شنب ابو درويش بكشة الماخوذ ويسقط ارضا عاد حنا اغتنمنا
الفرصه وربطناه بالحبل ... وجاك ابو صعفق جلس فوق صدره وبيده كيس الابر .. وتعلو براطمه ابتسامه
النصر (( امحق ابتسامه والله )) ويجلس يشفط بدم هالمسيكين لين اتصوفر واغمى عليه ...
عاد وقتها اخذنا جواله واتصل على الشويب بعد قلبي صديق الطفوله محبوب الجماهير اللي لا قبله ولا
بعده (( الا شحرورتي طبعا )) ابو صالح .... <<<< موسيقى تاثيره (( يعنني تاثيرات موسيقيه ))
يوم يرد وبعد الترحيب واخذ علوم خويانا وكلام يااكثره ماودي اصدع روسكم فيه .. سالته وش جالس تسوي
ابو صاالح .. قال ابد العجيز ام صويلح جالس تسوي لي مساج .. يوم يسيل اللعاب من افواهنا كم صارلنا
نسمع بهالمساج ولا ذقناه ... ماغير لبن وخبز بها المكان ...
عاد قلتله خلها تحسب حسابنا ولا تكلف على نفسها بنجيكم الليله بنذوق من هالمساج الزين ..
ومن ثم تعالت ابتاسمتنا ونحن مبسوطين لاننا سوف نجتمع بعد هالمده اللي وش طولها ...
شويتين وارتسمت على خدودي ملامح الجديه يوم اقوله ابو صالح اتجه للمنطقه 43 العمليه على وشك ان تبدى ..
على طول قفلنا الجوال من غير تبادل اي كلمات اخرى ....
((( تنتقل الكاميرا لبيت ابو صالح )))
قام ابو صالح من على السفره ولا كمل المساج ودعس لم غرفة المهنه .. ويشيل اللوحه الكبيره ويدخل الرقم
السري ويخط عيونه على الجهاز عشان ياخذون بصمة العين بعد ... بعدين قال ابو صالح بس بالروسي
عشان يطابقون الصوت .....
شويتين ولا ينفتح الجدار .. ويطلع سيب طويل يوم قام يمشي فيه ووقف بعد 17 خطوه وضغط على البلكه
الساابعه من اليسار يوم تنزل الملابس السريه ولا هي وصخه ماغسلتها ام صويلح .. قام يتحلطم شوي بعدين
لبس ذيك الفوطه السودا ... والفنيله العلاق نفس اللي لابسينها الزقرت ...
ويدخل يده بجيبه ويطلع الرموت ولا ينفتح الجدار اللي باخر السيب ولا هو الجراش حق السياره السريه ذات
اللون الاسود ..
(( دستن غماره وحده جلد فتحه كوبيـــه طبعا بدون استبنه ))
ركبـــها ودعس لنا ...
تووو بي كونتنيوووووووووووووود ...
