افكار مشوشة

السلام عليكم ..

احس هالمكان اللي أفضفض فيه عن أفكاري واطروحاتي سواء السلبية أو الإيجابية ..

بنات بتكلم عن نفسي انا .. ماني مرتاحة مو عارفة السبب أحس في بيت حمولتي خاصة من خالتي ويدة ريلي على انهم طيبين في أمور ما تعجبني من نظرات ونغزات واحاول اتقرب من حماتي عشان تمشي الأمور واتقرب من خالتي بأمور عشان اشيل الوسواس مني ..

بعد جم يوم راح يرد ريلي من السفر بإذن الله واهو يدري ان انا كانت بخاطري السفرة لي درجة ان قالي انا السبب بتأخير الطيارة والضباب لان نفسي فيها واني حسودة مادري يمكن قالها على ضحك أو غشمرة بس رديت عليه وقتله انا مو الله عشان يصير كل هذا هذا تصير بكل السفرات وان اهو مرض قتله اوكي انت مرضت تطلع من البحر يطقك هوا انا شعلي انا شوي تنرفزت وانا اقول يمكن مو قصده لان بيطفرني

فمرة اسلم عليه بالواتس اب جان يقولي انتي وين طالعه قتله طالعه مع اللي أحب انا قصدي ان اطفره قالي انا ماحب اللي يهايل من مكان لي مكان وماحب الردة المتأخر وماحب الطلعات الوايد جان أقوله اللي يسمعك ان انا أطلع وايد كلها روحة بيت اهلي واقعد هناك ولا أطلع مكان غير جمعيات ولا تأخرت اكون قاعده مع اهلي خصوصا ان ابوي دايما يتأخر وانا أبي أقعد معاه اول كان يقولي عادي وايي بيت اهلي يماشيني لي بيتنا وبعدين يقولي لا انا مالي خلق ردي البيت ووو بعدين قام يتضايق وانا من نفسي ما قمت أتأخر حتى لو أبوي قالي قعدي أقوله انت تتأخر وبعدين انا أتأخر على ريلي واهو يعصب ابوي سكت جن حزة بنفسه
واللي حصل ان تنرفز قتله انت شنو تشك فيني قالي شنو تنفهم كلمة طالعه مع اللي أحب قتله مو لازم يكون باللي بالك لان انا احبك ولا يمكن أشوف غيرك بس ممكن تكون طالعه مع اللي احبه من اهلي وحبايبي قتله انا ما توقعتك تشك فيني قالي لو انا أشك فيج جان من زمان مطلقج ولا تقعدين عندي قتله يا حبيبي انا شايلة اسمك ومأمني على عرضك وشرفك وولدك وبيتك معقولة قالي ايي لا تنصدمين

وما كلمته أمس واليوم منفس علي

قاعدة أحط سيناريو :
1- اذا رحبت فيه وهللت وانا بنفسي بخاطري ان مثل ما انت تستانس انا استانس بتصير مشاكل لان مع الأسف عقليته الريال اللي يستانس انا ماقصرت ويديتج البحرين ودبي على يوم ويومين بيقول هذا حدها
وممكن بعض الدلع والمعاملة تتغير الحمدالله اقول ربي عطاني ريال في عيوب وفيه مزايا ممكن بتعامل معين ينفر مني ولا احصل شي منه
2- اذا رحبت فيه وهللت وسولفت معاه واقوله يا حبيبي ورني الصور تصدق كان ودي اروح معاك كان ودي نروح شهر عسل ثاني وكان ودي ودي ودي بس انت فضلت تستانس مع ربعك علي وخليتني اقعد بالكويت اجابل اهلك وولدك ولا قصرت مع احد
3- اسلم عليه وبعدين اعطيه ظهري وانام واخليه يقول هذي حسودة ماتبيلي الفرح

في أمور بحياتنا ما تعجبني ولا ني عارفة شلون أكسبه تجاهي لازم أحط حطة اكسبه تجاهي يعني اخليه يقلل نوم بره البيت بالويكند واخليه يقلل طلعات مع ربعه ويوازن بيني وبين اهله خصوصا امه
احس الريال يبي مني اونسه بكل شي والسوالف والضحك هالشي فاقدته يعني احاول اني اضحك بس مو الموود الي يعجبه مو نفس أيام الملجة واسولف يقولي انتي كل تشوفين ربعج وتبين تقلدينهم وتقلدين اهلي بالماركات

بنات والله احترت

حتى انا ملاحظة ان كلمة الطلاق سهله بلسانه كل شوي مهددني بالطلاق من اقل مشكلة
يقولي مو عيب ولا حرام الطلاق

انا فيني عيوب اني انفعالية بس قلبي طيب وابيض واحبه واحب اهله وخدومة واعطي من قلب سواء هدايا ولا بالشي اللي يحبه
وانا احس هالشي غلط لان مايصير كلشي اعطيه بس هذي انا احب اعطي

حتى بعيد الأم عطيت حق خالتي ورد وكيك وعزمت حماتي وبناتها واستانسوا ع الكيكة بس حسيت ان مافرحت وان جن من نظرتها بس نطري بالمفاجأة لما يرجع ولدي مع العلم ان كنت اسولف مع حماتي اقولها انا كانت بخاطري هالسفرة بس اهو فضل ربعه علي
قالت وناسته مع ربعه خليه يستانس قتلها عليه بالعافية بس انا بخاطري اسافر مو كل سفراته واجازاته مع ربعه

لما أقارنه ببوي عسى الله يخليه لي ياخذ اجازته عشان يونسنا ويجمع الفلوس عشان يسفرنا بالصيف واي شي بخاطرنا يسويه لنا


والله أكتب كل مشاعري بدون تفكير