◄ ◄◄◄ قصـــة ولادتـــي بزينة البنات فطــــومة مستشفى رويال حياة 2013 ► ► ►►

السلام عليكم ورحمة الله وبركاته
:eh_s(17)::eh_s(17)::eh_s(17)::eh_s(17)::eh_s(17): :eh_s(17):




شخباركم وعساكم بالف خير

بكتب لكم قصة ولادتي اللهم لك الحمد قبل وبعد رزقنـــي بالبنوته تاريـــــــــــخ

13-3-2013


التاريخ ماســــــــــــي لوووووول


طبعا بقولكم الاكشن اللي صار معاي هههههه من الشهر الثامن ياتني الالام ووعوار طلق ولاده وانا عندي تاريخ ولاده مبكره مع واحد من حملاتي وكانت دكتورتي مسافره اسبوعين وانا حدي مقاومه وما اتحرك من سريري الا للضروره

والحمدلله ربي سلم وقدرت اكمل لما رجعت دكتورتي قبل 3 ايام من ولادتي ياني عوار ورحت دخول المستشفى وكان طلق بس مو منتظم واذا صار معاه فحص يمكن تصير الولاده وانا بولدي الاخير تعقدت من هالسالفه والطلق الصناعي والفحص واصريت هالمره ما ادش الا وانا اناقز وافرفر من العوار لوووووووووووول حدي بعتها

وفعلا كان ايني عوار واتلوى مثل الربيانه خخخخ وايام اكون فيها عند اهلي وتطلع روحي واستحمل وبعدها يرجع يخف الالم واقولهم مابي اروح وامي واختي وزوجي يحنون روحي سوي تخطيط واقولهم لا وتميت على هالحال رايحه وراده 3 ايام ومستحمله لحد ما صار اليوم الموعود كانت مراجعتي العاديه وحدي ليلتها تعبانه وزوجي لاحظ علي اقوم واقعد جسمي تعبان مافي الم بعد مخنوقه وموعارفه شسوي ههههههههه

ود عيالي المدارس ورجع شافني مرتزه عالفراش واتقلب واون قالي شفيج قلتله تعبانه عادي واليوم موعدي مالي خلق اروح قال قومي لاتسوين لنا سوالف علشان عندي جم شغله اوديج واخلصهم وماكنت عارفه اليوم 13 ودخلت مستشفى رويال حياه ورحت لموعدي ولاحظت هواش وصريخ وحاله حاله عند الريسبشن ماحطيت في بالي ودخلت عند دكتورتي وقالتلي دام فيج الم خليني افحص عادي ماراح اوسعج اذا ماتبين قلتله اي ههههههههه

وفحصت وصرخت هههه وقالتلي ولله ما سويت شي قلتلها حدي مخترعه ولا تقولي حبيبتي انتي ولاده واذا دخلتي الحين ساعتين بتكونين والده وانا @@

اقولها شلون مافيني عوار ههههههههههههه الاخت تبي عوار لووول تقولي حمدي ربج طلق تعب جسم مو عوار تتحملينه قلتله لاااااااا مابي ما ابي ادخل وتقولي كيفج راح اتييني العصر بريولج ووقتها توهقي واقولها ليش الا تدخل علينا دكتوره جناح الولاده وتساسر الدكتوره ولاتقولها عادي تكلمي فرفوشه بنتي

وتقولها اذا مافيها ولاده لاتدخلينها احنا منعفسين فوق وتحت وانا مت خرعه @@ اقولهم ليش شنو صاير شفت الصراخ بره بس علبالي واحد معصب او شكوا
ردت ياماما النهرده 13 قلتلها وشنو ولا تقولي 13-3-2013 واقولها من صجكم وتقولي وقبل جم يوم نفس الحاله تاريخ 3-3 والله يعينه عندنا بعد 20 و 23 و30 و31
قلتلها حمدلله والشكر وقلت حق دكتورتي اوك بروح اجهز نفسي وارجع وضحكت وقالتلي فرفوشه اعرفج لاتنحاشين يابنت خليني احجز غرفتج ترا ولله دوامي للساعه 6 وراح اطلع وانا اقولها اوك هههههههههههههههههه وقالتلي روحي شربي خروع علشان اييج عوار وقلتله خير



دقيت على زوجي وقلتله السالفه وقالي خلصي ودخلي واقوله لا تعال مرني مافيني عوار هههههه
كان وقتها بعده موخالص كلمت امي وياتني ورحت لها وشريت الخروع وعمري ما شربته ويوم شفته حامت جبدي من شكله واقول لامي يما ويهي وحده بتولد وميته ضحك تقول عيونج لا واقولها الدكتوره تقول بساعتين راح تولدين وانا مافيني غير تعب بجسمي وشوي مغص لوووول

ورحت بيت امي الساعه 1 مرني زوجي واخذنا العيال ورديت البيت واحس جسمي تعب مره وحده وجنه لااعبه رياضه مكسره ضلوعي قمت دخلت اخذت شاور حار وشربت عصير فرش برتقال ينعشني شوي وخليت الخروع عند بيت اهلي قلتلها مابي خليه لكم ككككككككك

ورحت صليت العصر ولا الموبايل يرن دكتورتي فديتها هههههه تقولي وينج فرفوش يالله تعالي اقولها ولله مافيني عوار خخخخخ تقولي يا بنت وشتبين بالعوار اقولج انتي ولاده وساعتين وانشالله خالصه تعالي انزين افحصج مره ثانيه اتاكد اذا مو فاتح بخليج وانت بريولج باجر 10000% عندي ما ابي اطلع وتصير معاج ولاده وتتوهقين وكلمت زوجي وقالتله مالك شغل فيها اسحبها وتعال خخخخخخ

ورحنا عالساعه 4 ودخلت عندها وشافتني قالتلي يالله يالله فوق جدامي بتولدين وانتي بالبيت
خخخخخخخخ وتقول ولله حاجزتلج غرفة الولاده صعدي وشوفي الهواش حريم واقفات بره ينطرون غرف تفضى علشان يدخلون ولاده وانتي تتدلعين زوجي دخل جناح الولاده وانا بالطوارئ السستر تضحك تقولي مدام يورهازبند انسايد ان يو اوت هههههه ودخلت الا تلفون بيت اهلي يتصلون علي وقلت للسستر هوووش مابيهم يعرفون لان ادري امي بتحاتي وراح اتيي
وتسألني ها شصار وياج واقولها ولا شي مافيني عوار وبحط راسي وبنام

وتقولي لو في شي روحي اقولها اوك وانتوا لا تتصلون تدوخوني ههههههه علشان اضمن ما تتصل وانا اطلق خخخخ وسكرته اختي اتصلت بعدها وانا توني عالسرير مركبين الابره وتقولي وينج فرفوش اقولها راجعه البيت ماراح ادخل ولاده تقولي اها اتصلت وردوا علي خدمج انج طالعه قلتلها اي مراجعه وراجعه الحين بحط راسي وانام وسكرته

وزوجي سوا اوراقي وقلتله روح ييب اغراضي و هالساعه تطمن عالعيال مابي اخليهم مع الخدم وانت بنفسك تاكد انهم دخلوا فرشهم بعد العشا وناموا وتعال لي وانشالله اكون توني قريب الولاده


وياتني بعد عمررررررررررررررررررررررر رري
اختي الغاليه ام عفاف الكويت ودخلت غرفة الولاده وكانت ماسكه لي الكمام وانا بطلوقي وبدعت معاها بالكلام على كلامها واخربط واقولها ام فوفه دير بالج زحمه وطريج والدنيا ليل ههههههههههههههههههههه وهي تقولي شمي شمي فرفوش واحس بالعوار يزيد بس متحملته واشفط وينفصل الكمام من الهوز ههههههههههه وارد اركبه واشفط واشفط واخدر وانام واقوم على طلقه وامسك ايد ام عفاف وتحطلي الكمام فديتها وتمسح علي ويوم وصلت خلاص دقوا على دكتورتي فديتها وصت علي الستتر وراحت تصلي وترجع ويوم رجعت زوجي معاه وصل وكلها ربع ساعه الا تقولي يالله رفعوا ولاده


وانا احس نفسي بوادي ممغوصه على تعبانه وتقولي يالله فرفوش الراس طالع سوي بوش يالله واقولها مافي عوار ههههههههههههههههههههههههه ههه وتقولي يادي العوار انتي سوي بوش بتطلع ولله كاهو ها ها ها يالله يالله واقولها ولله نطروا مافيني ههههههههههههههههههههه واتيي الدكتوره المساعده وغصب تضغط على بطني علشان اسوي بوش وانا اسوي واسوي ولا اسمعها فديتها تصرخ وحطوها علي طلعت
بنتي فطومه بالسلامه الساعه 8:58 دقيقه

وكنت وقتها مسطوله ووقت الطلق اختي كلمتني وطاحت علي اني ولاده وتقولي يالخايسه فرفوش ادري فيج جذابه هههههههههههه اعرفج وامانه ادعيلي ودعيت لكل من وصاني وحتى بعد ما طلعت بنتي تضحك الدكتوره تقول رفعتي ايدج وتميتي تدعين تدعين هههههههههههههههههههه
اقولها اللسته طويله ما خلصت خخخخخخخخخ عقدوني لووول

وبعدها شفت امي فوقي بنص ساعه من الولاده وتتحلطم ومعصبه يعني سويتيها من وراي ها ههههه وانا مسطوله واقولها ها
لوووول يما مو قتج خخخخخ خلاااااص ولدت وتتحلطم على زوجي يالمجرم انتي معاها بعد مشارك وتضحك الدكتوره تقولي يا ام فرفوش ماكانوا يبونج تحاتين وانا قلتلهم لا تقولون لها حرام هههه تقولي اختها دقت علي تقولي ماما تدرين وين فرفوش
اقولها اي في بيتها وقالت بتنام قالت لها سلامه قلبج فرفوش بالولاده قعده تولد وامي @@
تقولها لا توها مكلمتني ؟؟؟؟

وتقول لها اختي ماما دقيت على البيت بعد ساعه علشان اتأكد الا خدمها يردون مدام اوت نو كم باك
تقول عرفت السالفه لوووول
ويوم ادق عليها الا محشش يرد علي وهي مخدره من الكمام وتخربط ووصيتها بالدعاء
هني امي لبست عباتها وطيران مع اخوي على المستشفى


وبث:eh_s(22):



وهذي قصة ولادتي بالتفصيل



دكتورتي وامي الروحيه اللي ولدت عندها اللهم صل على محمد وال محمد عيالي 5

( نجـــــــــــــــلاء الزعفراني )

اخذت غرفة الكاميليا وسويت استقبال بسيط وانشالله بحط لكم الصور قريب :)

وسويت خياط تجميلي وتضييق وسعره مع الولاده انضاف يعني لاتسألوني جم لووووووول


وحاضره لاي استفسار :eh_s(22):


وادعولي ربي يباركلي بفطومه ويخليها لي ويرزقني برها وبر اخوانها يارب