السلام عليكم
انا صارلي متزوجه سنه وشهر تقريبا ومن كنت بنت كانت عندي مشكله بالدوره
اولا نزلت علي يوم عمري18 و بعدها تنزل يوم واحد بالشهر
يوم تزوجت قعدت 6 اشهر بعدها من كيفي راجعت للامانه زوجي ما سالت ولا قال ابي يهال
رحت ماجده اليتامى سوت لي تحاليل واشعه وقالت فيج تكيس ومبايض حيل ضعيفه
حجم البويضه 3 فقالت بعطيج ابر انا قلت لريلي ووافق وما علمت احد. وهذا خطا مني
بعدها طقيت الابر من 2 الدوره لي 12 الدوره وبعدها ابرة التفقيص وبعدها الجماع
كل شي مشا اوكي بعدها قالت اسبوعين وحللي لكني ملقوفه ما كنت ادري ان لازم
ما اشيل شي او ما اجهد نفسي عشان يثبت سويت تحليل طلعت حامل بعدها رحت حفله
ورقصت ونسيت عمري اليوم الثاني صار معاي نزيف وطاح البيبي
طبعا امي زفتني قالت انتي علاج مفروض منسدحه ع ظهرج وحسيت خلاص
ماراح احمل مره ثانيه بعدها قلت ما ابي اروح لخاص
تخربطت الدوره علي ورحت لام فيصل اللي بجابر العلي عطتني ادويه
وبعد شهر نزل التكيس شفته بعيني علما ان ماجده قالت اسويلج عمليه تشيله
بس عادي ما ياثر ع الحمل بعد بفضل الله ودوا ام فيصل نزل بعد ثلاث شهور اكل دواها
صار حملالحمدلله لكن اسبوعين وطاح والله كنت ببيت اهلي ما اتحرك
مريحه نفسي بس الحمدلله ع كل شي
الحين ريلي يقول خل نحاول من يديد خل نطق ابر افضل واسرع
انا استخرت مرتين ومرتاحه الحمدلله
وتييسرت اموري بالدوام الحمدلله
بس ابي نصائح انا قلت لامي اني بسوي
بس البنات اللي سوو بعد ما يصير جماع لي وقت التحليل
هل يكون في جماع او لا ؟
لازم ترتاحين وما تجهدين نفسج ؟
وقاع افكر ان نسوي تلقيح صناعي اضمن كل شي بيد الله
بس لان المره اللي طافت صار لنا كذا مشكله وقت الجماع
من اصل 3 ايام صار بس مره بسبب ضروف ريلي ودوامه عله
اعتبروني اختكم الصغيره انصحوني
انا متامله خير هالمره واني بكون حامل
لان الموضوع مضايق ريلي بس ما يبي يقول خصوصا ان اخوه كان متزوج معانا وعنده
ياهل ومدته حامل ما شا الله
انا قاع اشغل سوره البقره بالبيت والسياره وقاع استغفر
بس ابي نصائح واللي نا عنده يدعيلي
مشكوووووورين
