اسوي طيب ويجحدون (( أم زوجي))

مرحبا*
كويتيات انتوا خواتي نفسيتي حيل حيل تعبانه زهقت*
زوجي يحبني واحبه ومتوافقين حيل والحمدالله

مشكلتي أمه من دخلت عليها ما تسمع الا حاظر ولبيه وهي نظام نايمه 24 ساعه ونظام البيت لو يحترق ما تدري عنه بس ما عليه مالي شغل كيفها*
بس انجنيت بنات تدخل شقتي وهي عند الباب تقول يابنت وتدخل ما اشوفه الا بغرفة نومي اوكيه بتقولون لي نفس خواتي قفلي باب غرفتج طيب اقفلها تصفق الباب بقوه ---->بالعربي هي دفشه*
ادق على كل شوي بسالفه وبدون سالفه اذا مارديت دقت على زوجي واذا قال عند اهلها ادق علي تيلفون بيت اهلي اف غثيثه*
يابنات انا ما انكر كانت طيبه معاي بموقف او موقفين وانا بنت اصل اذكرها*
ومشكلتي الثاني الحمل جننتني فيه انا صار لي سنه ونص ماحملت وطول هالسنه والنص وربي ما قعدت من عيادات لي حريم شسوي ما الله قسم*

مره نزلت قالت لي عليج الدوره انصًدمت قلت يمكن شافتني لابسه دلاغ قلت ايه اضربت ايدها وقالت اخ بس انصدمت قلت مره كبيره تبي تشوف ضنا ولدها*
تصعد لي لاناناس تقول اكليه زين للبويضه قلت نفس امي تمون تجيني كم مره تعطيني رقم حريم ايمرخون قلت ماعليه*
تجيني تقول لي فلانه حملت الله يرزقج وتجيني تقول هالمستشفى يمدحونه العرف كانت تقصد قالت روحي له واخذي نفس دوا مرت فلان اقعدت 5 سنين ما حملت وخذت منهم دوا روحي المستشفى واطلبي منهم قلت ما عليه لعيون زوجي اطنش*
اطرش الخدامه تبي اغراض انا ما اعبي ثلاجتي واجيب اغراض شقتي الا بالشهرين مره زوجي عليه قروض ومنتف كل يوم اطرش الخدامه تبي شي وربي يابنت اذا درت عندي كرتون كاكاو ما تخليني كل يوم تجي تاخذ منه*
احطه بطاولتي منظر وعشان انا وزوجي ناكل منه طبعا لا درعمت خذت بيدها خمطه وراحت قلت ما عليه حرام ما عندها بنات بس وحده ومتزوجه وما تجينا واجد*
وانصدمت مره قايله لزوجي ولد خالتك مرته حامل يومها يومين ما نمت ابكي ومتحطمه*
وكبرت السالفه ورحت بيت اهلي جا وفهمها زوجي ان خلاص فكي يمه عنها وعصبت وزعلت ورحت واعتذرت منها معني ما غلطت وسلكت اموري وياها ورجعت طبيعي ما في قلبي شي عليها وربي يابنات قلبي نظيف*
كانت تجرحني مرات بالكلام اقول لزوجي كان يقول امي طيبه وعلي نياتها كنت موسعه صدري عليها*

كانت تجي تقول ولدي كان يحب بنت خالته*
كانت تجي تقول ياربي اتوظفين متي بس متي تفكين سياره لولدي*
كنت احسها اتدخل بحياتي اللي منسدح في بيته سهل الكلام واللي يداوم وينكرف وش ذنبه*
المهم حاليا سالفتي الخلاصه*
كانت تاكل حبوب سكر وحولوها الي ابر*
وهي كان عندها خبر اني اطق امي بس امي فتره طقيتها عقب علمت الخدامه*
قامت تجيني الساعه 6وبليل*

وسعت صدري حيل ومن طيبي ومع الوقت بنات تعرفون تبين تاخذين راحتج بنومتج لان انا اذا قمت ما ارجع انام قلت لها بعلم الخدامه قالت لا لا لا ماراح تعرف صكت علمت زوجي قلت قمت اتضايق امي اغلا مخلوق فتره وزهقت علمت الخدامه يالله عاد قال خليها على راحتها هني شصار فيني انجنيت ياسلام خدامه عند ابوكم ورحت كلمت بنتها الله لا يوفقها يابنات جعل علاجها ادوره بكل ديره ما تلقاه*
المهم قلت لبنتها يابنت انا متضايقه من سالفه لابره ياليت تكلمينها بهالموضوع راحت البنت كلمت امها مرت اخوي تحش فيج تقول انج مضايقتها بابرتج وتعصب وتسوي سالفه انا رحت بيت اهلي علي طول قعدت شهر عند اهلي لاني حملت زوجي الغلط بعد ليش خلاني اتجه لاخته لا بارك الله فيها*
وشهر بين فتره وفتره ارضا علي رجلي وازعل بس اللي فهمته لام طاحت تعبانه بالمستشفى وتقول طلقها طلقها وكبرت السالفه والشايب نفس الشي معا مرته انصدمت انا احسن من بنتهم عندهم لاجا عصاري نزلت الحلا واقعد بالساعات تحت وجعل ربي ما يوفقني يابنات اني بالساعات اقعد تحت ومهتمه فيهم وما شافو مني شي دقت أمه على امي عقب وقت قالت لا اشوف وجهج انتي وبنتج بنتج خانتني*
والشايب وراها يصيح كل يوم طالعه لرفيقاتها
بنات رفيقاتي مارحت من تزوجت الا 3 وكلهم وجبوني بعرسي بوجبهم وسايق بيت اهلي والقهوه من بيت اهلي*
ورحت كسرت عمري مرتين واعتذرت لها رفضت وبشده وتصرخ كنت ابي اضربها والبنت هذي عقدتني انا اجيب لها هدايا بنات ما ابي هداياها ابي راحتي هداياها من فلوس رجلي كل شهر ناشبتله تبي وتبي وما منعته واذا ردت على الهدايا انا ساعه ماركه وهدايا غاليه من حسابي حتي ما اجي اقول لزوجي عطني اجيب لامك*
بنات ادعوا علي اخته الله لا يوفقه*
وانا تعبت وحاليا بسوي مخرج خاص بس جد افكر اقطع علاقتي فيهم ما ني قادره بنات اتحمل بعد لانهم ماشافوا مني الا كل خير لأسف بصير مرت الولد اللي مافيها خير بنعزل بشقتي ولا بغيت اطلع بروح لاهلي وحياتي*
بس جد بنات خربت حياتي نفسيا ماعاد احب اجتمع باحد احب العزله احسن*