السلام عليكم ورحمة الله وبركاته ،،
اول موضوع لي فالمنتدى ،، و اول مشاركه :eh_s(22):
بكتب عن اللي استخدمته وايد هالشهر من الميكب ،، وعيبني او لا ،، :)
[IMG]http://im39.********************************************/GE3uQ.png[/IMG]
اول شي للويه ،،
الفاونديشن اللي استخدمته وايد هالشهر ،، من اليمين
1 AVON ideal shade - soft honey '
بالعاده انا اخذ الفاونديشن او البودره افتح من لوني بدرجه اول نفس لون بشرتي
هالفاونديشن كنت طالبتنه من عند تاجره وشي درجتين بس
يوم وصلني وجربته ظهر اغمج عن لون بشرتي بدرجه
قلت خل استخدمه اذا ابا لوك برونزي شوي
تغطيته حلوه بالنسبه لي انا فيني وايد حبوب، طبقه وحده اتكفي وشوي ازيد عالخدود
هو شوي دهني يحتاي اثبته بالبودره ،، بس من فتره بشرتي صايره وايد جافه لان غيرت غسول ويهي ،، فاحطه بدون بودره
2 SEPHORA brightening & hydrating foundation
هذا خذته من غند اختي ،، وبصراحه احلى فاونديشن جربته،، حتى جوفو باجي منه شوي بس
انا شرات ما قلت قبل بشرتي وايد دهنيه ،،
استخدم هالفاونديشن اذا كانت عندي طلعه وبطول فيها
ما يحتاي احط فوقه بودره
بس حاليا ما استخدمه لان بشرتي صايره وايد جافه وما ناسبه ابد ،، احتاي فاونديشن شوي مرطب او دهني عسب ما يبين الجفاف اللي فويهي ،،
درجته medium 27 بيرفكت لدرجه لوني بالضبط ،،
ما اعرف اذا في عندهم كلوكشن من الالوان تناسب الكل :)
3 GARNIER BBcream - Light
هذا ثالث بيبي كريم اجربه ،،
جربت نوعين من ذا فيس شوب وكانو اوكيه
هذا استخدمه لكل يوم وما ابا احط فاونديشن واثقل عويهي ،، ابا شي خفيف ويغطي
حلو كدرجة اللون يناسب بشرتي ،، بس وايد دهني لازم اثبته بالبودره ما ينفع ابد بدون بودره
انا اللي سمعته اصلا هذا مسوينه للبشره الجافه ،،
مع ان بشرتي حاليا جافه بس من احطه يبين شقوق عويهي !!
بس نوعا ما اوكيه ،، بتصبر به لين اخذ لي بي بي يديد :p
[IMG]http://im39.********************************************/UhHOI.png[/IMG]
ثانيا ،، البودره والكونسيلر
1 RIMMEL stay matte pressed powder - 004
مدحتها لي اختي لان مجربتنها ،،
كنت احتاي بودره يديده وقلت خل اجربها ،،
وايد حلوه حتى جوفو بعدها فالشهر الاول وخلصت :eh_s(22):
لان بشرتي دهنيه فاحتاي اثبت الفاونديشن بالبودره
هذي خفيفه واتبين ويهي مات مب مدهن ابد ،،
ما احتاي ارد احطها خلال اليوم ،،
من جم يوم سرت ابا اخذ لي وحده احتياط وللاسف خذت افتح درجه عندهم !! واللي هي 001
بس بعد بجربها لان انا احب اخذ دوم درجه افتح من بشرتي هع
2 MAYBELLINE clear smooth minerals concealer - medium-sand
هذا ثاني واحد ،، وما خذتنه من تايلند ما اعتقد نزل عندنا
وعلى فكره اول مره خذته كان من سنتين ،، ويوم سرت مره ثانيه تايلند خذته بعد
وايد حبيته ،، خفيف ويغطي ولا يخطط حول العين
استخدمه اذا كنت طالعه لفتره طويله
للعلم انا ما جربت وايد كونسيلرات ( جمع كونسيلر ) هذا عيبني وتميت عليه
بس يبالي اجرب شي يديد
3 GARNIER roll-on
هذا اول مره حصلته كان من عند اختي يابته لي من فرنسا اعتقد ،،
كان بعده ما نزل عندنا ومكتوب عليه بالفرنسي ما ادري اي لغه المهم مب بالانجلش
اختي قالت لي انه لحبوب الويه ،، انا يوم حطيته عالحبه ظهر لي شرات الفاونديشن وما عرفت شو اسوي به !!
شويت سيرش فالنت وفاليوتيوب وما ظهر لي شس ،، و اللي ظهر بقوقل كان كله بلغه غير الانجليزيه !!
كان بعده مب منتشر ولا حتى نازل بامريكا !!
تميت فتره وعقب جفت تاجره اتبيعه وكانت عن شو هو ،، وللاسف مثل بعض التاجرات الحراميه كانت اتبيعه بشي فوق الخمسين درهم !! حرام والله الحين فالجمعيه حده 20 درهم !!
استخدمه كاستخدام يومي وما بظهر مكان ويا البي بي كريم ولازم اثبته بالبودره
لان يخطط تحت العين ،، ومرات يخلي تحت عيني اسود ،، لازم اكثر منه شوي ما ينفع
وهذا الشس اللي ما حبيته فيه ،،
بالعاده احطه واحط فوقه الكونسيلر اللي من ميبلين والا العكس واثبته بالبودره ’’
[IMG]http://im39.********************************************/FxiBt.png[/IMG]
الفرش والبلشر ،، من اليمين
1 e.l.f Blush Brush
طالبتنه من موقع وايد فرشة الكونتور ،، بس للاسف الفرشه الثانيه وصلت مكسوره ،،
بشكل عام حلوه الفرشه وارتحت لها ،، بس يبالها لين اتعود عليها
احس تنفع اكثر للكنتور مب للبلشر
2 H&M
فرشاه من اتش اند ام مالها اسم ولا رقم،، استخدمها للبودره
حلوه وعمليه وايد والشعر مالها ما يطيح
3 BLUSHER by H&M - Sweet Rose
وايد احبه هالبلشر ،، عادي وينفع كبلشر يومي
وايد بيقمنت ،، يعني حده اتمررين الفرشاه مرتين واتحطينه ،،
يبالي اسير اخذ الوان ثانيه وافتح للصيف :ggdw:
[IMG]http://im39.********************************************/nGtS4.png[/IMG]
الارواج والكحل ،، من اليمين
1 JustGOLD - Mystic Mauve
وايد استخدمت ارواج ،، بس هذا وايد احبه ،، استخدمت للشتاء ومع بدايه الصيف استخدمته
بس استخدم معاه لب بتر من ريفلون لون كوتن كاندي ،، والا استخدم قلوس يخفف من لونه
وكل ما استخدم معاه شي يظهر لي لون يديد ،،
ماخذتنه من الصيني ،، كنت ماخذه لونين غوامج للشتا بس الثاني ما ادري وين سار !!
مكتوب عليه ان مات ،، بس من اتحطين يرطب وما اتحسين ان مات ابد
بس بعد ثابت وما يحتاي اتردين اتعيدين عليه
3 PRESTIGE Eyrliner
هذي ثالث مره اشتريه ،، انا بشرتي فوق العين وايد ادهن ،، يعني اي ايلاينر احطه كله يسيح والا يطبع فوق العين !!
هذا وايد حلوه ينفع ايلاينر والا داخل العين ،، ما يسيح ابد حتى يوم احطه تحديد تحت العين
اهو وتور بروف،، ما بس ما يتعب ابد يوم اتشيلينه بالوايبز
4 MAYBELLINE EyeStudio Gel Eyeliner - Black Gold
وايد قريت وجفت مدح عليه فاليوتيوب ،، قلت خل اجربه لان ابا ايلاينر يومي
كنت ابا اللون الاسود بس ما حصلته فالجمعيه اللي سرتلها
اللون مكتوب عليه اسود ذهبي ،، بس من حطيت مول ما ايبين انه اسود ،،
لونه ياي على اخضر غامج وفيه شوي لمعه ،،
فالعلبه ما ايبين ان فيه لمعه ولا حتى كاتبين انه فيه !!
ثاني شي وايد يطبع على جفن عيني يعني ما ينفع!! ولا حتى يجف !! لازم كل شوي افرك جفن عيني عسب يخوز الكحل اللي مطبع
الحلو اللي عيبني فرشاته ووايد سهل اتحطينه
مب شرات بعض الجل لاينر اييج يابس شوي وصعب اتضبطينه ،،
هذا موضوعي لليوم
وان شاء الله ما اكون طولت عليكم
بس حبيت اشاركم باللي عيبني اكثر شي من ميكب
:eh_s(7):
