خطيبي وخواته تكفون لا تخلوني يابنات
السلام عليكم
بنات بشكيلكم احس انه خطيبي بس اهله يكلمونا او يزورونا يتغير علي حيل يعني احسه يصير ثقيل معاي يكلمني بحدود وبعض المرات نفسيه يحاول يفرض رايه واحسه معقد يبي يتحكم فيني ومايبي اهلي ياثرون علي وخصوصا امي حاط عليها هالمسيكينه مع انه عمره ماشافها ولا كلمها بس الظاهر من خواته يحشون فيها خواته اه ياخواته لسانات وقشر بعض المرات احس انه يموت علي ومومصدق اني بكون زوجته من الفرحه واذا زارونا اهله تغير ودق الثقل علي الظاهر يعلمونه اثقل ومن هالسوالف الحين ابيكم تعلموني شسوي اول شي :::// مع خواته وجناينهم شلون اتعامل معاهم انا حيل مؤدبه وااللي تصرخ علي ماارد خوافه بجايه واهما العكس يعني من اهل النغزات والمحايل والمنافس جلساتهم كلها جذي واللي زاد الطين بله خطيبي خاتم باصبع خواته حتى مو امه يوصل لهم شنو اقوله واذا قلت له ليش تقول يقول اشياء عامه ومو شي خاص انا قايل
علموني شسوي معاه ومعاهم ماابيه يعلم عن المواضيع اللي اقولها له حتى لو كانت عامه وابيه يحبني ويتمسك فيني وبنفس الوقت يحترمني ويهابني ويعملي حساب جدامهم عشان يحترموني
ابي اسوي شي مثل خطه او اي شي يخليني اتاكد منه اذا كان يحبني او لا زين او لا
انا قلت له لاتتقول سوالفي معاك لهم قال شي عام انا مابيه يقول خير شر مع انها سوالف عاديه بس مااحب جذي
تكفون ابي الفزعه لا تخلوني انصحوني والله بعض المرات افكر جد نترك بعض وارتاااح لاني مو كفو محايل ونغزات
ناطره الردود السنعه منكم يالسنعات :yaaaaaarb:
